 |
|
Əməkdar artist Elza Seyidcahan Xəzər TV-də yayımlanan “5-də 5” proqramının qonağı olub. “Qafqazinfo” xəbər verir ki, 52 yaşını qeyd edən müğənni-bəstəkar canlı efirə yenə fərqli obrazda qatılıb.
“Yaşıllıq təbiətin gözəlliyidir. Ən dahi rəssam Allahdır. Yaşıllıq onu rəmzidir ki, ekologiyanı qorumalıyıq, təmizliyə riayət etməliyik. Sənətin də ekologiyasını qorumalıyıq. Və bütün moda nümayişlərində belə obraza müraciət edirlər. Paltarım isə xüsusi hazırlanıb. Hindistandan gətirilən təmiz ipək parçadan tikilib”,- deyə sənətçi obrazı barədə qeyd edib.
Bacısı Rasimə ilə qeyri-adi imicdə proqramda yer alan Seyidcahan sosial şəbəkələrin də gündəminə düşüb.
İstifadəçilərin əksəriyyəti onu tənqid etsə də, digərləri onun tərzini qeyri-adi adlandırıb. İfaçı barədə maraqlı rəylər yazılıb, “caps”lər hazırlanıb.
Şairə Nazilə Səfərli və müğənni Şəbnəm Tovuzlu COVİD-19 virusuna görə test verib.
O, bu barədə "İnstagram" səhifəsində məlumat verib. O, test cavablarını yayımlayaraq: "Şəbnəm, gözümüz aydın, testimiz təmiz çıxıb. Bizdə koronavirus yoxdur",- deyə o, yazıb.
Bu gün Feysbuk sosial şəbəkəsindəki böyük səhifələrdə tanınmış aktrisa, xalq artisti Məleykə Əsədovanın guya Azərbaycan xalqını təhqir etməsinə dair paylaşımlar edilib.
Statusu olduğu kimi təqdim edirik:
“Məleykə Əsədova: “Bizim Millətimiz çox qudurğan millətdir bilirsiz niyə? Çünki Cənab Ali Baş Kamandanmız gece gündüz çalışır vuruşur yollarımız pis gündə idi yollarımızı yeni asfaltlar çəkdirir binalarimiz bərbad idi yeni binalar tikdirdi maaşdar pensiyalar aşağa idi qaldırdı day Cənab Prezidentimiz bundan artiq neyləməlidirki?indide xəstəlikdi bu xəstəlik tək bizdə deyilki bütün dünyanı ağuşuna alıb bütün Dünya bununla mübarizə aparır bizdən ağır iş görməyimizi vəya neysə eləməyimizi istəmirlər ki Xalq olaraq Pandimeyya görə deyilər evdə qalıb xəstəliklərə qalib gələkdə”. İttihamlara sərt reaksiya verən xalq artisti “Sherg.az”a açıqlamasında hiddətini gizlədə bilmədi: “Mən belə ifadə işlətməmişəm. O yazıdan xəbərim yoxdur. Harada yazmışam, kimin yanında demişəm? Ortaya fakt qoysunlar. Bu, dezinformasiyadır. Bunu yazan mədəniyyətini, tərbiyəsini göstərib. Özü qudurğandır, ona görə elə yazıb. Görünür, çox savadsız, təhsilsiz insandır. Onlar müxalifətdir! Millətimə, dövlətimə, torpağıma həmişə hörmətlə yanaşmışam. Millətimi hər zaman uca tutmuşam. Çünki xalqımın alqışları ilə bu yerlərə gəlib, Məleykə Əsədova olmuşam. Bilmirlər necə etsinlər, neynəsinlər, nə yazsınlar. Məşhurların adından mənasız sözlər yazaraq gündəmə gəlmək istəyirlər. Artıq dəli olublar. Məni tanıyanlar bilir ki, həmin söz leksikonumda yoxdur. O ki, qala xalqımı belə adlandırım. Həyatımda elə cümlə qura bilmərəm. Maraqlıdır, haqsız şəkildə yazıb, böhtan atanda Allahdan qorxmurlar? Allah cəzalarını versin!”
“Real Təhlil İnformasiya Mərkəzi” Məhdud Məsuliyyətli Cəmiyyətinin baş direktoru Mirşahin Ağayev koronavirus (COVID-19) infeksiyasına yoluxub.
“Qafqazinfo”nun əldə etdiyi məlumata görə, hazırda Mirşahin Ağayev xüsusi rejimli xəstəxanaya yerləşdirilib, həkimlər onun vəziyyətinin qənaətbəxş olduğunu bildirib.
Prosedura uyğun olaraq Mirşahin Ağayevin yaxınları və son günlərdə təmasda olduğu şəxslər araşdırılaraq tibbi nəzarətə götürülür.
Müğənni Rəqsanə İsmaylova sosial media hesabında maraqlı paylaşım edib.
O ''İnstagram'' hesabında fotosunu izləyiciləri ilə bölüşüb. İfaçı karantin səbəbi ilə vətənə gələ bilmədiyini və qürbətdə qaldığını bildirib.
''Burada hər şey başlasa belə, vətənimizdə çətinliklər davam edir. Heç nəyin dadı, duzu qalmayıb. Toylar da başlayıb, ancaq əvvəl yaşadığımız hər şey elə bil yuxu imiş. Əlimdən duadan başqa heç nə gəlmir. Qürbət, qəriblik taledə varmış - deyə, o qeyd edib''.
“Əməkdar artist Bəhram Bağırzadənin ağciyərlərinin vəziyyətində yaxşılaşma var”.
Bunu oxu.az-a açıqlamasında Mərkəzi Gömrük Hospitalının rəisinin müalicə işləri üzrə müavini Bəxtiyar Musayev deyib.
O bildirib ki, Bəhram Bağırzadənin bu günə olan ümumi vəziyyəti ağır olaraq qalır:
“Bəhram Bağırzadənin huşu aydındır. Tənəffüsü süni ventilyasiya aparatı vasitəsilə tənzimlənir. Bədən hərarəti isə subfebril rəqəmlərdədir. Bu gün aparılan rentgen zamanı ağciyərlərin vəziyyətində əhəmiyyətli dərəcədə yaxşılaşma müşahidə edilib.
Hazırda ikincili bakterial infeksiyanın qoşulması ilə mübarizə aparılır. Buna uyğun olaraq müvafiq təyinatlarda dəyişiklik aparılıb”.
Xatırladaq ki, Azərbaycanın Əməkdar artisti Bəhram Bağırzadə koronavirus infeksiyasına yoluxub. O, vəziyyətinin kəskin pisləşməsi səbəbindən iyunun 13-də Mərkəzi Gömrük Hospitalının reanimasiya şöbəsinə köçürülüb. B.Bağırzadə iyulun 2-də komadan ayılıb.
Əməkdar artist B.Bağırzadənin müalicəsi birbaşa Azərbaycanın Birinci vitse-prezidenti Mehriban Əliyevanın nəzarətindədir.
Azərbaycanın bir sıra şəhər və rayonlarında, eləcə də, Bakıda tətbiq olunan sərt karantin rejiminin tələblərini pozan teleaparıcı Mələk Heydərova işdən çıxarılıb.
Oxu.Az xəbər verir ki, Baku TV rəhbərliyi karantin qaydalarına əməl etməyən, qeyri-peşəkarlıq sərgiləyərək, ictimai fikirdə mənfi imic formalaşdıran aparıcı ilə yollarını ayırmaq qərarına gəlib və Mələk Heydərova ilə əmək müqaviləsinə xitam verib.
Bundan əvvəl isə Mələk Heydərova ictimaiyyətdən, Baku TV izləyicilərindən, kanal rəhbərliyindən, oxuculardan sərgilədiyi davranışa görə üzr istəyib.
İctimaiyyətdə pandemiya dönəmində hazırladığı materiallarla diqqət çəkən Baku TV-nin siması olan aparıcının heç bir etik kodeks gözləmədən, xüsusi sərt karantin rejiminin tətbiq olunduğu bir gündə qaydalara tabe olmayaraq, hoteldə dincəlməsi izləyicilərdə qıcıq yaradıb.
Xatırladaq ki, Mələk Heydərova əmək məzuniyyətində olub və o, “Fairmont Bakı” hotelində istirahət edərkən çəkdiyi fotoları paylaşıb.
Daxili İşlər Nazirliyi qısa zamanda hoteldə reyd keçirib və karantinin tələblərini pozan şəxslər saxlanılıb.
Müğənni Təranə Qumralın qızı Qumralın son paylaşımı müzakirələrə səbəb olub.
“Ölkə.Az” xəbər verir ki, məşhurluqda anasından heç də geri qalmayan Qumral həyat yoldaşı ilə fotosunu “İnstagram” səhifəsində yayımlayıb.
“Sizcə iki sevən insanın bezmədən, tükənmədən uzun illər bir yerdə qala bilməyinin sirri nədədir?”
Onun paylaşımına yazdığı şərh izləyicilər tərəfindən birmənalı qarşılanmayıb.
İzləyicilərdən biri Qumrala “Pullu qaynana və qaynata”- sözlərini yazıb.
Həftəsonu məşhur otellərin birində dincələn aparıcı-aktrisa Mələk Heydərova üzr istəyib.
Pravda.az-ın xəbərinə görə, M.Heydərova müraciətində deyib ki, hər kəs qaydalara əməl etməlidir: "Biz nə vəzifəmizlə, nə də statusumuzla kimdənsə fərqlənirik. Hamımız eyniyik. İstirahət etdiyim zaman çəkdirdiyim şəkillər paylaşılmışdı. Bununla bağlı üzrxahlıq edirəm..."
Qeyd: Daxili İşlər Nazirliyinin iyulun 5-də yaydığı məlumata əsasən, Bakının Səbail rayonunda otellərdən birində xüsusi karantin rejim qaydalarına əməl olunmayan, sosial məsafənin, mövcud preventiv tədbirlərin şərtlərinin pozulması ilə müşayiət olunan görüntülərlə bağlı müvafiq nəzarət-profilaktik tədbir keçirilib. Səbail RPİ əməkdaşlarının keçirdiyi müvafiq tədbirlərlə yayılan görüntülərdə əks olunan şəxslər müvafiq polis idarəsinə dəvət olunaraq barələrində inzibati tənbeh tədbiri tətbiq olunub. Saxlanılan şəxslərin hər biri ilə profilaktik, izahedici söhbətlər aparılaraq onların diqqətinə çatdırılıb ki, bu əməllər ölkədə tətbiq olunan epidemiya əleyhinə rejimin, sanitariya-gigiyena və karantin qaydalarına zidd olmaqla, insanların həyat və sağlamlığı üçün risk daşıyır. Onlar izahatlarında bu hərəkətlərindən səmimi peşmançılıqlarını ifadə ediblər. Saxlanılan şəxslər İnzibati Xətalar Məcəlləsinə uyğun olaraq məsuliyyətə cəlb ediliblər.
Qarabağ qazisi Kamil Musəvinin son paylaşımı maraqla qarşılanıb.
“Ölkə.Az” xəbər verir ki, o, idmançı Kamil Zeynallını istirahət zamanı yuxuya getməyindən istifadə edərək onu videoya çəkib.
Zarafatca çəkilən bu görüntülər izləyicilər tərəfindən çox bəyənilib.
Qeyd edək ki, K.Zeynallı və K.Musəvi uzun müddətdir dostluq edirlər
Sözügedən videonu təqdim edirik: