 |
|
Ölkədə yaranmış vəziyyət, icra hakimiyyətlərindən artan narazılıq idarəetmə islahatlarının aparılmasını zəruri edir. Ekspertlər hesab edir ki, Sovet dövründən qalma strukturların yeni mərhələdə işə yaramır.Məsələn, İcra hakimiyyətləri əhalinin ən çox narazı qaldığı dövlət qurumu sayılır. İşğaldan azad olunmuş Şuşa şəhərində Prezidentin nümayəndəsinin təyin olunması, bu strukturun əsasnaməsinin yaradılması İcra hakimiyyətlərinin ləğv ediləcəyinə dair fikirlərin yayılmasına gətirib çıxarıb.
Büdcəyə qənaət etmək üçün İcra hakimiyyətləri və ya nümayəndəlik institutunun regional əsasda fəaliyyəti mümkündürmü? Azərbaycanda 10 iqtisadi rayon var: Abşeron, Quba-Xaçmaz, Dağlıq Şirvan, Şəki-Zaqatala, Aran, Gəncə-Qazax, Yuxarı Qarabağ, Kəlbəcər-Laçın, Lənkəran, Naxçıvan. Nümayəndəlik insitutut Naxçıvan Muxtar Respublikası istisna olmaqla qalan 9 bölgə üzrə tətbiq edilə bilərmi?
Ümid Partiyası sədrinin müavini, politoloq Taleh Əliyev Cebhe.info-ya açıqlamasında deyib ki, inzibati ərazi bölgüsünün dəyişdirilməsi aktual məsələyə çevrilib:
“Azərbaycan müstəqlillik qazandığı vaxtdan ölkəmizin inzibati ərazi bölgüsü ilə bağlı müxtəlif təkliflər səsləndirilib. Bu sual günümüzdə də çox aktualdır. İnkişaf etmiş ölkələrin inzibati ərazi bölgüsü ilə müqayisə etsək deyə bilərik ki, ölkəmizdə mövcud olan inzibati ərazi bölgüsü heç də ideal deyil.
Xüsusilə də müstəqillik dövründə yaradılmış rayonların çoxu özünü tam doğrultmayıb. Ümid Partiyası olaraq hesab edirik ki, mövcud rayonların bir qisminin birləşdirilməsi ilə ölkəmizdə təxminən 50 inzibati ərazi bölgüsünün saxlanılması daha məqsəduyğun olardı”.
Taleh Əliyev hesab edir ki, hazırkı bələdiyyə institutu da inkişafetdirilməlidir: “Eyni zamanda hazırkı bələdiyyə sisteminin əvəzinə qardaş Türkiyə Cümhuriyyətində mövcud olan modelə yaxın bir sistem formalaşmalıdır. Şəhərlərdə xüsusilə də Bakı və Gəncə şəhərlərində böyük şəhər bələdiyyəsi, kənd rayonlarında isə rayon bələdiyyə məclisləri yaradılmalıdır.
Hesab edirik ki, belə geniş səlahiyyətlərə malik olan bələdiyyələr özünü real yerli idarəetmə orqanları kimi təsdiq edərək əhalinin yerli səviyyəli xüsusilə də sosial, iqtisadi və ekoloji problemlərinin öhdəsindən gələ bilər.
Hazırkı iqtisadi rayonların bazasında inzibati ərazi bölgüsünün yaradılmasını isə doğru hesab etmirik. Belə bir inzibati bölgü Azərbaycanı birləşdirmək əvəzinə yenidən regonlara bölə bilər”.
“Baktelekom” MMC-yə yeni təyinat olub.
Oxu.az məlumatına görə, Nəqliyyat, Rabitə və Yüksək Texnologiyalar naziri Rəşad Nəbiyev əmr imzalayıb.
Əmrə əsasən, Aysel Soltanova “Baktelekom” MMC-nin baş direktorunun müavini təyin edilib.
O, martın 1-dən etibarən yeni vəzifəsinin icrasına başlayıb.
Qeyd edək ki, A.Soltanova bu təyinata qədər “Azərkosmos” ASC-nin Marketinq Departamentinin rəhbəri vəzifəsində çalışıb.
Məlumatı Oxu.Az-a Nazirlikdən təsdiq ediblər.
Xatırladaq ki, bu barədə ilk məlumatı report yayıb.
Bu gün Real TV-nin 3 yaşı tamam olur.
Kanala tanınmış telejurnalist Mirşahin Ağayev rəhbərlik edir. Televiziya Azərbaycanda xəbər sahəsi üzrə ixtisaslaşıb.
Burada çalışanların əksəriyyəti fəaliyyəti dayandırılmış ANS telekanalının keçmiş əməkdaşlarıdır.
Azərbaycanda daha iki məktəb koronavirus səbəbindən distant təhsilə keçib.
Trend məlumatına görə, Bakı şəhəri Xətai rayonu 27 nömrəli tam orta məktəb yoluxmaya görə bağlanıb.
Distant təhsilə keçən digər məktəb isə Qax rayonu 2 nömrəli ümumtəhsil müəssisəsidir. Məktəbdən məlumatı təsdiqləyiblər.
Bildirilib ki, məktəb bu gündən etibarən fəaliyyətini dayandırıb.
Azərbaycan Prezidenti yanında Əfv Məsələləri Komissiyasının növbəti iclasının vaxtı açıqlanıb.
"Report" məlumatına görə, komissiyanın növbəti toplantısı martın 17-də keçiriləcək.
Bu, komissiyanın sonuncu iclası olacaq.
Qeyd edək ki, indiyədək komissiyada baxılan müraciətlərin sayı 950-dən çoxdur.
Hazırda paytaxtın əksər küçə və prospektlərində nəqliyyat vasitələrinin hərəkətində sıxlıqlar müşahidə olunur.
Bu barədə məlumatı Bakı Nəqliyyat Agentliyi (BNA) yayıb.
Sıxlıq olan küçə və prospektlərdə müntəzəm və ekspres xətlər üzrə avtobusların da hərəkətində çətinliklər var. Hərəkət intervallarında gecikmələr yaranıb.
- Babək prospekti H.Əliyev prospekti istiqamətində sıxlıq
- Moskva prospektində şəhər istiqamətində sıxlıq
- Abbasqulu ağa Bakıxanov küçəsi Türkiyə səfirliyi istiqamətində sıxlıq
- Qara Qarayev prospektində hər iki istiqamətdə sıxlıq
- Mikayıl Əliyev küçəsi Heydər Əliyev prospekti istiqamətində sıxlıq
- Ziya Bünyadov hər iki istiqamətdə sıxlıq
- Abdulvahab Salamzadə küçəsi Ziya Bünyadov prospekti istiqamətində sıxlıq
- Heydər Əliyev prospekti şəhər istiqamətində.
Azərbaycanın Macarıstandakı fövqəladə və səlahiyyətli səfiri Vilayət Quliyevin qızı Humay Quliyeva vəfat edib.
Baku.ws xəbər verir ki, Humay Quliyeva 13 mart şənbə günü dünyasını dəyişib. Onun ölüm səbəbi hələlik məlum deyil.
Humay Quliyeva BP, Dünya Bankı, "Financial Times", Azərbaycan Mərkəzi Bankı və Beynəlxalq Qızıl Xaç Komitəsi ilə əməkdaşlıq edib və Azərbaycandan Amerikaya, Afrikaya qədər bir çox ölkədə misilsiz xidmətlər göstərib.
O, Azərbaycanlı Tələbələrin Avropa Forumunun (FASE) aktiv iştirakçılarından biri idi.
Allah rəhmət eləsin!
Tibbi Ərazi Bölmələrini İdarəetmə Birliyi (TƏBİB) son günlər cəmiyyətdə ayrı-ayrı şəxslər arasında, bəzi mətbuat orqanlarında, sosial şəbəkələrdə bayram ərəfəsində qurumun karantin rejimini sərtləşdirəcəyi ilə bağlı iddialara münasibət bildirib.
Qurum karantin rejiminin müəyyənləşdirilməsi ilə bağlı hər hansı qərarın qəbulunun birmənalı şəkildə TƏBİB-in səlahiyyətlərinə aid olan məsələ olmadığını açıqlayıb.
Qeyd olunub ki, koronavirusla əlaqədar qapanma və yaxud da yumşalma tədbirləri TƏBİB tərəfindən həyata keçirilmir: "Nazirlər Kabineti yanında Operativ Qərargahın üzvü kimi TƏBİB yalnız müalicə və müayinəylə bağlı tövsiyələr verir. Bütün bunlarla bərabər, vurğulayaq ki, dünyada olduğu kimi, Azərbaycanda da karantin qaydaları insanların sağlamlığının qorunması üçün tətbiq olunur. Hətta bir çox ölkələrdə vaksinasiyanın başlamasına baxmayaraq, hələ də pandemiya ilə mübarizədə karantin qaydalarının tətbiqi zəruri hesab edilir. TƏBİB pandemiya ilə mübarizədə NK yanında Operativ Qərargahın qərarlarını icra edir və buna uyğun fəaliyyətini təşkil edir".
Azərbaycan Müdafiə Nazirliyi Ermənistanın işğalından azad olunan Zəngilan rayonunun Qıraq Müşlan kəndindən videogörüntülər yayıb.
Həmin görüntüləri təqdim edirik.
Hazırda ölkənin müxtəlif şəhər və rayonlarında İcbari Tibbi Sığorta tətbiq edilir. Lakin həmin rayonlarda qeydiyyatda olub Bakıda işləyən vətəndaşlar icbari tibbi sığortanın xidmətlər zərfindən istifadə etməkdə çətinlik çəkirlər. Aprelin 1-dən etibarən Bakıda da icbari tibbi siğortanın tətbiqinə başlanacaq. Bəs rayon qeydiyyatında olan şəxslərin paytaxtda bu xidmətdən istifadə imkanı olacaqmı?
Rayon qeydiyyatında olub Bakıda yaşayan və işləyən vətəndaşlar paytaxtda icbari tibbi sığortadan istifadə edə biləcəklər. Hazırda ölkənin 59 şəhər və rayonunda vətəndaşların icbari tibbi sığortanın xidmətlər zərfindən istifadə hüququ var. Amma Bakıda bu xidmətdən istifadə etmək hələ mümkün deyil.
İcbari Tibbi Sığorta Agentliyindən verilən məlumata görə, Bakıda icbari tibbi sığorta gələn aydan etibarən tətbiq ediləcək. İcbari Tibbi Sığorta üzrə Dövlət Agentliyinin departament rəhbəri Aynurə Əhmədova Bakıda yaşayıb rayon qeydiyyatında olan şəxslərin paytaxtda icbari tibbi sığortadan hansı halda istifadə edəcəyi ilə bağlı qaydaları açıqlayıb.
Bunun üçün vətəndaş faktiki yaşadığı yer üzrə müvəqqəti qeydiyyata düşməlidir. Agentlikdən bildirildi ki, vətəndaşlara icbari tibbi sığortanın Xidmətlər Zərfi çərçivəsində tibbi xidmətlər Tibbi Ərazi Bölmələrini İdarəetmə Birliyinin tabeliyində olan dövlət tibb müəssisələrində göstərilir