Avtobus sürücüsü sərnişinin içi dolu pulla unutduğu çantasını sahibinə təhvil verib. Hadisə Bakıda olub. Qadın sərnişin 49 saylı avtobusların birində içində 3 min ABŞ dolları, 1200 manat və qızıl-zinət əşyaları olan çantasını unudub. Çantanı unutduğunu hiss edən qadın dərhal avtobusun son dayanacağına gəlib, bununla bağlı xəttin kalon rəisi Nizami İbrahimova məlumat verilib. Araşdırma aparılıb və sürücü Sahib Quliyev məlumat verib ki, çanta onun idarə etdiyi avtobusda qalıb. Bundan sonra çantanın həmin qadına aid olması dəqiqləşdirilib.

Məsələ ilə bağlı Sabunçu rayonu 12-ci polis bölməsinə də məlumat verilib.