Çiçəklənən Ermənistan Partiyasının üzvü olan qubernatorlar və digər vəzifəli şəxslər yaxın zamanlarda öz vəzifələrindən məhrum ediləcəklər.

Axar.az xəbər verir ki, bu barədə məlumatı “Jamanak” qəzeti paylaşıb.

“Hökumət ciddi şəkildə bu partiyanın üzvlərinin xüsusi olaraq bölgələrdə yaranmış problemlərin həllinə əngəllər yaratdıqlarına görə narahat olmağa başlayıb. Belə ki, partiyanın üzvləri bununla ictimai narazılığın yaranmasına cəhd edirlər. Digər tərəfdən isə Çiçəklənən Ermənistan Respublikaçılar Partiyasının növbədənkənar seçki ilə bağlı mövqeyini dəstəklədiyini bəyan edib. Buna görə də hökumət özü üçün yaradılacaq problemlərin öhdəsindən gəlməyə çalışır”, – deyə qəzet bildirib.

Qeyd edək ki, bundan öncə Ermənistan Xarici İşlər Nazirliyi bir sıra şəxslərdən diplomatik pasportları geri aldığını bəyan edib. Nazirliyin diplomatik pasportunu aldığı şəxslər arasında Çiçəklənən Ermənistanın lideri Qagik Çarukyanın da olduğu vurğulanıb.

Twitter