Rusiyanın birinci prezidenti Boris Yeltsin zamanında şəxsən ABŞ-ın eks-prezidenti Bil Klintonu Vladimir Putini özünün xələfi seçdiyi haqda məlumatlandırıb.

Axar.az xəbər verir ki, bu barədə informasiya Bil Klintonun rəsmi saytında yer alıb. Belə ki, saytda Klintonla Yeltsinin telefon əlaqəsinin stenoqramı yerləşdirilib.

1999-cu ilin sentyabrına aid telefon danışığı zamanı Yeltsin Klintona 2000-ci ildə Rusiyanın prezidentinin kim olacağıyla bağlı çox düşündüyünü və yekun seçiminin Putin olduğunu deyib:

“Mən Putinin tərcümeyi-halını, maraqlarını və əlaqələrini tədqiq etmişəm. Belə anlayıram ki, o, etibarlı adamdır. Eyni zamanda o, ciddi, güclü və çox ünsiyyətcil insandır. Əminəm ki, onun namizədliyini 2000-ci ildə dəstəkləyəcəklər”.

Tərəflər arasındakı növbəti telefon danışığı isə noyabrın 19-da olub. Bu zaman Klintonun seçkidə kimin qalib gələcəyi sualıa Yeltsin əminliklə “Putin” cavabını verib və onu “demokrat, Qərbi bilən” adam adlandırıb.

Twitter