Paşinyan Xaçaturov məsələsindən heç nə udmadı.

Axar.az xəbər verir ki, bunu “1in.am” saytına açıqlamasında rusiyalı politoloq Stanislav Tarasov deyib.

“Hər şey Paşinyanın Xaçaturova ittihamlar səsləndirməsiylə başladı. Ermənistan bundan nə uddu? Heç nə udmadı, əksinə, uduzdu. Putin Soçidə Paşinyanla görüşü zamanı ona bu haqda dedi. O dedi ki, hələlik tarixlə hesablaşmaq vaxtı deyil. Ermənistan daxilində sizin ürəyinizcə olan insanlar arasında təmizlik aparın, yeni hökumət formalaşdırın, hər şeyi dəyişin, amma Xaçaturov səviyyəsində olan və KTMT-yə üzv 5-6 ölkənin prezidentinin zəmanətiylə toxunulmazlığa sahib olan məmurlara toxunmayın”, – deyə o bildirib.

O, Belarusla Azərbaycan arasında hərbi texniki əməkdaşlıq məsələsinə də toxunub və burada qeyri-adi heç nə görmədiyini deyib. Tarasov bu əməkdaşlığın iki tərəfə də sərf etdiyini bildirib.

Politoloq bu əməkdaşlıq sayəsində Azərbaycanın özünü silahla təmin etdiyini, Lukaşenkonun isə Belarus iqtisadiyyatı üçün gərəkli olan yeni imkanlar əldə etdiyini vurğulayıb.

Twitter