ABŞ senatorları qətlə yetirilən jurnalist Camal Qaşıqçı ilə bağlı Səudiyyə Ərəbistanına sanksiya tətbiq edilib-edilməyəcəyi ilə bağlı Tramp administrasiyası ilə birgə brifinq keçirəcək.

Axar.az xəbər verir ki, gələn həftə keçiriləcəyi planlaşdırılan brifinqdə Ər-Riyada sanksiya qərarı və silah satışının dayandırılması məsələsi ilə yanaşı, Yəməndəki müharibə də gündəmə gətiriləcək.

Sözügedən brifinqdə ABŞ-ın Dövlət katibi Mayk Pompeo və Müdafiə naziri Ceyms Mettisin də iştirak edəcəyi bildirilsə də, nazirlik bununla bağlı açıqlama verməyib.

Bundan başqa, Camal Qaşıqçı ilə bağlı Trampa senatorlar ikinci dəfə eyni məktubu ünvanlayıb.

Qeyd edək ki, amerikalı senatorlar bir neçə gün əvvəl də Prezident Donald Trampa məktub göndərərək Qaşıqçı cinayətinin birbaşa səbəbkarının vəliəhd Məhəmməd bin Salman olub-olmadığının qəti bir şəkildə ortaya qoyulmasını tələb ediblər.

Twitter