Bunu səhiyyə nazirinin səlahiyyətlərini icra edən Teymur Musayev Nazirlər Kabineti yanında Operativ Qərargahın birifinqində çıxışı zamanı deyib. O bildirib ki, bu şans əvvəlcə vaksinlərin kifayət qədər çox olduğunu göstərir:

“İkinci məsələ ondan ibarətdir ki, könüllülük prinsipi qorunaraq, eyni zamanda vətəndaş məsuliyyəti hiss edərək cəmiyyətimiz dünyanın qabaqcıl ölkələrindəki kimi vaksinasiya prosesinə kütləvi şəkildə qatılarsa, qısa müddətdə normal həyata qayıtmaq şansı var. Bu şansı əldən buraxmaq olmaz”. 

M.Ağayev qeyd edib ki, bayram günlərində tam qapanma tələb edir: “Bir vətəndaş kimi, az-çox tanınan bir jurnalist kimi, insan kimi! Novruz tətilinin fəsadlarını hələ hiss etməkdəyik.

Nə qədər bədbəxt dünyadan məhz bizim eksperimentlərimizə görə köçdü. Sərt qapanma! Yalnız sərt və tam qapanma! Bu bəlaya qalib gəlməyin yolu gerçək qapanmadan keçir!

Bütün “aç-burax!” tipli populizmləri, populistləri rədd edirəm! Türkiyə normal yay keçirmək üçün tam qapanmanı seçdi.  

Bir millət, İki dövlət! deyirik! Bir millət, iki dövlət deyilik? Bu gün qapanmaqla sabahın normal şəraitini yaradaq! Vaksinasiyanı isə tam məcburi edək! Qurtar bu sosial şəbəkə şantajından, Dövlət! Öz işini gör!”

Belə ki, ilin ilk 3 ayında 21,260 mln. dollar dəyərində pomidor ixracı edilib ki, bu da ötən ilin eyni dövrü ilə müqayisədə 2 dəfə azdır. Doğrudur, ötən il Rusiya tərəfindən Azərbaycandan pomidor idxalına məhdudiyyətlər qoyulsa da, artıq bu məhdudiyyətlərin böyük bir qismi aradan qaldırılıb. Lakin Rusiyanı pomidor və alma ixracında əsas bazar seçən Azərbaycanda bu məhsulların ixracı 2 dəfə aşağı enib.

Eləcə də, Azərbaycanda daha çox üstünlük verilən kənd təsərrüfatı məhsulu kimi fındığın ixracı da azalıb. Fındıq ixracından 29,052 mln dollar əldə olunub ki, bu da illik müqayisədə 21,4% azdır. Çay ixracının dəyəri isə 9,2% azalaraq 2,020 mln dollar olub.

Mövzu ilə bağlı “Ölkə.az”a açıqlama verən kənd təsərrüfatı sahəsi üzrə ekspert Vahid Məhərrəmov bildirdi ki, ixracda azalma ilə yanaşı, ölkəyə kənd təsərrüfatı məhsullarının idxalında ciddi artım var. Özəlliklə, bu artım meyvə-tərəvəz idxalında müşahidə olunub:

“İxracdakı azalmanın bir səbəbi istehsal ilə bağlıdır. Düzdür, alma və pomidar ixracı ilə bağlı müəyyən maneələr var idi. Əgər istehsal kifayət qədər çox olsaydı, qonşu ölkələrə, Belarusiyaya, Orta Asiya ölkələrinə istixana şəraitində yetişdirilmiş pomidor məhsulları ixrac etmək olardı. Eləcə də, alternativ bazarlar tapmaqla ixracı artırmaq mümkün olardı.

İstehsaldakı azalma isə bir sıra problemlərlə bağlıdır. Məsələn, fermerlər uzun müddətdir istixana şəraitində pomidor yetişdirirlər. Lakin cari ilin fevral ayında bir sıra fermerlər qaz, su, elektrik kimi kommunal xidmətlərdə problemlərin yaranması ilə bağlı şikayətlər səsləndirmişdi. Belə olan şəraitdə istehsalı düzgün qurmaq mümkün deyil. Bu kimi süni problemlər məhsuldarlığı azaldır, fermerləri müflis edir. Məsələn, Şəmkir rayonunun Cəyirli kəndindən olan fermərə bu ilin mart ayında 75 min manat ziyan vurulub və o, birillik gəlirindən məhrum olub. Bütün bunlar istehsalı azaltmaqla ixrac əlaqələrinin qırılmasına səbəb olur”.

Ekspertin sözlərinə görə, fındığın bir kiloqramı 16-17 dollara təklif olunurdu: 

“İndi isə qiymət artıq 2 dəfədən çox aşağı düşüb. Çünki fındığa tələbat azalıb. Bu da alıcıları azaltmaqla ixracı aşağı salır. Son 5 ildə fındıq əraziləri 2 dəfə artıb. Çünki bu sahəyə göstərilən dəstək güclənib və subsidiya həcmi artıb. Lakin fermerlər bazarın konyukturunu izləyərək hansı məhsulu istehsal edəcəyinə qərar verməlidir. 

Həmçinin istixana biznesinin genişləndirilməsi ilə bağlı dəstəkləyici addımlar da oldu. Hazırda istixana şəraitində yetişdirilən məhsulların həcmi 9 dəfə artıb. Lakin istehsal artsa da, bazarın qəbul etmə səviyyəsi azdır. Düzdür, Rusiya bazarı var, amma elə bir ölkə yoxdur ki, Rusiyaya istixana məhsulu çıxarmasın. Azərbaycan məhsulları bir sıra digər ölkələrin istixana məhsulları ilə keyfiyyət və qiymət baxımından rəqabət aparacaq səviyyədə deyil”. 

Ekspert onu da vurğulayıb ki, Azərbaycan bu dövrdə daha çox duru yağ idxal edib:

“Buğda, düyü, heyvandarlıq məhsulları ilə bərabər duru yağ idxalına da çoxlu miqdarda valyuta xərclənib. Bizim bazarımızda hazırda daha çox bitki yağına ehtiyac olduğu halda niyə məhz əsasən istixana məhsulları istehsal edilir? Ölkədə il ərzində 160 min ton bitki yağı istehlak olunur. Keçən il ölkəyə 167 min ton duru yağ idxal edilib. Ölkə bu sahədə tam idxaldan asılıdır. Bu il həmçinin yağın qiyməti 60% artım nümayiş etdirdi. Qiymətlərin artımına səbəb isə bizim ölkənin daha çox idxaldan asılı olması və digər ölkələrin də mövcud vəziyyətdən istifadə etməsi idi. Əgər Azərbaycan 80% tələbi daxili istehsalı hesabına ödəyə bilərdisə, bu zaman 20% idxalda qiymət artımı ümumi qiymətlərə bir o qədər təsir etməzdi”. 

Ekspertin fikrincə, kəndli və fermerlərə günəbaxan və digər duru yağın əldə olunduğu bitkilərin istehsalına stimul yaradılmalıdır:

“Yağın emalı üçün şərait yaradılmalıdır. İstehsal zamanı qayda pozuntularına yol verilməzsə, bu zaman bazara çıxarılan məhsul da ucuz olar. Eləcə də, günəbaxan bitkisinin suya tələbatının çox olmasını nəzərə alaraq suvarmadakı problemlər aradanm qaldırılmalıdır. Bu problem köklü şəkildə həll edilməzsə, bu il də eyni problemi yaşayacağıq”.

Bu barədə Unikal.org-a onun həyat yoldaşı məlumat verib. Xanım bildirib ki, Z.Kazımovun səhhətində yaranmış problemlərə görə psixiatr müalicəsinə başlanılıb. Onun sözlərinə görə, zabitimizin səhhətində yaranan problem getdikcə mənfi nəticələrə gətirib çıxarıb:

“Son günlər Ziyanın psixoloji durumu, davranışları bizi narahat etməyə başlayıb. Bəzən həyatını təhlükə altına ata biləcəyini belə düşünürük. Müharibə dövründə aldığı kantuziya, bundan əlavə, adının haqsız yerə hansısa işlərdə hallanması vəziyyəti daha da kritikləşdirib. Hazırda ciddi müalicə və nəzarət altındadır. Ancaq daha mütəşəkkil müalicə üçün Türkiyətə getməsinə icazə verilməsini istərdik. Bununla bağlı Cənab Prezidentimiz İlham Əliyevdən, Birinci xanım Mehriban xanımdan dəstək istəyirik. Ümüd edirik ki, bundan əvvəlki müraciətlərimizə müsbət cavab verildiyi kimi, Ziya Kazımovun həyatının təhlükə altında olduğunu nəzərə alaraq, onun Türkiyədə müalicə olunması üçün müvafiq göstəriş veriləcək”.

Xatırladaq ki, qazi Ziya Kazımov bir müddət əvvəl məsuliyyətə cəlb edilərək həbs edilmişdi, daha sonra isə ev dustaqlığına buraxıldı.

Z.Kazımovun ev dustaqlığına buraxılması üçün Prezident İlham Əliyev və Birinci Vitse-prezident Mehriban Əliyevaya müraciət olunmuşdu.

Qeyd edək ki, Vətən Müharibəsi iştirakçısı Ziya Kazımov Cəbrayıl-Füzuli, Cəbrayıl-Hadrut, Hadrut-Füzuli yolunun tam təhlükəsizliyini, o cümlədən, Xüsusi Təyinatlı Qüvvələrin təminat yollarının mühafizəsini təmin edib. Hadruta ilk girən komandirlərdən biridir. Ziya Kazımovun tabeliyində olan hərbi hissə Şuşa ətrafındakı yüksəkliklər uğrunda qəhrəmancasına döyüşüb.

Bu barədə Azərbaycanın İnsan Hüquqları üzrə Müvəkkilinin (Ombudsman) azərbaycanlılara qarşı nifrət cinayətləri və nifrət nitqinə dair hesabatında bildirilib.

"Uzun illər Ermənistanın siyasi hakimiyyətində azərbaycanlılara qarşı etnik təmizləmə siyasətində birbaşa iştirak etmiş şəxslərin olması müəyyən mənada aparılan danışıqların və sülhün bərqərar olmasını şübhə altına alırdı. 2018-ci ildən Ermənistanda hakimiyyətə gələn yeni qüvvələr də öz sələflərinin Azərbaycana qarşı nifrət dolu siyasətini davam etdirib, münaqişənin dərinləşməsinə və müharibənin baş verməsinə zəmin yaradacaq nitqlər söyləyiblər. 2019-cu ildə Azərbaycanın işğal olunmuş ərazisi olan Xankəndində yaşayan ermənilərlə görüşərkən Ermənistanın baş naziri Nikol Paşinyan “Artsax Ermənistandır və nöqtə” deyərək, Ermənistanın gerçək niyyətinin əslində işğal siyasətini davam etdirmək olduğunu, məcburi köçkünlərin hüquqlarını heçə saydığını və azərbaycanlılara qarşı nifrət hissini bir daha açıq bir şəkildə ifadə edib.

2020-ci il 27 sentyabr tarixindən başlayaraq Ermənistan silahlı qüvvələri tərəfindən mütəmadi olaraq atəşkəs rejiminin pozulması və Azərbaycana qarşı yeni torpaq iddialarına son qoymaq məqsədilə Azərbaycan silahlı qüvvələri tərəfindən əkshücum hərbi əməliyyatları başladılıb. 44 günlük müharibə nəticəsində Azərbaycan beynəlxalq hüququn tələblərinə uyğun olaraq işğal altında olan ərazilərini azad edərək öz ərazi bütövlüyünü təmin edib. Müharibə dövründə Ermənistan beynəlxalq humanitar hüququn normalarını kobud şəkildə pozaraq döyüş zonasından çox uzaqda yerləşən Azərbaycanın Gəncə, Bərdə, Tərtər və əhalisi sıx olan digər şəhərlərini qadağan olunmuş raketlərlə atəşə tutub. Gəncənin və Bərdənin ümumilikdə 6 dəfə raket hücumuna məruz qalması nəticəsində 60 nəfər həyatını itirib, 200-dən çox şəxs müxtəlif dərəcəli xəsarətlər alıb", - hesabatda qeyd edilib.

"Bunu Azərbaycan Respublikasının Təhlükəsizlik Şurasının katibi, general-polkovnik Ramil Usubov deyib.

O bildirib ki, Ali Baş Komandanın Qarabağ bölgəsinə davamlı səfərləri bu prosesdə mühüm yer tutur: "Möhtərəm Prezident indiyədək Şuşa, Ağdam, Füzuli, Zəngilan, Qubadlı, Cəbrayıl, Laçın, Xocavənd rayonlarına dəfələrlə səfərlər edib. Azad edilmiş ərazilərin vəziyyəti ilə tanış olub, eyni zamanda yaradılmaqda olan infrastrukturların təməlini qoyub. Bu səfərlərin real nəticələri var. İndi azad edilmiş bölgələrdəki hər bir şəhər və rayon üzrə layihələndirmə işləri gedir. Mühüm sahələr üzrə infrastruktur quruculuğuna, su, elektrik, qaz xətlərinin, yolların tikintisinə başlanılıb. Hava limanlarının və dəmir yolu xəttinin inşası davam edir, ərazilərin minalardan təmizlənilməsi işləri intensiv aparılır. Şuşaya doğru çəkilən “Zəfər” yolunda artıq ciddi irəliləyişlər var".

Təhlükəsizlik Şurasının katibi qeyd edib ki, bütün bu işlərin mərkəzləşdirilmiş şəkildə koordinasiya edilməsi və ərazidə xüsusi idarəçilik modelinin yaradılması sayəsində prosesin şəffaf və səmərəli həyata keçirilməsi təmin olunacaq: "Bu bölgənin yenidən qurulması, iqtisadi potensialının bərpası Qarabağı yüksək rifaha malik regiona çevirəcək və Azərbaycanın iqtisadi inkişafına əsaslı töhfələrlə nəticələnəcək. Xalqımız əmindir ki, tezliklə Qarabağda həyat yenidən canlanacaq, vaxtilə Heydər Əliyevin gülüstana çevirdiyi, qurub-yaratdığı Qarabağa möhtərəm dövlət rəhbərimiz yeni həyat bəxş edəcək, onu yenidən inkişafa, rifaha qovuşduracaq. Regionda sabitliyin, əmin-amanlığın təmini, iqtisadi potensialın artması isə, eyni zamanda məhz Ali Baş Komandanın yaratdığı yeni reallıqlardan irəli gələn təhlükəsizlik amilinə çevriləcəkdir".

Bunu Milli Məclisin deputatı Vüqar Bayramov deyib. Onun sözlərinə görə, qeyri-iş günlərindən sonra ölkəmizdə yoluxma sayının artması müşahidə olunub:

"Bazar günü saat 00:00-dan 16 may saat 06:00-dək ictimai nəqliyyatın fəaliyyəti dayandırılacaq. Nazirlər Kabinetinin iş və istirahət günlərinin ardıcıllığını təmin etmək məqsədilə 2021-ci ilin 11 və 12 may iş günləri ilə müvafiq olaraq 8 may və 16 may istirahət günlərinin yerləri dəyişdirərək həmin müddətdə ictimai nəqliyyatın da fəaliyyətini dayandırılıb.

Hələlik heç bir ölkədə və eləcə də elmi araşdırmalarda qeyri-iş günlərində və eləcə də həftəsonlarında ictimai nəqliyyatın işləməməsinin yoluxma sayına təsirlərini ölçə bilən konkret metodlar yoxdur. Digər tərəfdən, oxşar praktikadan, yəni ictimai nəqliyyatın fəaliyyətinə icazə verilməməsi, bu il Novruz bayramı ilə əlaqədar qeyri-iş günlərində də istifadə olunmuşdu.  Amma qeyri-iş günlərindən sonra biz ölkəmizdə yoluxma sayının artmasını müşahidə etdik".

Millət vəkilinin sözlərinə görə, bu baxımdan, qeyri-iş günlərində və həftəsonlarında ictimai nəqliyyatın fəaliyyətinin bərpası məqsədə uyğun olardı:

"Bir sıra inkişaf etməkdə olan ölkələrin praktikasını nəzərə alsaq, pandemiya dövründə qeyri-iş günlərində ictimai nəqliyyat fəaliyyətini dayandırmır, sadəcə müddəti qısa olur.  Xüsusən də, günün aktiv saatlarında nəqliyyatın işinin bərpası daha məqsədəuyğun olardı. Bu, qeyri-iş günlərində müşahidə olunan nəqliyyat probleminin həllinə gətirib çıxara bilər".

Bu barədə Hərbi Prokurorluğun mətbuat xidmətindən məlumat verilib.

Hərbi prokurorluq orqanlarının və Dövlət Təhlükəsizliyi Xidmətinin əməkdaşlarının iştirakı ilə Silahlı Qüvvələrin hərbi qulluqçularından ibarət axtarış qrupları tərəfindən itkin düşmüş hərbi qulluqçularımızın axtarılması istiqamətində müntəzəm iş aparılır.

Bundan əvvəl verilmiş məlumatlara əlavə olaraq bildirilir ki, Dövlət Təhlükəsizliyi Xidmətinin əməkdaşları ilə birgə həyata keçirilmiş əməliyyat-istintaq tədbirlərinin nəticəsində itkin düşmüş daha bir hərbi qulluqçunun-kiçik çavuş Tağıyev Pərviz Hafiz oğlunun meyiti tapılaraq, şəxsiyyəti müəyyən edilməklə aidiyyəti üzrə verilməsi üçün zəruri tədbirlərin görülməsi təmin olunmuşdur.

İtkin düşmüş digər hərbi qulluqçuların olduqları yerlərin müəyyən olunması məqsədilə əməliyyat-istintaq tədbirlərinin icrası davam etdirilir, eləcə də axtarış qrupları tərəfindən hazırda intensiv işlər aparılır.

Allahdan bütün şəhidlərimizə rəhmət, doğmalarına səbir diləyirik.