 |
|
Milli Məclisin Səhiyyə komitəsinin sədr müavini, tanınmış kardioloq Rəşad Mahmudov Əməkdar artist Bəhram Bağırzadənin sosial şəbəkələrdə yayılmış səs yazısı ilə bağlı açıqlama verib.
“ATV aktual” proqramının qonağı olan millət vəkili səs yazısının aktyora aid olduğunu təsdiqləyib:
"Bəli, o Bəhram Bağırzadənin səsidir. Ancaq unutmamaq lazımdır ki, ayın 6-da yüksək hərarəti olan Bəhram Bağırzadənin ayın 7-də aparılan Covid müayinəsi müsbət çıxıb. Ailəsinin dediyinə görə, həmin səs yazısı, böyük ehtimalla ayın 7-də dostlarına göndərdiyi səs yazısıdır".
R.Mahmudov deyib ki, Bağırzadə xəstəxanaya gətirildikdə belə virusa yoluxduğuna inanmaq istəmirdi:
"Bəhram müəllim ayın 10-da çəkilən kompüter tomoqrafiyasına qədər özünün xəstələndiyinə və Covid-19 xəstəsi olduğuna qətiyyən inanmaq istəmirdi və xəstəxanada yatarkən də bununla razılaşmaq istəmirdi. Əfsuslar olsun ki, ayın 9-da ağciyərdə 5%-lik tutulmaya baxmayaraq, ayın 12-də yenidən şikayətlərinin artması, boğulma hissinin artması ilə birlikdə ayın 13-də başqa xəstəxanadan bizim xəstəxanaya transfer olundu. Aparılan bütün müdaxilələrə baxmayaraq, ağciyərin böyük hissəsinin artıq tamamilə zədələndiyi, ECMO-ya bağlandığı və ECMO-ya bağlandıqdan sonra, hamıya məlum olduğu kimi, ayın 19-da ağciyərin 100%-dək hissəsinin zədələndiyi məlum oldu”. (BAKU.WS )
“Şou-biznesdə gərək kişi olmayasan, qaşını aldırasan ki, işin getsin. Kişi geyimləri də var, gərək sənin cinsin yırtıq olsun”.
“Ölkə.Az” xəbər verir ki, bu sözləri müğənni Tacir Şahmalıoğlu “Show news” verilişində deyib. İfaçının bu qalmaqallı fikirləri bəzi gənc müğənnilərin etirazına səbəb olub. Gənc müğənni Nicat Şahmalıoğlunun bu fikirlərinin geridə qalmışlıq adlandıraraq, onu tənqid edib.
“Tacir müəllim bilməlidir ki, sözü ağızdan çıxaranda yüz ölçüb, bir biçmək lazımdır. Hər fikri söyləmək lazım deyil. Çünki hər bir insanın öz geyimi və yaşam tərzi var. O, hələ də kostyum dövründə qalıb. Mən onun fikirlərini geridə qalmışlıq kimi sayıram. Bizim bu dəqiqə şou-biznesdə gündəm də olan kişi müğənnilərimiz var- Ədalət Şükürov, Manaf Ağayev, Vasif Məhərrəmli, Abbas Bağırov. Tacir müəlimin onların kişiliklırinə hər hansı bir şübhəsi var ki, bu cür fikir bildirir?”
“Bəhram Bağırzadənin vəziyyəti ilə bağlı proqnoz vermək çox çətindir”.
Bunu oxu.az-a açıqlamasında COVID-19-a yoluxmuş Əməkdar artist Bəhram Bağırzadənin müalicə olunduğu Mərkəzi Gömrük Hospitalının Elmi-Təcrübi və Tədris Mərkəzinin rəisi Rəşad Mahmudov deyib.
O bildirib ki, son bir neçə gündür Əməkdar artistin vəziyyətində heç bir ciddi dəyişiklik müşahidə edilmir:
“Səhər saatlarına olan məlumata görə, Bəhram Bağırzadənin vəziyyəti hələ də ağırdır. Bir neçə gündür ağır-stabil olaraq qalır. Hər hansı istiqamətdə proqnoz verməyimiz üçün çox tezdir”.
Xatırladaq ki, Azərbaycanın Əməkdar artisti Bəhram Bağırzadə koronavirus infeksiyasına yoluxub. Vəziyyətinin kəskin pisləşməsi səbəbindən iyunun 13-də Mərkəzi Gömrük Hospitalının reanimasiya şöbəsinə köçürülüb.
Ağciyər toxumasının 90 faizindən çoxunun zədələnməsi səbəbindən həkimlər onun ECMO cihazına qoşulmasına qərar verib. Əməkdar artist B.Bağırzadənin müalicəsi birbaşa Azərbaycanın Birinci vitse-prezidenti Mehriban Əliyevanın nəzarətindədir.
Müğənni Lətifə Soyuöz ATV kanalında “7 canlı” verilişinin qonağı olub.
Proqramda “7 zərf” rubrikasında iştirak edən ifaçı maraqlı açıqlamalar verib. O, zərflərdən çıxan ifadələrə uyğun fotoları ekranda nümayiş olunan məşhurlardan birini seçməli olub.
Lətifə “kim başdan ayağa plastik əməliyyatdır” ifadəsinə görə müğənni Rəqsanəni nişan verib. O, İsmayılovanın çox kompleksiz şəkildə bunu özünün də etiraf etdiyini bildirib.
Daha sonra Soyuözün “kim mənəm-mənəm deyir” sözlərinə görə seçimi müğənni Roza Zərgərli olub.
“Roza qoç bürcü olduğu üçün mənəm-mənəm deməyi çox xoşlayır”,- deyə o, vurğulayıb.
Dörd il ABŞ-da yaşayan, bir müddət əvvəl isə vətəninə qayıdan müğənni İlhamə Qasımova ATV telekanalında yayımlanan “7 canlı” axşam şousunun qonağı olub.
İfaçı veriliş zamanı maraqlı açıqlamalar verib. O, şou-biznesdə dinləmədiyi müğənnilərin adlarını açıqlayıb.
“ Roza Zərgərlini, Üzeyir Mehdizadəni, Günel Ələkbərovanı dinləmirəm. Mətanət Əsdova da xalq mahnıları ifa edir, bir – iki dəfə eşitmişəm. Ancaq xüsusi olaraq, evdə, avtomobildə bu müğənnilərin mahnılarına qulaq asmıram. Rəqsanə xanımın ifalarını bilirəm, eşitmişəm. Hətta bir dəfə onun ”bifəva” mahnısını verilişlərin birində zarafatla oxumuşdum, buna görə məndən incimişdi, ismarıc da yollamışdı”,- deyə o, bildirib.
"Əməkdar artist Bəhram Bağırzadənin səhhətində ciddi dəyişiklik yoxdur”.
Bunu “Report”a açıqlamasında Mərkəzi Gömrük Hospitalı rəisinin müalicə işləri üzrə müavini Bəxtiyar Musayev deyib.
Qeyd edək ki, Azərbaycanın əməkdar artisti Bəhram Bağırzadə koronavirus infeksiyasına yoluxub. O, vəziyyətinin kəskin pisləşməsi səbəbindən əvvəl müalicə olunduğu xəstəxanadan iyunun 13-də Mərkəzi Gömrük Hospitalının reanimasiya şöbəsinə köçürülüb.
Əməkdar artistin ağciyər toxumasının 90%-dən çoxu zədələndiyindən onu ECMO cihazına qoşublar.
B.Bağırzadənin müalicəsi birbaşa Azərbaycanın Birinci vitse-prezidenti Mehriban Əliyevanın nəzarətindədir.
Xatırladaq ki, ECMO ekstrakorporal membran oksigenlənmə cihazı olub, ağciyər və ürək yerinə 2-3 həftə funksiya göstərərək, mövcud olan problemin həlli üçün həkimlərə vaxt qazandıran bir müalicə üsuludur.
Xalq artisti Məleykə Əsədovanın son paylaşımı maraqla qarşılanıb.
“Ölkə.Az” xəbər verir ki, o, qara rəngli, qısa libası ilə kamera qarşısına keçib. Xalq artistinin əlbisəsinin uzun yarığı da diqqətlərdən yayınmayıb. Məleykə Əsədovanın yayımladığı foto izləyicilər tərəfindən bəyənilib. Onlar Xalq artistinin ünvanına xoş şərhlər yazıblar.
Əməkdar artist Elza Seyidcahan yol hərəkət qaydalarını pozub.
Müğənninin buna görə 5500 manat borcu var. O bildirib ki, avtomobili əlindən alınıb və cərimə meydançasına götürülüb.
"Bizimləsən" proqramına gələn Seyidcahan hazırda taksidən istifadə etdiyini açıqlayıb:
"Canlı yayımlar, tədbirlər... Tıxaca düşəndə vaxtında çatmağa çalışırıq. Polislər bizə güzəşt etsələr də, radarlar etmir. Cərimələrin üstünə də sığorta və faiz gəlib, borcum 5500 manat olub. 3 min manat ödədim, qalıb 2500 manat. İndi karantin vaxtıdır, ödəyə bilmirəm. Məni başa düşməlidilər.
Çətindir, gündə dörd verilişə gedirəm, maşınım mənim üçün ev idi. Bütün geyimləri yığırdım içinə. Güzəşt etsinlər, az-az ödəyim".(axşam.az)
.jpg)
Əməkdar artist Cavanşir Məmmədov "Xəzər" TV-də yayımlanan “Ay Zaur” proqramında maraqlı açıqlamalar verib.
Redaktor.az xəbər verir ki, müğənni bildirib ki, atası dünyasını dəyişdikdən sonra anasını yenidən evləndirmək istəyib:
“23 yaşımda anama dedim ki, ərə get. Cavab verdi ki, məsləhətini özünə saxla. Söylədi ki, sən başqa birinə ata deyə bilərsən? Məsələ bağlandı”.
C. Məmmədov qızının Türkiyənin tanınmış aktyoru ilə ailə qurduğunu bildirsə də, həmin şəxsin kimliyini açıqlamayıb:
“Oğluma qız axtarırdıq. Dostumun qızı ilə evləndirdim. Qızım isə Türkiyənin tanınmış aktyoru ilə evləndi. İndi hazırda Bakıdadır. Qızıma Nizami küçəsində ev almışam, onu kirayə verirlər. Hazırda onun pulu ilə yaşayırlar. Oğlan isə çəkiliş olduqca Türkiyəyə gedir. Təkcə qızıma yox, oğluma da ev almışam. İkisi də ali təhsillidir”.
İfaçı daha sonra indiyədək 67 maşın dəyişdiyini qeyd edib:
“Ən bahalı maşınım “Rolls Royce” olub. Bir az işlənmişdi, 480 min dollara aldım, sonra 150 minə satdım. Hər şeyin keyfiyyətlisini almaq istəmişəm. İndiyədək 67 maşın alıb- satmışam”.
Əməkdar artist Cavanşir Məmmədov "Xəzər" TV-də yayımlanan “Ay Zaur” proqramında maraqlı açıqlamalar verib.
"Ölkə.Az" redaktor.az-a istinadən xəbər verir ki, müğənni bildirib ki, atası dünyasını dəyişdikdən sonra anasını yenidən evləndirmək istəyib:
“23 yaşımda anama dedim ki, ərə get. Cavab verdi ki, məsləhətini özünə saxla. Söylədi ki, sən başqa birinə ata deyə bilərsən? Məsələ bağlandı”.
C. Məmmədov qızının Türkiyənin tanınmış aktyoru ilə ailə qurduğunu bildirsə də, həmin şəxsin kimliyini açıqlamayıb:
“Oğluma qız axtarırdıq. Dostumun qızı ilə evləndirdim. Qızım isə Türkiyənin tanınmış aktyoru ilə evləndi. İndi hazırda Bakıdadır. Qızıma Nizami küçəsində ev almışam, onu kirayə verirlər. Hazırda onun pulu ilə yaşayırlar. Oğlan isə çəkiliş olduqca Türkiyəyə gedir. Təkcə qızıma yox, oğluma da ev almışam. İkisi də ali təhsillidir”.
İfaçı daha sonra indiyədək 67 maşın dəyişdiyini qeyd edib:
“Ən bahalı maşınım “Rolls Royce” olub. Bir az işlənmişdi, 480 min dollara aldım, sonra 150 minə satdım. Hər şeyin keyfiyyətlisini almaq istəmişəm. İndiyədək 67 maşın alıb- satmışam”.
“Əməkdar artist Bəhram Bağırzadənin vəziyyəti stabil ağır olaraq qalır və heç bir dəyişiklik yoxdur”.
Bunu “Report”a açıqlamasında Mərkəzi Gömrük Hospitalı rəisinin müalicə işləri üzrə müavini Bəxtiyar Musayev deyib.
Qeyd edək ki, Azərbaycanın əməkdar artisti Bəhram Bağırzadə koronavirus infeksiyasına yoluxub. O, vəziyyətinin kəskin pisləşməsi səbəbindən əvvəl müalicə olunduğu xəstəxanadan iyunun 13-də Mərkəzi Gömrük Hospitalının reanimasiya şöbəsinə köçürülüb.
Əməkdar artistin 90%-dən çox ağciyər toxumasının zədələndiyindən onu ECMO cihazına qoşublar.
B.Bağırzadənin müalicəsi birbaşa Azərbaycanın Birinci vitse-prezidenti Mehriban Əliyevanın nəzarətindədir.
Xatırladaq ki, ECMO ekstrakorporal membran oksigenlənmə cihazı olub, ağciyər və ürək yerinə 2-3 həftə funksiya göstərərək, mövcud olan problemin həlli üçün həkimlərə vaxt qazandıran bir müalicə üsuludur