Rusiyanın İngiltərədəki səfirliyi "Finənşl Tayms" qəzetinin Rusiyanın Baş Kəşfiyyat Xidmətinin (QRU) agentlərinin bu ölkənin "İslam Channel" televiziyasına kiberhücum etməsi iddiası ilə bağlı xəbərdəki ziddiyyətlərə diqqət çəkib.

Axar.az xəbər verir ki, səfirlik xəbərin yalan olduğunu bildirib.

"Əvvəlcə xəbərdə hücuma məruz qalan kanalın İT infrastrukturunun tamamilə ələ keçirilməsi bildilib. Daha sonra kanal işçiləri kiberhücum barədə xəbəri İngiltərə Daxili İşlər Nazirliyindən aldıqlarını qeyd ediblər. Bundan başqa, Rusiya Baş Kəşfiyyatının rəsmiləri İngiltərə Daxili İşlər Nazirliyi onlarla əlaqə saxladıqdan sonra məsələdən xəbərdar olublar".

Səfirlik onu da qeyd edib ki, qəzetin əsas məqsədi Rusiyanı günahlandırmaqdır:

"Bu məqalədəki məlumatlar tənqid olunacaq keyfiyyətdə belə deyil. Yazı tələm-tələsik yazılıb və məntiqi cəhətdən məlumatlar doğru deyil. Əsas məqsədin isə Rusiyanı bir daha günahlandırmaq olduğu aydın görünür".

Twitter