İl-20 təyyarəsinin qəzaya düşməsi və ekipajının ölümünün günahı İsrail tərəfindədir.

Axar.az xəbər verir ki, bunu Rusiya Müdafiə naziri Sergey Şoyqu İsrail Müdafiə naziri Aviqdor Libermanla telefon danışığı zamanı söyləyib. O, İsraillə təhlükəli insidentlərin qarşısının alınmasına dair razılaşmaya rəğmən, İsrailin Rusiyanı F-16-larla zərbə endirməzdən cəmi bir dəqiqə öncə məlumatlandırdığını bildirib.

Şoyqu Müdafiə Nazirliyinin İsraili dəfələrlə Suriyaya zərbələr endirməkdən yayınmaq və Rusiya hərbçilərinin təhlükəsizliyinə təhdid yaratmaqdan imtina etmək barədə xəbərdar etdiyini bildirib.

Qeyd edək ki, ötən gün Rusiyaya məxsus içərisində 14 hərbçi olan İl-20 təyyarəsi Suriya hərbi hava qüvvələri tərəfindən vurulub. Rusiya buna səbəb kimi İsrail qırıcılarının Rusiyaya xəbər vermədən hücuma keçdiyi, qırıcıların Rusiya təyyarəsinin yanında gizləndiyi və buna görə də İl-20-nin Suriya havadan müdafiə sisteminin hədəfinə çevrildiyini açıqlayıb.

Twitter