 |
|
“Dövlət Sosial Müdafiə Fondu (DSMF) tərəfindən əsassız olaraq kimsənin pensiyası dayandırılmır. 2018-ci ildən etibarən bu sahədə ciddi iş aparılır. Şəxsin əsassız olaraq pensiya hüququndan istifadə etdiyi aşkarlananda, pensiyanın təyin olunduğu dövrlə bağlı nöqsan aşkarlananda və ya indiki qanunvericiliyə uyğun olmadıqda məbləğlərə düzəliş edilir”.
“Report xəbər verir ki, bunu Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) İdarə Heyətinin sədri Himalay Məmişov “Sosial saat”da çıxışı zamanı deyib.
O bildirib ki, əgər şəxsin pensiyanı əsassız şəkildə alması müəyyən olunubsa bu halda pensiya dayandırılır: “Bu halda vətəndaş sərbəst şəkildə Fondun yerli bölmələrinə, yaxud məhkəməyə müraciət edə bilər. Onu da qeyd edə bilərəm ki, bu günə qədər dayandırılmış pensiya işlərindən heç biri ilə bağlı əsassız şikayət daxil olmayıb. Son 2 il ərzində pensiyalar üzrə təxminən 280 milyon manat həcmində əsassız ödənişlər aşkarlanıb. Təbii ki, bu da şəffaflanmanın göstəricisidir”.
44 günlük davam Vətən Müharibəsi Azərbaycanın qələbəsi ilə nəticələndi. Bu gün təklif olunan məsələlərdən biri də şəhid və qazi ailələrinin kommunl xidmətdən pulsuz yararlanmasıdır. Müharibədən sonra kommunl xidmətlər şəhid və qazi ailələri üçün pulsuz ola bilərmi?
Bununla bağlı Sonxeber.az-a danışan deputat Azər Badamov bildirib ki, şəhid ailələrin və qazilərin sosial vəziyyətinin yaxşılaşdırılması istiqamətində dövlət dəstəyi günü-gündən artmaqdadır:
"Bu kateqoriyadan olan insanların məişət şəraitinin yaxşılaşdırılması məqsədilə 2025-ci ilə qədər mənzillə təmin olunması üçün xüsusi dövlət proqramı qəbul olunubdur. Qaziləri avtomobillərlə təmin edilməsi, müalicəsi , müasir protezlərlə təmin olunması, reabilitasiya tədbirlərinin həyata keçirilməsi, məşğulluğun təşkili, aylıq müavinətlərin artırılması və digər istiqamətlərdə dövlət qayğısı davam etdirilir. Şəhid ailələri və qazilər vətən yolunda öz canları qoymuş şəxlərdir. Dövlət başçımızın da qeyd etdiyi kimi bu şəxslərin yanında həmişə olmalıyıq və mütəmadi olaraq sosial vəziyyətin yaxşılaşdırılmasına xidmət edəcək dəstəkləyici dövlət proqramların əhatə dairəsi genişləndirləcəkdir".
Bakı-Şamaxı-Yevlax avtomobil yolu buz bağlayıb.
“Report” xəbərinə görə, gecə saatlarından etibarən yağan qar yolda avtomobillərin hərəkətini çətinləşdirib.
Əlverişsiz hava şəraiti ilə əlaqədar yolda qalan sürücülərə yol polisinin əməkdaşları kömək göstərirlər.
Qeyd edək ki, Daxili İşlər Nazirliyinin Baş Dövlət Yol Polisi İdarəsi (BDYPİ) əlverişsiz hava şəraiti ilə əlaqədar olaraq sürücülərə müraciət edib. Müraciətdə deyilir:
"Respublikanın əksər bölgələrində hava şəraitinin dəyişərək temperaturun enməsini, ayrı-ayrı rayonlarda, habelə paytaxt Bakıda yağış, qar yağması nəticəsində meydana gələ biləcək yol qəzalarının qarşısının alınması məqsədi ilə Daxili İşlər Nazirliyinin Baş Dövlət Yol Polisi İdarəsi bir daha sürücülərə son dərəcə diqqətli və ehtiyatlı olmağı, qəfil tormozlama aparmamağı, nəqliyyat vasitələrinin sürüşmə ehtimalının daha çox olmasını nəzərə alaraq şinləri qış mövsümünə uyğun olmayan avtomobillərdən mümkün qədər az istifadə etmələrini, ara məsafəsini və hərəkət sürətini şəraitə uyğun seçməyi, zərurət olmadan ötmə əməliyyatı aparmamağı, qəfil manevrlər etməməyi, piyadalara isə asfalt örtüyünün yaş olması səbəbindən yolu keçərkən yaxınlaşmaqda olan avtomobillərin qısa məsafədə dayana bilməyəcəyini nəzərə alıb yolu yalnız onlar üçün müəyyən edilmiş yerlərdən keçmələrini, yolun hərəkət hissəsi ilə piyada getməmələrini tövsiyə edir".
Məşhur “Veysəloğlu” Şirkətlər Qrupunun satış təmsilçilərinin xeyli miqdarda pul mənimsədiyi aşkar olunub.
“Qafqazinfo”nun verdiyi xəbərə görə, şirkət özü bununla bağlı hüquq-mühafizə orqanlarına müraciət edib.
Daxili yoxlama zamanı müəyyən olunub ki, satış təmsilçisi Amur Məmmədov 2018-ci ilin yanvarında 8300 manat, Sərxan Tağıyev 2020-ci ilin mayında 10 min manatdan çox, Röyal Hüseynov isə ötən ilin avqustunda 18 min manatdan çox pulu mənimsəyib.
Şirkət rəhbərliyi bu iddia ilə hüquq-mühafizə orqanlarına müraciət edərək həmin şəxslər barəsində zəruri addımların atılmasını tələb edib. Hazırda bu müraciətlə bağlı araşdırma aparılır.
İcbari Tibbi Sığorta üzrə Dövlət Agentliyi koronavirus infeksiyası ilə mübarizə tədbirlərində iştirak etdikləri üçün həkimlərə verilən ödəmələrin iki dəfə azaldılması məsələsinə münasibət bildirib.
Agentlikdən Oxu.Az-ın sorğusuna cavab olaraq bildirilib ki, koronavirusla mübarizə tədbirlərə cəlb olunan tibb işçilərinin sayı infeksiyaya yoluxmuş xəstə sayında olan artım-azalmadan asılı olaraq tənzimlənir:
“Nazirlər Kabinetinin müvafiq Qərarına uyğun olaraq yeni növ koronavirus infeksiyası ilə mübarizə tədbirlərində iştirak edən tibb və qeyri-tibb işçilərinə iş vaxtına mütənasib olaraq aylıq vəzifə (tarif) maaşının 3-5 misli məbləğində müddətli əlavələr ödənilir.
Qeyd edək ki, koronavirusla mübarizə tədbirlərə cəlb olunan tibb işçilərinin sayı infeksiyaya yoluxmuş xəstə sayında olan artım-azalmadan asılı olaraq tənzimlənir. Belə ki, xəstə sayı çox olduqda daha çox tibb işçisinin, əksinə xəstə sayı az olduqda isə daha az tibb işçisinin yeni növ koronavirus infeksiyası ilə mübarizə tədbirlərinə cəlb edilməsi təmin edilir”.
“Qərara uyğun olaraq müddətli əlavələr iş vaxtına/saatına mütənasib olaraq ödənilir. Belə ki, müddətli əlavələr tibb və qeyri-tibb işçilərinin koronavirusla mübarizə tədbirlərinə cəlb olunduqları iş vaxtına/saatına görə hesablanır.
Məlumat üçün bildirək ki, yanvar ayı ərzində ölkədə koronavirusa yoluxan şəxslərin sayı az olduğu üçün tibb və qeyri-tibb işçilərinə ödənilən müddətli əlavənin məbləğində də azalma müşahidə olunub”, - deyə qurumda qeyd edilib.
Hazırda paytaxtın əksər küçə və prospektlərində nəqliyyat vasitələrinin hərəkətində sıxlıq müşahidə olunur.
Bu barədə Bakı Nəqliyyat Agentliyi məlumat yayıb.
Məlumatda deyilir ki, sıxlıq olan yollarda müntəzəm və ekspress xətlər üzrə avtobusların hərəkətində də çətinliklər yaranıb. Hərəkət sürəti aşağı düşdüyündən intervallarda gecikmələr var.
Həmin küçə və prospektlər aşağıdakıdır:
- Bakı – Sumqayıt şosesi – (Xırdalan dairəsindən başlayaraq,20 Yanvar dairəsi istiqaməti);
- Ziya Bünyadov prospekti - Əsas yol - (Müzəffər Nərimanov küçəsi ilə kəsişmədən başlayaraq,Bakı Polad Zavodunun qarşısı da daxil,eyni zamanda,Çermet körpüsü üzərindən,20 Yanvar dairəsi istiqamətində);
- Üzeyir Hacıbəyli küçəsi - (Cavanşir körpüsünün üzərindən,Kövkəb Səfərəliyeva küçəsi ilə kəsişməyə qədər,Hökumət Evi istiqamətində);
- Afiyəddin Cəlilov küçəsi - (Cavanşir körpüsünün üzərindən,Hökumət Evi istiqaməti);
- Abdulvahab Salamzadə küçəsi – Əsas yol - (Ziya Bünyadov prospekti istiqamətində) nisbətən;
- A.Nobel prospekti - (Süleyman Əhmədov küçəsi ilə kəsişməyə qədər,Şəhər mərkəzi istiqamətində);
- Babək prospekti - (Nəcəfqulu Rəfiyev küçəsi ilə kəsişmədən,Şəhər mərkəzi istiqamətində,eyni zamanda Heydər Əliyev prospekti istiqamətində);
- Heydər Əliyev prospekti – Əsas yol və Kənar yol - (Koroğlu metro stansiyasının qarşısından,Şəhər mərkəzi istiqamətində);
- 28 May küçəsi (Azadlıq prospekti ilə kəsişmədən,Rəşid Behbudov küçəsi ilə kəsişməyə qədər);
- Tbilisi prospekti - (Hər iki istiqamətdə,şəhər mərkəzi və Rövşən Cəfərov küçəsi ilə kəsişmə olan hissəsinə qədər, 20 Yanvar dairəsi istiqamətində);
-Yusif Səfərov küçəsi - (Cavanşir körpüsü istiqamətində);
-Həsən bəy Zərdabi prospekti (20 Yanvar dairəsinə düşən hissə).
2021-ci ilin yanvar-fevral ayları ərzində sənaye müəssisələri və bu sahədə fəaliyyət göstərən fərdi sahibkarlar 7,1 milyard manatlıq məhsul istehal edib.
Dövlət Statistika Komitəsindən əldə etdiyi məlumata əsasən, 2020-ci ilin müvafiq dövrü ilə müqayisədə 4 faiz az sənaye məhsulu istehsal edilib.
Təkcə fevral ayı ərzində isə təxminən 3,5 milyard manatlıq sənaye məhsulu hasil olunub.
Bildirilib ki, bu azalma neft-qaz sektorunda məhsul istehsalının 6,3 faiz azalması hesabına baş verib, sənayenin qeyri neft-qaz sektorunda isə məhsul istehsalı 12,1 faiz artıb.
Sənaye məhsulunun 64,1 faizi mədənçıxarma sektorunda, 29,1 faizi emal sektorunda, 6,1 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,7 faizi isə su təchizatı, tullantıların təmizlənməsi və emalı sektorunda istehsal olunub.
Mədənçıxarma sektorunda əmtəəlik neft hasilatı 4,9 faiz azalıb, əmtəəlik qaz hasilatı isə 9,6 faiz artıb.
Emal sektorunda əczaçılıq məhsullarının istehsalı 9,6 dəfə, dəri və dəri məmulatlarının, ayaqqabıların istehsalı 7,2 dəfə, kompüter, elektron və optik məhsulların istehsalı 3 dəfə, ağacın emalı və ağacdan məmulatların istehsalı 2,2 dəfə, tütün məmulatlarının istehsalı 2,1 dəfə, maşın və avadanlıqların istehsalı 2 dəfə, maşın və avadanlıqların quraşdırılması və təmiri işləri 2 dəfə, rezin və plastik kütlə məmulatlarının istehsalı 45,3 faiz, kağız və karton istehsalı 26,5 faiz, toxuculuq sənayesi məhsullarının istehsalı 26,5 faiz, tikinti materiallarının istehsalı 13,2 faiz, kimya sənayesi məhsullarının istehsalı 6,5 faiz, elektrik avadanlıqlarının istehsalı 6,2 faiz, qida məhsullarının istehsalı 2,5 faiz artıb.
Geyim istehsalı 4 faiz, metallurgiya sənayesi məhsullarının istehsalı 6,1 faiz, neft məhsullarının istehsalı 17,9 faiz, içkilərin istehsalı 18,6 faiz, hazır metal məmulatlarının istehsalı 20,2 faiz, mebel istehsalı 59,6 faiz, poliqrafiya məhsullarının istehsalı 67,7 faiz, avtomobil, qoşqu və yarımqoşquların istehsalı 74,3 faiz, sair nəqliyyat vasitələrinin istehsalı 95,7 faiz azalıb.
Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 3,1 faiz, su təchizatı, tullantıların təmizlənməsi və emalı sektorunda isə 0,6 faiz azalıb.
Piyadaların təhlükəsiz hərəkətini təmin etmək üçün paytaxtın daha bir rayonunda yenilik tətbiq edildi.
Bu barədə Bakı Nəqliyyat Agentliyindən (BNA) məlumat verilib.
Bildirilib ki, çoxsaylı vətəndaş müraciətlərini nəzərə alaraq, yol hərəkəti təhlükəsizliyinin artırılması məqsədilə Suraxanı rayonu, 14 iyul küçəsinin Məşədi Əzizbəyov və Xanlar Ələkbərov küçələri ilə kəsişməsində nişanlanma xətləri ilə çəkilmiş dairə ləğv edilərək svetoforlar vasitəsilə nizamlanan yol kəsişməsi təşkil edilib.
Nəticədə hərəkət növbəliliyi təmin edilib. Eyni zamanda təhlükəsizlik səviyyəsi artırılıb. Bununla yanaşı əlilliyi olan şəxslərin rahatlığı üçün panduslar inşa olunub, svetofor dirəklərində çağırıcı qurğular yerləşdirilib.
Əgər aşağıdakı əlamətlər sizdə varsa, mütləq həkimə müraciət edin, çünki sizdə...Nitqdə qüsur.
Qəfildən baş verən kəkələmə beyində patoloji halın meydana çıxmasını bildirir.
Qəfildən nitqin tutulması və sinədə ağrı hissi baş verərsə, bu ciddi ürək xəstəliyinin olmasının əlamətidir.
Barmaqlar.
Barmaqların başının şişkinləşməsi nəfəs yollarında xəstəliklərin olmasını bildirir.
Barmaq falanqalarının sonunun uc hissələrində dərin cizgilərin olması hipertrioz və ya şəkərli diabet xəstəliyinin əlamətidir.
Oynaqlar.
Oynaqların əyilməsi artroz və ya podaqranın əlaməti hesab edilir. Oynaqlarda qızartıların olması isə poliartritin və ya revmatizmanın əlamətləri sayılır.
Dırnaqlar.
Dırnaqların yetərincə uzana bilməməsi və ya sınması orqanizmdə vitamin çatışmazlığının əlamətidir.
Göyərmiş dırnaqlar ürək xəstəliklərinin əlaməti hesab edilir. Sarı dırnaqlar isə qara ciyər və öd kisəsində xəstəliklərin olmasının göstəricisidir. Dırnaqların açıq yaşıl rəngdə olması infeksiya xəstəliklərinin əlamətidir.
Rəngsiz, sığallı və parlaq dırnaqlar qan xəstəliklərinin əlamətləri hesab edilir. Bir barmaqda bir-neçə ağ ləkənin olması ürək xəstəliyinin göstəricisidir.
Dırnaqlarda uzun cizgilərin olması orqanizmdə sink və dəmirin çatışmazlığının göstəricisidir. Dırnaqlarda eninə zolaqların olması isə əqli və ya fiziki cəhətdən zəif olmanın əlaməti hesab edilir. Qalın və quru dırnaqlar kalsium çatışmazlığının, parlaq çəhrayı rəng isə B12 vitamininin çatışmazlığını bildirir.
Mütəxəssislər yuxarıda sadalanan əlamətlərdən birinin belə sizdə olduğu halda mütləq həkimə müraciət etmənizi məsləhət bilir. Çünki bu sizə gələcəkdə baş verəcək ciddi xəstəliklərin qarşısını almaqda kömək edər.
12 Martda ölkəmizdə və dünyada baş verən vacib məlumatları sizinlə paylaşırıq.
Hərə öz zəmanəsində oturub tarix yaza bilməz; bütün ruhu ilə keçmişə köçmək, dövrün ab-havasına bələd olmaq və indiyə keçmişlə birlikdə qayıtmaq lazımdır. (Əbu Turxan)
12 Mart tarixi ilin 71-ci günüdür. (4 ildən bir 72-ci gün)
Ölkə.Az 12 Mart tarixində ölkəmizdə və dünyada baş verən məlumatları oxuyuculara çatdırır.
1. 12 Mart 1881-ci il — Fransa Tunisi işğal etdi.
2. 12 Mart 1918-ci il — Moskva Rusiyanın paytaxtı elan edildi.
3. 12 Mart 1922-ci il — Azərbaycan, Gürcüstan və Ermənistanın daxil olduğu ZSFSR (Zaqafqaziya Sosialist Federativ Sovet Respublikası) təşkil edildi.
4. 12 Mart 1986-cı il — İspanlar referendumda ölkənin NATO-da qalmasına səs verdi.
5. 12 Mart 1999-cu il — Çexiya, Polşa və Macarıstan NATO-ya qəbul edildi.
12 Mart tarixində doğum günü olan Vətən müharibəsində şəhid olmuş hərbi qulluqçularımız:
12.03.1992-ci il — Cəfərov Tehran Nadir oğlu (MAHHXHQ əsgər)
12.03.2002-ci il — Əhmədli Aydın Mustafa oğlu (Əsgər)
12.03.1996-cı il — Əhmədli Qardaşxan Elxan oğlu (Əsgər)
12.03.2002-ci il — Əhmədov Abdulla Əhməd oğlu (Əsgər)
12.03.2000-ci il — Hüseynov Elxan Maarif oğlu (MAHHXHQ əsgər)
12.03.1993-cü il — İsayev Təbriz İsabala oğlu (Kiçik Gizir)
12.03.2002-ci il — Muradov Habil Tahir oğlu (Əsgər)
12.03.1996-cı il — Mustafayev Rüfət Zöhrab oğlu (Əsgər)
12.03.1993-cü il — Rüstəmov Vüsal Valeh oğlu (Gizir)
12.03.1997-ci il — Şirinov Elvin Elsevən oğlu (Gizir)
Allah şəhidlərimizə rəhmət eləsin