ABŞ-ın İrana tətbiq etdiyi maliyyə sanksiyalarını pozmaqda ittiham edilərək həbs olunan, daha sonra isə Hakan Atillanın mühakimə olunduğu məhkəmənin əsas şahidi kimi çıxış edən Azərbaycan əsilli iş adamı Rza Zərrab Nyu York şəhərinin məşhur “Nobu” restoranında görüntülənib.

Axar.az xəbər verir ki, bu barədə Türkiyə mətbuatı yazıb.

Məlumata görə, bir neçə həftə bundan əvvəl çəkilən fotoda Rza Zərrab olduğu iddia edilən şəxs Nyu Yorkun məşhur restoranlarından sayılan “Nobu”da görünüb. İki qadınla birlikdə məşhur Hollivud ulduzu Robert de Nironun Manhetten Sohodakı suşi restoranına gələn Zərrab ağ şərab içib və mobil telefonu ilə qurdalanıb.

Bir müştərinin şəklini çəkdiyini görən Zərrab həmin şəxsin türk dilində danışdığını gördükdən sonra məkanı tərk edib.

Qeyd edək ki, Nyu Yorkda şahid qismində dindirilən Rza Zərrabın daim nəzarətdə olduğu və şəxsiyyəti dəyişdirilərək ünvanı gizlədilən bir evdə qorunduğu iddia edilirdi.

 

Twitter