Ermənistan hüquq-mühafizə orqanları eks-prezident Robert Köçəryanın yaxın adamlarına nəzarəti gücləndirəcəklər.

Axar.az xəbər verir ki, bu məlumatı “Jamanak” qəzeti yayıb.

“Yaxın zamanlarda hüquq-mühafizə orqanları təkcə Köçəryanın hakimiyyəti zamanı böyük sərvət əldə edənlərə yox, onların yaxınlarına da nəzarəti artıracaq. Bu şəxslərə “əks-inqilab”ın potensial tərəfdarları kimi baxılır.

Belə ki, nəzarətin gücləndiriləcəyi şəxslərdən biri “Moskva” kinoteatrı və “Paradiz” şirkətinin sahibi Martin Adoyandır. O, Samvel Mayrapetyanın yaxın adamlarından sayılır. Mayrapetyanın və Köçəryanın digər dostlarının neytrallaşdırılması sayəsində hökumət müqavimət zəncirini qırmağa çalışır”, – deyə qəzet bildirib.

Twitter