Türkiyə-Rusiya münasibətlərinin inkişaf edən xətt üzrə davam edəcəyini düşünürəm.

Bu sözləri Axar.az-a açıqlamasında politoloq Əhəd Məmmədli deyib. O bildirib ki, G-20 sammiti çərçivəsində Türkiyə və Rusiya liderlərinin görüşündən sonra Putininn Ankaranı “vacib tərəfdaş” adlandırması bir daha diqqət çəkdi:

“Türkiyə və Rusiya arasında öz valyutaları ilə ticarət məsələsi uzun müddətdir ki, gündəmdədir. S-400 HHM sisteminin çatdırılmasına dair müqavilənin hesablaşmalarının milli valyutalarla aparılacağı bu görüşdən sonra bir daha təsdiqləndi. Dollar şantajına cavabı ancaq belə vermək olar”.

Politoloq Türkiyənin NATO-dan ayrılıb Avropa ordusuna qoşulması ilə bağlı məsələyə də münasibət bildirib:

“Tramp ABŞ prezidenti seçiləndən sonra Avropa ordusu məsələsi gündəmdən düşmür. Trampın Avropadakı müttəfiqlərinə ultimatumdan sonra Merkel və Makron Avropa ordusunun yaradılmasının vacibliyi haqqında danışmağa başladı. Tramp Avropa ölkələrinə daha onların müdafiəsinə pul xərcləməyəcəyini bildirdi. Trampın bu təhdidlərindən və replikalarından sonra Avropa ölkələri özlərinin ordusunun qurulması ilə bağlı fikirləşməyə başladı. Türkiyə isə ABŞ və Avropa arasında manevrlər edib istədiyini almalıdır. Türkiyənin maraqlarına nə cavab verəcəksə, o cür də addımlar atacaq. Zatən Türkiyə hakimiyyəti belə də edir”.

Twitter