 |
|
Həftəsonu müntəzəm marşrut xətləri fəaliyyət göstərməyəcək.
Bu barədə "Yol-xeber.az"a Bakı Nəqliyyat Agentliyindən (BNA) məlumat verilib.
Bildirilib ki, Nazirlər Kabinetinin “Xüsusi karantin rejimi ilə bağlı əlavə tədbirlər barədə” qərarına əsasən 26 iyun saat 00:00-dan 28 iyun saat 06:00-dək Bakı şəhərində müntəzəm sərnişindaşımaları dayandırılacaq.
Məlum olduğu kimi, 26 iyun - Silahlı Qüvvələr Günü şənbə gününə təsadüf etdiyindən 28 iyun bazar ertəsi günü qeyri-iş günü hesab edilir.
Lakin Nazirlər Kabinetinin müvafiq qərarında da göstərildiyi kimi 28 iyun saat 06:00-dan müntəzəm sərnişindaşımaları adi rejimdə icra ediləcək.
Qeyd edək ki, Nazirlər Kabinetinin qərarına əsasən, metropolitendə sərnişindaşımaya iyun ayının bütün günlərində icazə verilir.
Yazılı icraat institutu yaradılır.
"Bununla bağlı Mülki Prosessual Məcəlləyə dəyişiklik edilir.
Dəyişikliklə yazılı icraat institutu (məhkəmə iclası keçirilmədən və tərəflər izahatları dinləmək üçün çağırılmadan baxılma) yaradılır. Apellyasiya instansiyası məhkəməsində qərardadlardan verilmiş şikayətlərə, kassasiya və əlavə kassasiya icraatı isə tam şəkildə yazılı icraata keçir.
Avropa Komissiyası (AK) iyunun 27-dək Avropa İttifaqı ölkələri əhalisinin 60 faizinə koronavirusa qarşı peyvənd vurulacağı qənaətindədir.
“Yol-xeber.az” xəbər verir ki, bu barədə AK prezidenti Ursula fon der Leyen “Twitter” hesabından xəbər paylaşıb.
“Aİ ölkələrində 346 milyon doza vaksin vurulub, 424 milyon peyvənd əldə edilib” – deyə komisiya rəhbəri qeyd edib.
Aİ ölkələri qarşısında iyul ayının sonunadək əhalinin 70 faizini tam peyvəndləmək vəzifəsi qoyulub. Uşaq və yeniyetmələrin də peyvəndlənməsinə başlanılıb.
Şəxsiyyət vəsiqəsi ilə Türkiyəyə səfər edən şəxs 3-cü ölkəyə keçə bilməyib.
Xəzər TV xəbər verir ki, bu hadisə paytaxt sakini İsmayıl Eyyubovun başına gəlib.
O, iyunun 18-i Türkiyəyə işgüzar səfər edib. İki gün sonra isə xarici pasportu ilə Türkiyə üzərindən Gürcüstana keçmək istəyib. Bu zaman o, hava limanında təyyarəyə buraxılmayıb.
Turizm üzrə ekspert Murad Əhədzadə bu problemin son günlər çox yaşandığını deyir. Bildirir ki, Türkiyə üzərindən tranzit olaraq üçüncü ölkəyə səfər etmək istəyənlər Azərbaycanı tərk edərkən mütləq Türkiyəyə şəxsiyyət vəsiqəsi ilə deyil, xarici pasportla daxil olmalıdırlar. Çünkü üçüncü ölkəyə daxil olmağın əsas şərti Azərbaycanı tərk edərkən xarici pasporta möhürün vurulmasıdır.
Murad Əhədzadə bildirir ki, Türkiyəyə tək şəxsiyyət vəsiqəsi ilə səfər imkanı yeni olduğundan, tranzit uçan turistlər məlumatsızlıqdan tez-tez belə problemlə üzləşirlər. Ancaq yaxın gələcəkdə bu problemin həll edilməsi gözlənilir.
Xatırladaq ki, aprel ayının 1-dən etibarən Azərbaycan vətəndaşları tək şəxsiyyət vəsiqəsi ilə yalnız Türkiyəyə səyahət edə bilərlər. Həmin ölkədə vizasız qalma müddəti isə 90 gündür.
Bakı Slavyan Universitetinin sabiq rektoru Nurlana Əliyeva haqqında yazılanlara münasibət bildirib.
Manset.az-a açıqlama verən N.Əliyeva onun haqqında yazanlara, danışanlara qarğış edib:
“Yazmağa mövzu tapmırlar. Bu dünyada yeganə mövzu Bakı Slavyan Universitetidir. Müharibədən çıxmış ölkəmiz gözəl günləri yaşayır. Bu gözəl günlərə özünü həsr eləmiş insanlar var. Canını bu torpaq uğrunda qurban verən qəhrəman oğullarımızdan yazsınlar.Mən artıq bu şeylərdən yorulmuşam. Ərizəmi də yazdım, indi məndən nə istəyirlər? Kim mənim haqqımda nə yazırsa, cavabını allahdan alsın. Həqiqəti yazmayanlar Nurlana xanım kimi ədalətsizliyə tuşlansınlar. Mənim haqqımda çox şey yazırlar nə olsun?Yazırlar ermənidir. Nurlana xanımın hər gün oxuduğu "Ayətəl Kürsü"lər, hər gün oxuduğu dualar onlara qənim olsun. Nurlana xanımın nənəsi Tutbəyimin, Hacı seyidin cəddi onlara qənim olsun.Allahdan alsınlar paylarını.Nurlana xanım peşəkarlıqla, vicdanla,insan kimi, ölkənin anası kimi işlədi. Mən peşəkar pedoqoji təhsil təşkilatçısı kimi çalışdım. Bundan artıq mənə heç nə lazım deyil.75 yaşım var, vicdanımın qarşısında rahat həyatımı sürürəm. Qurtardıq!”
Gürcüstanın Baş naziri İrakli Qaribaşvili ötən gün karantin qaydalarının pozulmasına görə tətbiq edilən, lakin ödənilməmiş cərimələrin əfv ediləcəyini açıqlayıb. O, ümumilikdə cərimələrin silinməsinin 245 min vətəndaşı və 344 hüquqi şəxsi əhatə edəcəyini söyləyib.
Sözügedən qərar Azərbaycanda da müzakirələrə səbəb olub. Bir çox sosial şəbəkə istifadəçiləri bənzər addımın bizdə də atılması gərəkdiyini söyləyiblər.
Daxili İşlər Nazirliyinin Kütləvi informasiya və ictimaiyyətlə əlaqələr şöbəsinin rəisi, polis mayoru Elşad Hacıyev məsələ ilə bağlı “Ölkə.az”ın sorğusuna cavabında bildirib ki, bu barədə qurumda hər hansı bir məlumat yoxdur.
Nazirlər Kabinetindən sözügedən qərarla bağlı müzakirələrə hər hansı münasibət bildirilməyib.
Millət vəkili Fazil Mustafa isə “Ölkə.az”a açıqlamasında cərimələrin ləğv olunmasının tərəfdarı olduğunu söyləyib:
“Bu məsələ Milli Məclisdə qaldırıla bilər. Amma çox güman ki, indiki vəziyyətdə yox. Çünki indi toylarla bağlı yeni qərar qəbul edildi. Hələ karantinlə bağlı müəyyən məhdudiyyətlər qalır. Biz indi bu cərimələrin hamısını bağışlasaq, toyda hər hansı bir cərimə tətbiq edilməsinin mənası qalmır. Belə olan halda hər kəs istədiyi kimi davranacaq. Ona görə də bunu bir müddət sonra etmək daha məqsədəuyğun olar. Tərəfdarıyam ki, bu cərimələr qaldırılsın, amma vaxtı da doğru seçmək lazımdır ki, bu, keçirilən tədbirlərin effektini öldürməsin. Cərimələr indi ləğv olunsa, bundan sonra toyda, yasda heç kimin vecinə olmadan yoluxmaya rəvac verə biləcək addımlar atıla bilər”.
Deputat daha əvvəl tətbiq edilmiş, amma ləğv olunan SMS-icazə, açıq havada maska taxılması və s. kimi hallarla bağlı cərimələrin ləğv olunmasını dəstəkləyib:
“Müəyyən detallara görə ola bilər, amma bütövlükdə ləğv etmək tədbirlərin effektsizliyinə gətirib çıxaracaq”.
"Yol-xeber.az" xəbər verir ki, Azərbaycan Avtomobil Yolları Dövlət Agentliyi tərəfindən rahat gediş-gəlişin təmin olunması məqsədi ilə Yasamal rayonu General Həmidov küçəsində təmir-tikinti işləri aparılır.
Aparılan təmir işləri çərçivəsində 340 metr uzunluğa malik küçə boyu köhnə asfalt-beton örtüyünün yenilənməsi ilə yanaşı, zəruri olan yerlərdə piyada səkilərinin bərpası, səkilərin hərəkət hissəsinin asfaltlanması, köhnə səki daşlarının yenisi ilə əvəz edilməsi icra olunur. Təmir işləri aparılan ərazinin ümumi sahəsi 4 min kv.m təşkil edir.
Bu işlərə paralel olaraq küçə boyu səth sularının normal kənarlaşdırılması üçün nəzərdə tutulmuş yağış-kanalizasiya sistemi də bərpa olunaraq işlək vəziyyətə gətirilir, yeraltı kommunikasiya xətlərinə yeni baxış qapaqları qoyulur.
Qeyd edək ki, 2021-ci ilin İnvestisiya Proqramına uyğun olaraq Yasamal rayonu üzrə ümumi uzunluğu 4 km olan 11 küçə və yolda yenidənqurma işləri icra olunur.
YOLUNUZ AÇIQ OLSUN...
Müdafiə Nazirliyi Laçın rayonunun Qarakeçdi kəndindən videogörüntülər yayıb.
"Yol-xeber.az" görüntüləri təqdim edir:
Bakıda və Abşeron yarımadasında sabah hava şəraitinin günəşli keçəcəyi gözlənilir.
Milli Hidrometeorologiya Xidmətindən verilən məlumata görə, şimal-şərq küləyi əsəcək, gündüz cənub-şərq küləyi ilə əvəz olunacaq.
Havanın temperaturu Abşeron yarımadasında gecə 22-26, gündüz 34-39, bəzi yerlərdə 41, Bakıda gecə 24-26, gündüz 37-39 dərəcə isti olacaq. Atmosfer təzyiqi normadan aşağı 757 mm civə sütunu, nisbi rütubət gecə 55-65, gündüz 35-40 faiz təşkil edəcək.
Abşeron çimərliklərində şimal-şərq küləyi əsəcək, gündüz cənub-şərq küləyi ilə əvəz olunacaq. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 25-26, Türkan, Hövsan, Sahil, Şıxda 26-27 dərəcə isti olacaq.
Azərbaycanın rayonlarında havanın əsasən yağmursuz keçəcəyi gözlənilir. Səhər bəzi dağlıq ərazilərdə duman olacaq, şərq küləyi əsəcək.
Havanın temperaturu gecə 20-25, gündüz 35-40, bəzi yerlərdə 43, dağlarda gecə 15-20, gündüz 28-33 dərəcə isti olacaq.
Tibbi-meteoroloji xəbərdarlığa gəlincə, həftə ərzində Bakıda və Abşeron yarımadasında anomal isti, günün bəzi saatlarında durğun hava şəraiti, zəif küləklərin üstünlüyü, gündüz güclü temperatur diskomfortu gözlənilir ki, bu da əksər əhali üçün əlverişsizdir.
“COVID-19-a qarşı vaksinin insanın DNT-sini dəyişdirə biləcəyi ilə bağlı səsləndirilən fikirlər tez-tez RNT-si (mRNT) olan peyvəndlər haqqında deyilir”.
"Bunu Səhiyyə Nazirliyi Azərbaycan Tibb Universitetinin professoru, Milli İmmunlaşdırma Ekspert Məsləhət Komissiyasının sədri Hüseyn Qabulov deyib.
“Bu elm sahəsində çalışan mütəxəssislər peyvəndlərdən alınan RNT-nin fiziki olaraq DNT-nin (deoksiribonuklein turşusu) olduğu hüceyrə nüvəsinə nüfuz edə bilmədiyini bilirlər. DNT genlərimizi və irsi materiallarımızı daşıyır. RNT-peyvəndlər hüceyrənin sitoplazmasına daxil olur, amma DNT-yə daxil olmur. Başqa sözlə desək, vaksinasiya zamanı DNT-hüceyrələrin hər hansı bir təhlükə ilə qarşılaşması mümkün deyil” , - deyə o söyləyib.