 |
|
Xalq artisti Ağadadaş Ağayevin ittiham olunduğu cinayət işi üzrə məhkəmə prosesi yekunlaşıb.
APA xəbər verir ki, bu gün Binəqədi rayon Məhkəməsində hakim Vüsal Tağıyevin sədrliyi ilə keçirilən prosesdə təqsirləndirilən şəxsin vəkili çıxış edib.
Vəkil çıxışı zamanı məhkəmədən bəraət istəyib.
Dövlət ittihamçısı cinayət işinin sübuta yetirildiyini və bəraət hökmü üçün əsasın olmadığını bildirib.
Daha sonra təqsirləndirilən Ağadadaş Ağayev son söz deyib. O, vəkili ilə razılaşdığını qeyd edib.
Məhhəmə müşavirəyə gedib.
Müşavirədən sonra hökm oxunub.
Hökmə əsasən, Ağadadaş Ağayevə 2 il azadlıqdan məhrumetmə cəzası təyin edilib. Cinayət Məcəlləsinin 70-ci (şərti məhkum etmə) maddəsi tətbiq edilməklə, 1 il sınaq müddəti hesab edilməklə cəza şərti hesab olunub.
***
Xalq artisti Ağadadaş Ağayevin ittiham olunduğu cinayət işi üzrə məhkəmə prosesi keçirilir.
APA xəbər verir ki, bu gün Binəqədi rayon Məhkəməsində hakim Vüsal Tağıyevin sədrliyi ilə keçirilən prosesdə hökm oxunacaq.
Məhkəmə hökm elan etmək üçün müşavirəyə gedib.
Xatırladaq ki, ötən prosesdə prokuror təqsirləndirilən Ağadadaş Ağayevin 2 il sınaq müddəti olmaqla 2 il müddətində şərti azadlıqdan məhrum etmə cəzasına məhkum edilməsini istəmişdi.
Qeyd edək ki, ötən ilin iyul ayında xalq artisti Ağadadaş Ağayevlə “Medera Hospital”ın mühafizəçisi Nurəddin Cəlilov arasında insident baş verib. Ağadadaş Ağayev mübahisə etdiyi mühafizəçiyə balta atıb, balta klinikada çalışan N. Paşayevaya dəyərək xəsarət yetirib. Mühafizəçi Nurəddin Cəlilov isə Xalq artistini döyüb. Ağadadaş Ağayev “Medera Hospital”ı mülki hüquq pozuntularından yaranan öhdəliklər üzrə mübahisələr - mənəvi zərərin ödənilməsi üçün məhkəməyə verib. Öz növbəsində, “Medera Hospital”ın rəhbəri Qaraxan Əliyev də Ağadadaş Ağayevə qarşı iddia qaldırıb. Müğənni mənəvi ziyana görə klinikadan 450 min manata yaxın, hospital isə Ağadadaş Ağayevdən 500 min manat pul tələb edib.
Yanvarın 8-də Xalq artisti Ağadadaş Ağayevlə hospital, mühafizəçi və xadimə arasında barışıq əldə olunub.
Daha sonra Binəqədi Rayon Məhkəməsində keçirilən prosesdə məhkəmə Xalq artisti Ağadadaş Ağayevin “Medera Hospital”a qarşı mülki iddiasına xitam verilməsi barədə qərar çıxarıb.
“Survivor” dedikdə ağıla ilk gələn məşhur simalardan biri olan Hikmet Tuğsuz bu dəfə haqqında səsləndirilən ittihamlarla gündəmə gəlib.
Tuğsuzun yarışın keçirildiyi Dominikan Respublikasından qayıdan kimi həbs olunacağı iddia olunur.
Məlumata görə, 2016-cı ildə iki bıçaqlama cinayətinə görə 12 il 16 ay həbs cəzası alan H. Tuğsuz 2023-cü ilin iyulun 31-də təcridxanaya göndərilib. O, müəyyən müddət sonra məhkəmə nəzarəti altında sərbəst buraxılıb. Lakin onun xaricə çıxışına qadağa qoyulduğu və həbs cəzasının 23 noyabr 2036-cı ilə qədər qüvvədə olduğu bildirilir.
Qeyd olunur ki, Tuğsuz azadlığa buraxıldıqdan sonra da dələduzluq və qəsdən adam öldürməyə cəhd cinayətlərinə qarışıb.
Barəsində ittiham aktı hazırlanarkən Dominikana gedən tanınmış sima haqqında fevralın 10-u Antalya Cümhuriyyət Baş Prokurorluğu tərəfindən həbs qərarı çıxarılıb. Bildirilir ki, o, Türkiyəyə qayıtdığı zaman həbs olunacaq.
Qeyd edək ki, Hikmet Tuğsuz daha öncə də “Survivor”da iştirak edib. İlk dəfə 2019-cu ildə bu yarışa qatılan Tuğsuz zədə səbəbindən mübarizədən kənarlaşdırılıb.(sfera.az)
“Crocus City Hall”da baş verən terror aktı nəticəsində dəyən ziyanın həcmi 150-200 milyon dollar təşkil edir.
Bunu “Agalarov Development” şirkətinin prezidenti, “Crocus Group”un sahibi Araz Ağalarovun oğlu Emin Ağalarov deyib.
Ağalarov qeyd edib ki, biznes nöqteyi-nəzərindən bu, bütün “Crocus Group”a pis təsir göstərib.
“Terror aktından sonra ərazidəki bütün obyektlərin işi iflic olub və davamiyyət azalıb”, - o qeyd edib.
Konsert zalının tikintisi zamanı sərmayələrin təxminən 70 milyon dollar olduğunu deyən Emin Ağalarov bildirib ki, inflyasiya və dolların məzənnəsini nəzərə alsaq, zərərin təxminən 100 milyon dollar təşkil edəcəyini düşünürəm.
“Hesab edirəm ki, təqribən bu qədər də ziyan ticarət mərkəzinin ziyarətçilərini itirməsi nəticəsində dəyib. Ümumilikdə 150-200 milyon dollar ziyan dəyib”, - Ağalarov bildirib.
Qeyd edək ki, 2024-cü il martın 22-də axşam saatlarında “Crocus City Hall”da terror aktı baş verib və nəticədə 145 nəfər ölüb.
Avtomobillərə xüsusi marağı olan Əməkdar artist Ədalət Şükürov bahalı avtomobilini nümayiş etdirib.
Publika.az xəbər verir ki, sənətçi qara rəngli "Range Rover" maşını ilə çəkdirdiyi videonu sosial şəbəkədə yayımlayıb.
Qeyd edək ki, sözügedən avtomobilin yenisinin qiyməti Azərbaycanda 280 min dollardan (təxminən 470 min manat) başlayır.
Xəbər verdiyimiz kimi, ötən gün aktrisa Çimnaz Sultanova bağırsaq xərçəngindən vəfat edib.
Ölkə.Az aktrisa haqqında məlumatları təqdim edir.
Çimnaz Sultanova 1982-ci il yanvarın 15-də Bakıda doğulsa da, sonradan ailəliklə Rusiyaya köçüblər. Almaniyada beynəlxalq iqtisadi əlaqələr fakültəsində təhsil alıb.
“Dram krujok”da aktyorluq sənəti üzrə məşğul olub. O, Almaniyada olarkən tamaşalar səhnədə yox, vətəndaşların arasında baş tuturdu.
O, İsrail Mədəniyyət Mərkəzində aktyorluq sənəti ilə bağlı dərslər alsa da, bu sənəti davam etdirmək istəməyib. Səbəb isə aktyorların qonorarının aşağı olması idi.
Buna görə də Ç.Sultanova aktrisalıqla paralel olaraq özünə biznes qurub. Məlumata görə, onun obyektləri var idi.
O, Azərbaycanda ilk dəfə “Sənə inanıram” serialında rol alıb. Daha sonra “Yüz kağız” filmi, “Qisas” və “Vicdan haqqı”, "Sarı gəlin" seriallarında oynayıb.
Azərbaycan tamaşaçısı onu daha çox "Vicdan haqqı" serialındakı Larisa obrazı ilə tanıyıb.
Ekran işində aktrisa evli adamla münasibətdə olan qadın kimi təsvir olunub. Larisa obrazı Rusiyada yaşayan zəngin biri olduğundan münasibətdə olduğu evli kişiyə maliyyə dəstəyi göstərir. Onun bu rolu cəmiyyətdə birmənalı qarşılanmamışdı.
Aktrisa müsahibələrindən birində roluna görə təhqir olunduğunu deyib: "Çoxu mən ekranda yaratdığım obrazı, şəxsən məni səhv salırlar. Düşünürlər ki, real həyatda da beləyəm, qadınlar mənə nifrət hissi ilə yanaşırlar, amma bu məni çox sevindirir. Bu sübut edir ki, aktrisa kimi rolumun öhdəsindən çox yaxşı gəlmişəm. Bu, aktrisanın qələbəsidir. Bir neçə qadın isə yazır ki, məni harada görsələr, boğacaqlar".
Məlumata görə, o, yoldaşı ilə uşaqlıqdan tanış olub. Adını çəkməsə də, aktrisa həyat yoldaşının Almaniyada elmlə məşğul olduğunu bildirib. Daha sonra onlar ayrılıblar. Mətbuata məlum olduğuna görə, onun 19 yaşlı bir oğlu var.
Ç.Sultanova həm də müğənniliklə məşğul idi.
O, açıq-saçıq geyimləri və etdirdiyi fotosessiyalarla tez-tez gündəmə gəlirdi. Aktrisanın həmçinin yutubda yayımlanan "Çimnazla yataqda" verilişi də qalmaqal yaratmışdı. Verilişə gələn qonaqların formata uyğun olaraq aktrisa ilə yataqda söhbətləşməsi də uzun müddət danışılmışdı.
Son olaraq isə aktrisa ötən ilin ortalarında teleqramda açıq-saçıq mövzulu xüsusi kanal açması ilə müzakirələrə səbəb olmuşdu. Hətta Sultanova çılpaq görüntülərini görmək istəyən izləyicilər üçün 200 AZN ödəniş təyin etmişdi.
Ötən gün isə aktrisa doğum günündə, 43 yaşında bağırsaq xərçəngindən dünyasını dəyişib. Onun xəstəliyinin 2 ay əvvəl üzə çıxdığı bildirilir.
Ç.Sultanova bəyənilən aktrisa və müğənni olsa da, fəaliyyətinə görə hər zaman tənqidlərin hədəfində idi. İstər onun çəkildiyi rollar, istər azad qadınla bağlı fikirləri, istərsə də son dövrlərdəki fotosessiyaları və s. cəmiyyətdə qınaqla qarşılandığından onun ölümündən sonra da fikirlər birmənalı deyil.
Bununla belə onu tanıyanlar və tanımayanlar aktrisanın ölümündən sonra sosial şəbəkələrdə aqressiv münasibət sərgiləyənlərə qarşı müdafiə edib. Ç.Sultanova ilə yaxın ünsiyyətdə olan jurnalistlər, qonşusu və s. şəxslər aktrisanın başqalarının şəxsi işinə qarşımadığını, yaxşı insan olduğunu bildiriblər. Onlar hər kəsin öz əməli qarşısında cavab verəcəyini yazaraq, aktrisanın başqalarına pis örnək olması barədə deyilənlərlə razılaşmayıblar.
Xəbər verdiyimiz kimi, ABŞ-nin Kaliforniya ştatında güclü meşə yanğınları davam edir.
Bu yanğınlarda “Survivor” yarışması ilə tanınan Turabi Camkıran da zərər gördüyünü açıqlayıb.
Belə ki, o, sosial şəbəkə hesabında Los-Ancelesdəki evinin və avtomobilinin yandığını deyib:
“Evim və maşınım yanıb. Hər şey kül oldu.Telefonum, bel çantam və qeyri-sağlam bədənimdən başqa heç nəyim qalmadı. Yenə sıfırdan başlayacağam”.
Qeyd edək ki, Los-Ancelesdəki yanğınlarda Billi Kristal, Mendi Mur və Peris Hilton da daxil olmaqla bir çox məşhurların evləri yanıb.
Xatırladaq ki, Turabi iki dəfə - 2014 və 2015-ci illərdə “Survivor” yarışmasının qalibi olub.
"Los-Ancelesdəki yanğın böyük oğlumun evinə yaxınlaşır. Həyəcandan yatmamışam".
Bu sözləri müğənni Nura Suri sosial şəbəkə hesabında qeyd edib.
Sənətçi bildirib ki, oğlu Xosrov təxliyə edilib.
Xatırladaq ki, müğənninin oğlu uzun müddətdir Los-Ancelesdə yaşayır.
Orqan Donorluğu və Transplantasiyası üzrə Koordinasiya Mərkəzi Aktyor Azər Baxşəliyevə böyrək köçürülməsi məsələsinə aydınlıq gətirib.
Mərkəzdən verilən məlumata görə, aktyor 20.02.2024-cü il tarixində Orqan Donorluğu və Transplantasiyası üzrə Koordinasiya Mərkəzinə böyrək çatışmazlığı ilə əlaqədar qeydiyyata düşüb.
Qeyd edilib ki, 2024-cü ilin oktyabrın 3-ü qohum olmayan canlı donorla müraciət edib və sənədlərin yığılması üçün məktub göndərilib: “16.10.2024-cü il tarixdə xəstəxana sənədləri ODTKM-a daxil olub. 31.10.2024-cü il tarixdə Etika Komissiyasına sənədləri göndərilib, lakin Etika Komissiyasından Azər Baxşəliyevin transplantasiya əməliyyatı olunmaqdan könüllü surətdə imtina etdiyi qərarı gəlib”.
Qeyd edək ki, aparıcı-aktyor İlkin Həsəni orqan transplantasiyası ilə bağlı son məqamda Azər Baxşəliyevə imtina cavabı verildiyini bildirib. Onun sözlərinə görə, analizlər götürülüb, sənədləşmə gedib. Sonuncu məqamda Azər Baxşəliyevə imtina cavabı gəlib.
Koma vəziyyətində Azərbaycan Tibb Universitetinin (ATU) Tədris Cərrahiyyə Klinikasının Reanimasiya şöbəsinə yerləşdirilən tanınmış aktyor Azər Baxşəliyev vəfat edib.
Bu barədə ATU-dan məlumat verilib.
***
Ölüm xəbəri yayılan tanınmış aktyor Azər Baxşəliyev hazırda reanimasiyadadır.
Bu barədə Oxu.Az-a onun müalicə aldığı xəstəxanadan məlumat verilib.
Bildirilib ki, onun müalicəsi hazırda davam etdirilir.
***
"Ölüm xəbəri yayılan tanınmış aktyor Azər Baxşəliyev hazırda komadadır".
Bu barədə Oxu.Az-a onun həmkarı İlkin Həsəni məlumat verib.
O bildirib ki, hazırda Azər Baxşəliyev dövlət xəstəxanalarından birindədir.
***
Aktyor Azər Baxşəliyev vəfat edib.
Bu barədə aparıcı Fərid Rzayev paylaşım edib.
Aktyor uzun müddət idi ki, böyrək çatışmazlığından əziyyət çəkirdi. O, böyrəkköçürmə əməliyyatı üçün donor axtarırdı.
A.Baxşəliyev daha çox ATV telekanalında yayımlanan "Bozbash Pictures" layihəsində canlandırdığı "Ağsaqqal" obrazı ilə sevilib.
Azər Baxşəliyev 3 iyul 1985-ci ildə anadan olub. Beynəlxalq Universitetinin Ərəb ölkələri üzrə regionşünaslıq fakültəsini bitirib. Evli idi, bir qız övladı var.
TikTok-da paylaşdığı videolarla populyarlaşan Kabi Leym Məkkəyə gedib.
OLAY yazır ki, dünyaca məşhur sima bununla bağlı sosial şəbəkə hesablarında paylaşım edib.
“Əlhəmdülillah demək istəyirəm. Allah mənə hər şey verdi. Ən vacibi davam etməyim və xəyallarıma çatmağım üçün güc bəxş etdi. Bir çox mücadilə ilə qarşılaşdım, hər şey mümkünsüz görünəndə inancım məni ayaqda saxladı. Tək ümidim olduğun üçün sənə şükürlər olsun, Allahım”, - deyə, Kabi bildirib.