Rusiyanın Yunanıstanla xüsusi əlaqələri var və o, bu əlaqələri qurban vermək niyyətində deyil.

Axar.az xəbər verir ki, bunu Yunanıstanın “Katimerini” qəzetinə müsahibəsində Rusiya Xarici İşlər nazirinin müavini Mixail Boqdanov deyib.

“Biz Yunanıstana hörmət edirik. Dini faktor bizim münasibətlərimizdə mühüm rol oynayır. Yunanıstanda bəzi siyasətçilərin siyasi təzyiq altında qəbul etdikləri qərar bizdə təəssüf yaradıb. Ümid edirik ki, Yunanıstanla olan problemlərimiz tezliklə həll ediləcək”, – deyə o bildirib.

Onun sözlərinə görə, S-400 zenit raket kompleksinin Türkiyəyə tədarükü Yunanıstana zərər verməyəcək:

“Yunanıstan və Türkiyə eyni alyansın üzvləridirlər. Buna görə də onlar bir-birləriylə döyüşə bilməzlər”.

Qeyd edək ki, bundan öncə Yunanıstanın Makedoniya ilə ikincinin adının dəyişdirilməsiylə bağlı imzaladığı müqavilə Moskvanın etirazına səbəb olmuşdu. Belə ki, Moskva bunun sayəsində Makedoniyanın NATO və Avropa Birliyinə cəlb ediləcəyini açıqlamışdı.

Twitter