 |
|
"Bu gün 10 nəfərlə oynamaq çətin idi. Uşaqlar bundan artığını edə bilməzdilər".
"Report"un Brüsselə ezam olunmuş əməkdaşının məlumatına görə, bunu Azərbaycan millisinin baş məşqçisi Canni De Byazi səfərdə Belçikaya 0:5 hesabı ilə uduzduqları AVRO-2024-ün seçmə mərhələsinin sonuncu tur matçından sonra mətbuat konfransında deyib.
67 yaşlı mütəxəssis qarşılaşmanın çox ağır alındığını vurğulayıb: "Güclü rəqibə qarşı mübarizə apardıq. Qrupda yalnız bir heç-heçələri var idi. O da məlum səbəblərə görə yarımçıq dayandırılmış görüşdür. Üç gündən bir oynamaq bizə çətindir. Seçmə mərhələdə az xal yığsaq da, sonadək mübarizə apardıq".
İtaliyalı baş məşqçi Eddi İsrafilova start heyətdə şans verməsinə toxunub: "Fiziki baxımdan bunu nəzərə almalıyıq. Özümüz də uşaqlarla danışırıq. Eddi İsveçə qarşı yaxşı oyun sərgiləmişdi. Planımız fasilədə onu Coşqun Diniyevlə əvəzləmək idi. Amma alınmadı. İkinci hissədən daha çox razı qaldım. Birinci hissəyə yaxşı başlamamışdıq. Mənim komandalarım heç vaxt təslim olmamalıdır. 8 nəfərlə qalsaq da, sonadək döyüşməliyik".
Madrid "Real"ı İspaniya və Türkiyə mətbuatının böyük maraq göstərdiyi Arda Gülər üzərində təzyiqi azaltmaq üçün futbolçunu mediadan təcrid edib.
Offsideplus.az İspaniya mediasına istinadla xəbər verir ki, “kral klubu" türkiyəli yarımmüdafiəçinin yerli mətbuatdan gizlədilməsi barədə qərar verib.
Ardıcıl 3 dəfə zədələnən və Madrid təmsilçisində hələlik meydana çıxa bilməyən Arda Güləri qorumaq üçün klub radikal qərarlar qəbul edib. Buna görə də klub Türkiyə mətbuatından gələn müsahibə istəklərini rədd edib.
“Qarabağ”ın prezidenti Tahir Gözəl komandasının Avropa Liqasının qrup mərhələsinin 4-cü turunda Almaniyanın “Bayer” klubuna 0:1 hesabı ilə məğlub olduqları matçdan sonra açıqlama verib.
“Qafqazinfo”nun məlumatına görə, o, matçla bağlı təəssüratlarını bölüşüb:
“Həm sevincliyəm, həm üzgünəm. Əvvəla, hər iki komanda çox gözəl oyun göstərdi. Rəqibimiz ən yaxşı futbolçuları ilə oyuna çıxdılar. “Qarabağ”ı ən üst səviyyədə qarşıladılar. Oyunda mənə ən çox təsir edən keçən matçdakı psixoloji xəsarətin burada olmaması idi. Bunda məharəti Qurban hocada görürəm. O, oyunçulardan stressi kənarlaşdırıb. Ona görə də matçda özünəinanan və riskli oynayan “Qarabağ” var idi. Əlbəttə, axır dəqiqələrdəki qola söz tapa bilmirəm. Amma bu, oyundur, yaxşı oynayan da həmişə qazanmır. Amma hesab edirəm ki, bu axşam biz çox gözəl oynadıq. Lakin qarşı tərəf də möhtəşəm oyun nümayiş etdirdi”.
Bakıda “Qarabağ” və Almaniyanın “Bayer 04” komandaları arasında keçiriləcək UEFA Avropa Liqasının qrup mərhələsinin IV turunun oyununun hakim təyinatları bəlli olub.
“Qarşılaşma İngiltərədən olan hakimlər briqadasına tapşırılıb.
FIFA referisi Kreyq Pavsona Simon Bennett və Li Betts kömək göstərəcəklər. Dördüncü hakim funksiyasını Con Bruks yerinə yetirəcək. VAR-da avstriyalı Cared Gillett, AVAR-da isə Mixael Salisburu olacaqlar.
Qeyd edək ki, noyabrın 9-da Tofiq Bəhramov adına Respublika stadionunda reallaşacaq görüş saat 21:45-də başlayacaq.
“France Football” nəşrinin təsis etdiyi “Qızıl top” mükafatının qalibi müəyyənləşib.
Bu mükafata ABŞ-nin “İnter Mayami” klubunun kapitanı Lionel Messi layiq görülüb.
Argentinalı hücumçu karyerasında 8-ci dəfə titula sahib çıxıb. Mükafatı klubun rəhbəri, əfsanəvi ingiltərəli futbolçu Devid Bekhem təqdim edib.
“Nə vaxta qədər oynamağa davam edəcəyəm? Çox uzun müddət. Mən bilmirəm. Fiziki olaraq özümü necə hiss etdiyimdən asılı olacaq. Tarix deyə bilmərəm. Hər şey gündən-günə dəyişir”, - deyə Messi vurğulayıb.
Bundan əlavə, “Qızıl top”un təltifetmə mərasimində “Gerd Müller” mükafatının sahibi açıqlanıb.
Bu titula İngiltərənin “Mançester Siti” klubunun hücumçusu Erlinq Holann sahib çıxıb.
Norveçli ilin ən yaxşı hücumçusu seçilib. O, bu müddət ərzində 56 qolla yadda qalıb.
“Qızıl top”un təltifetmə mərasimində ilin ən yaxşı klubları da məlum olub.
Kişi komandalar arasında bu ada İngiltərə çempionu “Mançester Siti” layiq görülüb.
İlin qadın komandası isə İspaniya klubu “Barselona” seçilib.
Mərasimində “Lev Yaşin” mükafatına Argentina millisinin qapıçısı Emiliano Martines sahib çıxıb.
İngiltərənin “Aston Villa” klubunun qolkiperi ilə yanaşı, Bris Samba (“Lans”, Fransa), Dominik Livakoviç (“Fənərbağça”, Türkiyə), Aaron Ramsdeyl (“Arsenal”, İngiltərə), Andre Onana (“Mançester Yunayted”, İngiltərə), Ederson (“Mançester Siti”, İngiltərə), Mark-Andre Ter Ştegen (“Barselona”, İspaniya), Mayk Menyan (“Milan”, İtaliya), Tibo Kurtua (“Real”, İspaniya) və Yassin Bunu (“Əl-Hilal, Səudiyyə Ərəbistanı) bu mükafata iddia edirdilər.
Tədbirdə “Sokrates kuboku”nun da qalibi müəyyənləşib. Mükafatın budəfəki sahibi İspaniyanın “Real” klubunun braziliyalı hücumçusu Vinisius Junior olub. Bu mükafat ictimai və xeyriyyə layihələrində iştirak edən futbolçular üçün nəzərdə tutulub.
“Xankəndi” minifutbol komandasının yaradılmasına qərar verilib.
Azərbaycan Minifutbol Federasiyasının (AMF) prezidenti Orxan Məmmədov milli komandanın sabiq futbolçuları ilə görüşüb.
Tədbirdə Əfran İsmayılov, Rəşad Sadiqov, Kamran Ağayev, Cavid Hüseynov, Rahid Əmirquliyev, Elvin Məmmədov, Ruslan Əmircanov, Cavid İmamverdiyev və Elhad Nəzirov kimi tanınmış simalar iştirak ediblər. AMF-nin prezidenti Azərbaycan yığmasının sabiq futbolçularının minifutbola maraq göstərməsindən məmnun olduğunu bildirib.
Minifutbolun ölkəmizdəki inkişafından və kütləviliyindən danışan Orxan Məmmədov tədbir iştirakçıları ilə söhbətləşib və onların fikirlərini dinləyib. Yekunda millinin sabiq futbolçularından ibarət “Xankəndi” komandasının yaradılmasına və minifutbol üzrə ölkə çempionatında iştirakına qərar verilib.
Bu gün UEFA Çempionlar Liqasında qrup mərhələsinin III turuna start veriləcək.
Oxu.Az xəbər verir ki, A, B, C və D qrupunun oyunları keçiriləcək.
A qrupunda yer alan “Qalatasaray” Türkiyədə Almaniyanın “Bavariya” klubunu qəbul edəcək. Qrupun digər matçında “Mançester Yunayted” “Kopenhagen”i sınağa çəkəcək.
C qrupunda “Real Madrid” səfərdə “Braqa” ilə üz-üzə gələcək. Qrupun digər görüşündə “Union” Almaniyada “Napoli”ni qəbul edəcək.
D qrupunda yer alan turnirin son finalçısı “İnter” “Zaltsburq”u sınağa çəkəcək. B qrupunda “Arsenal” “Sevilya”nın qonağı olacaq.
Çempionlar Liqası
Qrup mərhələsi, III tur
24 oktyabr
A qrupu
20:45. “Qalatasaray” (Türkiyə) - “Bavariya” (Almaniya)
23:00. “Mançester Yunayted” (İngiltərə) - “Kopenhagen” (Danimarka)
Xal durumu: “Bavariya” - 6, “Qalatasaray” - 4, “Kopenhagen” - 1, “Mançester Yunayted” - 0.
B qrupu
23:00. “Sevilya” (İspaniya) - “Arsenal” (İngiltərə)
23:00. “Lans” (Fransa) - PSV (Niderland)
Xal durumu: “Lans” - 4, “Arsenal” - 3, “Sevilya” - 2, PSV - 1.
C qrupu
23:00. “Braqa” (Portuqliya) - “Real Madrid” (İspaniya)
23:00. “Union” (Almaniya) - “Napoli” (İtaliya)
Xal durumu: “Real Madrid” - 6, “Napoli” - 3, “Braqa” - 3, “Union” - 0.
D qrupu
20:45. “İnter” (İtaliya) - “Zaltsburq” (Avstriya)
23:00. “Benfika” (Portuqaliya) - “Real Sosyedad” (İspaniya)
Xal durumu: “Real Sosyedad” - 4, “İnter” - 4, “Zaltsburq” - 3, “Benfika” - 0.
Azərbaycan milli komandası futbol üzrə 2024-cü il Avropa çempionatında iştirak edə bilər. Bu Millətlər Liqasının pley-off mərhələsindən mümkündür.
Belə ki, yığma komandamız Millətlər Liqasında qrupda ikinci olmuşdu. Əgər birinci olsaydıq, Avropa Çempionatına vəsiqə üçün “Dördlər finalı”na çıxacaqdıq.
.jpg)
Hazırda isə bizim şansımız qalır. Bunun üçün Millətlə Liqasının C divizionunda lider olan 4 yığmadan 2-si və ən yaxşı ikinci olan Lüksemburq Avropa Çempionatına seçmə mərhələdən vəsiqə qazanmalı idi. Bu yığmalar Türkiyə, Gürcüstan, Qazaxıstan və Yunanıstandır. Onlardan artıq biri – Türkiyə yığması final mərhələsində oynamaq şansı qazandı.
Digər 4 komandadan qitə birinciliyinə yollanmaq üçün ən real namizəd isə Yunanıstandır. Hazırda qrupda 12 xalı olan yunanla bu gün Niderlandla üz-üzə gələcək. Onlar Almaniyaya vəsiqəni təmin etmək üçün evdə ən azı 4 top fərqi ilə qələbə qazanmalıdır. Əks təqdirdə isə hər şeyin taleyi növbəti turlara qalacaq. Niderland millisi 9 xal toplasa da, qrupda hələ oynanılmamış 3 matçı var.
.jpg)
Avropa çempionatının seçmə mərhələsində sürprizləyə imza atan Qazaxıstan yığmasının da Almaniyaya yollanmaq şansları var. Lakin son Danimarka məğlubiyyəti şansları bir qədər azaltdı.
.jpg)
Gürcüstanın seçmə mərhələdən AÇ-nin final mərhələsinə yollanmaq üçün heç bir şansı yoxdur.
Lüksemburq yığmasının da seçmə mərhələdən AÇ-yə qatılmaq şansı qalır. Onlar 11 xalla qrupda üçüncüdür. Bunun üçün cırtdan ölkə milli bu gün Slovakiya üzərində qələbə qazanmalı. Son iki turda evdə İslandiya və səfərdə Bosniya və Herseqovina ilə matçlarda yaxşı nəticə əldə etməlidir.
Ümumilikdə komandamızın qitə birinciliyinə getmək üçün 3 qrupdan şansımız var.
Xəbər verdiyimiz kimi, ötən gün Türkiyə milli komandası 2024-cü ildə Almaniyada keçiriləcək Avropa çempionatına vəsiqə əldə edib. “Qafqazinfo” xəbər verir ki, Latviya üzərindəki 4:0 hesablı qələbə ilə “ay ulduzlular” həm də tarix yazdılar.
Belə ki, Vinçentso Montellanın komandası ardıcıl 3-cü dəfə qitə birinciliyində oynayacaq. Bu Türkiyə millisinin tarixində ilkdir. Qardaş ölkə yığması 2016-cı ildə Fatih Terimin rəhbərliyi altında AÇ-də çıxış etmişdi. 2020-ci ildə isə onları Şenol Güneş turnirə daşımışdı. Sonuncu çempionatın 2 matçını Türkiyə Bakıda keçirmişdi.
.jpg)
Vinçentso Montella isə Türkiyə yığmasının “sükanı arxasında” Avropa Çempionatına vəsiqə qazanan ilk əcnəbi baş məşqçi kimi tarixə düşdü. Buna qədər eyni uğura yalnız yerli mütəxəssislər - Fatih Terim (AÇ-1996, 2008, 2016), Mustafa Denizli (AÇ-2000) və Şenol Güneş (AÇ-2020) nail olub.
Həmçinin, Türkiyə yığması Latviya üzərində ilk ev qələbəsini qazandı. Bundan əvvəl tərəflər 3 dəfə heç-heçəyə imza atıb. Maraqlısı isə budur ki, Türkiyə adıçəkilən rəqiblə yalnız 10-cu oyununda qapısını toxunulmaz saxlaya bildi. Bundan əvvəlki 9 görüşün hamısında latviyalılar “ay ulduzlular”ın qapısına yol tapa bilmişdi.
Xəbər verdiyimiz kimi, ötən gün Türkiyə milli komandası 2024-cü ildə Almaniyada keçiriləcək Avropa çempionatına vəsiqə əldə edib. “Qafqazinfo” xəbər verir ki, Latviya üzərindəki 4:0 hesablı qələbə ilə “ay ulduzlular” həm də tarix yazdılar.
Belə ki, Vinçentso Montellanın komandası ardıcıl 3-cü dəfə qitə birinciliyində oynayacaq. Bu Türkiyə millisinin tarixində ilkdir. Qardaş ölkə yığması 2016-cı ildə Fatih Terimin rəhbərliyi altında AÇ-də çıxış etmişdi. 2020-ci ildə isə onları Şenol Güneş turnirə daşımışdı. Sonuncu çempionatın 2 matçını Türkiyə Bakıda keçirmişdi.
Vinçentso Montella isə Türkiyə yığmasının “sükanı arxasında” Avropa Çempionatına vəsiqə qazanan ilk əcnəbi baş məşqçi kimi tarixə düşdü. Buna qədər eyni uğura yalnız yerli mütəxəssislər - Fatih Terim (AÇ-1996, 2008, 2016), Mustafa Denizli (AÇ-2000) və Şenol Güneş (AÇ-2020) nail olub.
Həmçinin, Türkiyə yığması Latviya üzərində ilk ev qələbəsini qazandı. Bundan əvvəl tərəflər 3 dəfə heç-heçəyə imza atıb. Maraqlısı isə budur ki, Türkiyə adıçəkilən rəqiblə yalnız 10-cu oyununda qapısını toxunulmaz saxlaya bildi. Bundan əvvəlki 9 görüşün hamısında latviyalılar “ay ulduzlular”ın qapısına yol tapa bilmişdi.
.jpg)
2015-ci il oktyabrın 13-də Türkiyə Konyada daha bir tarixi qələbə qazanmışdı. Həmin vaxt evdə oynayan Fatih Terimin komandası Fransada keçiriləcək yarışa vəsiqə qazanmaq üçün evdə İslandiyanı udmalı idi. Həmin vaxt qardaş ölkə yığması üstün oynasa da, 77-ci dəqiqədə Gökhan Törənin qırmızı vərəqə alması ilə çətin durmda qalmışdı. Buna baxmayaraq son dəqiqələrdə Selçuk İnanın cərimə zərbəsindən vurduğu mükəmməl qolla Türkiyə Avropa çempionatına vəsiqə əldə etdi. Bu dəfə də “ay ulduzlular” üçün Konya Böyükşəhər Bələdiyyə Stadionu əlamətdar oldu.
.jpg)
AVRO-2024-ün seçmə mərhələsində VII tura start verilib.
İlk gündə 4 qrupun oyunları keçirilib.
A qrupunun lideri Şotlandiya səfərdə ən yaxın izləyicisi İspaniyaya 0:2 hesabı ilə uduzub.
Türkiyə yığması D qrupunda Xorvatiyanın qonağı olub. "Ay-ulduzlular" rəqibini 1:0 hesabı ilə üstələyək liderliyə yüksəliblər.
AVRO-2024-ün seçmə mərhələsi
VII tur
A qrupu
Kipr – Norveç 0:4
İspaniya – Şotlandiya 2:0
Turnir cədvəli: Şotlandiya – 15 xal (6 oyun), İspaniya – 12 (5), Norveç – 10 (6), Gürcüstan – 4 (5), Kipr – 0 (6)
D qrupu
Latviya – Ermənistan 2:0
Xorvatiya – Türkiyə 0:1
Turnir cədvəli: Türkiyə - 13 (6) Xorvatiya – 10 (5), Ermənistan – 7 (6), Uels – 7 (5), Latviya – 3 (6)
E qrupu
Albaniya – Çexiya 3:0
Farer adaları – Polşa 0:2
Turnir cədvəli: Albaniya – 13 (6), Polşa - 9 (6) Çexiya – 8 (5), Moldova – 8 (5), Farer adaları – 1 (6)
I qrupu
Andorra – Kosovo 0:3
Belarus – Rumıniya 0:0
İsrail – İsveçrə oyunu təxirə salınıb.
Turnir cədvəli: İsveçrə - 14 (6), Rumıniya – 13 (7), İsrail – 11 (6), Kosovo 7 (7) Belarus – 5 (7), Andorra – 2 (7)