Rusiya-Ukrayna müharibəsində prezident Vladimir Putin Çin liderindən Rusiyaya silah tədarük etməyi xahiş edib və Pekin də buna razılıq verib. Lakin ABŞ-nin xəbərdarlığından sonra Pekin planlarını dəyişməli olub.

Bu barədə "Washington Post" yazıb.

Nəşrin yazdığına görə, ABŞ prezidenti Co Bayden Çin lideri Si Cinpinə Rusiyaya yardımın nəticələri barədə xəbərdarlıq edəndə silahlar artıq çatdırılmaya hazır vəziyyətdə olub.

Lakin Baydenin Çin lideri arasında baş tutan telefon danışığından sonra Pekin bu addımından geri çəkilmək məcburiyyətində qalıb.

Ağ Evin saytında yayılan məlumata görə, hər iki ölkə liderinin təxminən iki saat davam edən söhbəti zamanı Bayden Rusiyaya yardım edəcəyi təqdirdə nəticələrin Pekin üçün yaxşı olmayacağını Çin liderinin diqqətinə açıq şəkildə çatdırıb.

Məhz bu danışıqdan sonra Çin Xarici İşlər Nazirliyinin bəyanatında qeyd olunub ki, Pekin “sülhün tərəfdarı və müharibəyə qarşıdır”, “dialoqu və danışıqları davam etdirməyi, mülki itkilərin qarşısının alınmasını, humanitar böhranın qarşısının alınmasını və hərbi əməliyyatların tezliklə dayandırılmasını” prioritet hesab edir.

Twitter