 |
|
Bakıda və Abşeron yarımadasında oktyabrın 7-də hava şəraiti dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, lakin səhər bəzi yerlərdə qısamüddətli yağış yağacağı ehtimalı var.
Şimal-şərq küləyi əsəcək. Havanın temperaturu gecə 11-13° isti, gündüz 15-17° isti olacaq. Bakıda gecə 11-13° isti, gündüz 15-17° isti olacaq.
Atmosfer təzyiqi 769 mm civə sütunundan 773 mm civə sütununa yüksələcək. Nisbi rütubət 50-60 % olacaq.
Azərbaycanın rayonlarında arabir yağış yağacağı gözlənilir. Gecə bəzi yerlərdə leysan xarakterli intensiv olacağı, dağlıq ərazilərdə qar yağacağı ehtimalı var. Səhər bəzi yerlərdə duman olacaq. Şərq küləyi əsəcək.
Havanın temperaturu gecə 9-13° isti, gündüz 14-18° isti, dağlarda gecə 0-5° isti, gündüz 5-9° isti, yüksək dağlıq ərazilərdə gecə 2-5° şaxta, gündüz 0-2° şaxta olacaq.
Sabah, okyabrın 7-də Səfər ayı başa çatır.
Hicri təqvimi ilə avqustun 10-u Məhərrəm ayının ilk günü olub.
Sentyabrın 7-də isə Məhərrəm ayı başa çatıb.
Qeyd edək ki, Hicri təqviminin ilk iki ayında (Məhərrəm və Səfər ayları) Azərbaycanın əksər bölgələrində toy mərasimləri təxirə salınır.
Xatırladaq ki, Məhəmməd peyğəmbərin (s) nəvəsi imam Hüseyn (ə), onun ailə üzvləri və tərəfdarları Hicri-qəməri təqvimi ilə 61-ci ildə Kərbəlada şəhid ediliblər.
Bakı-Naxçıvan-Bakı istiqamətində sərnişin avtobuslarının hərəkətində dəyişiklik yoxdur.
"Yol-xeber.az" Trend-ə istinadən xəbər verir ki, bunu Dövlət Avtomobil Nəqliyyatı Xidmətinin (DANX) mətbuat katibi Nuridə Allahyarova deyib. Onun sözlərinə görə, avtobuslar pandemiyadan əvvəl hansı qaydada fəaliyyət göstərirdisə, indi də İran ərazisindən hərəkətini davam etdirir:
"Gün ərzində Bakıdan-Naxçıvan istiqamətində 2 avtobus yola çıxır. Biləsuvar sərhəd keçid məntəqəsində sərnişinlərdən PCR test götürülür. Bu test Azərbaycan vətəndaşları üçün ödənişsizdir".
Qeyd edək ki, hərbi mənbələrin məlumatına görə, ötən gün İran hava məkanını Naxçıvana hərbi təchizat funksiyasını yerinə yetirən təyyarələr üçün bağlayıb. Bu istiqamətdə sərnişin təyyarələrinin hərəkətində isə məhdudiyyət yoxdur.
Xatırladaq ki, bu gün Azərbaycan Hava Yolları (AZAL) aviaşirkəti Ermənistan ərazisi üzərində hava məkanından istifadə etməyə başlayıb.
Yol-xeber.az-ın məlumatına görə, İşğaldan azad edilmiş ərazilərdə infrastrukturun bərpası işlərinə cəlb edilən işçi heyət tərəfindən təhlükəsizlik qaydalarına ciddi riayət edilməsi, onların mina hadisəsindən qorunması, partlayıcı sursatlarla bağlı risqlərin azaldılması məqsədi ilə zəruri tədbirlərin görülməsi üçün Azərbaycan Avtomobil Yolları Dövlət Agentliyinin əməkdaşları üçün Minatəmizləmə Agentliyi Mina və Partlayıcı Sursatların Təhlükəsinə dair Maarifləndirmə təlimləri keçirib.
Azad edilmiş ərazilərdə xidmət göstərən agentliyin təhlükəsizliyə cavabdeh 64 vəzifəli şəxsi təlimdə iştirak edib və onlara “Partlayıcı Sursatların Təhlükəsinə dair Maarifləndirmə Şəhadətnaməsi” təqdim edilib.
Təlimdə partlayıcı sursatların təhlükəsinə dair maarifləndirmənin ümumi əsasları, təhlükəli ərazinin əlamətləri, tanış olmayan şübhəli ərazilərdə davranış qaydaları barədə təqdimat olub, həmçinin müxtəlif növ mina və sursatın vizual tanınması üçün maketlər nümayiş etdirilib.
Təlimdə iştirak edənlər partlayıcı sursatlarla çirkləndirilmiş ərazilərdə işə cəlb edilən bütün işçiləri əsaslandırılmış qaydada təlimatlandırmaq məqsədi ilə əyani vəsaitlərlə təmin edilib.
Bundan başqa iştirakçılara təhlükəsizlik nişanları, işarələri, mina və sursatların növlərini, ümumi əlamətlərini əks etdirən maarifləndirici və xəbərdaredici broşürlər və posterlər, eləcə də əsas təhlükəsizlik qaydalarına dair Təlimat kitabçası təqdim olunub.
Bakı Şəhəri üzrə Təhsil İdarəsində (BŞTİ) bir sıra vəzifələrə yeni təyinatlar həyata keçirilib.
İdarədən verilən xəbərə görə, təhsil nazirinin əmrinə əsasən, Kamran Əliyev BŞTİ-nin Hüquq sektorunun müdiri vəzifəsinə təyin edilib.
Qeyd edək ki, bu təyinata qədər K.Əliyev Peşə Təhsili üzrə Dövlət Agentliyində və Təhsil Nazirliyində müxtəlif vəzifələrdə çalışıb.
Təhsil nazirinin digər əmrinə əsasən, Tural Mahmudov BŞTİ-nin İnfomasiya təminatı sektorunun müdiri vəzifəsinə təyin olunub.
Bu təyinata qədər T.Mahmudov Gədəbəy Rayon İcra Hakimiyyətində baş məsləhətçi, “VF Azərkredit” MMC-nin Gədəbəy filialında kredit mütəxəssisi, Təhsil İnstitutunun strateji təhlil şöbəsində aparıcı mütəxəssis və S.Bəhlulzadə adına Xarici dillər təmayüllü gimnaziyada direktor müavini vəzifələrində çalışıb.
Həmçinin təhsil nazirinin əmrinə əsasən, Fuad Əsgərov İnsan resursları sektorunun müdiri vəzifəsinə təyin edilib. Bu təyinata qədər F.Əsgərov Daxili işlər və Fövqəladə hallar orqanlarında, BŞTİ-də müxtəlif vəzifələrdə çalışıb.
Oktyabrın 6-a gözlənilən hava şəraiti açıqlanıb.
Milli Hidrometeorologiya Xidmətindən verilən məlumata görə, Bakıda və Abşeron yarımadasında dəyişkən buludlu olacağı, arabir tutulacağı gözlənilir.
Əsasən səhər və axşam bəzi yerlərdə yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə 13-15° isti, gündüz 15-17° isti olacaq. Bakıda gecə 13-15° isti, gündüz 15-17° isti olacaq. Atmosfer təzyiqi 766 mm civə sütunundan 770 mm civə sütununa yüksələcək. Nisbi rütubət 60-70 % olacaq.
Tibbi-meteoroloji proqnoza əsasən, oktyabrın 6-da Abşeron yarımadasında meteoroloji amillərin mülayim tərəddüdü və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər.
Azərbaycanın rayonlarında arabir yağış yağacağı gözlənilir. Bəzi yerlərdə leysan xarakterli intensiv və güclü olacağı, dağlıq ərzilərdə qar yağacağı ehtimalı var. Səhər bəzi yerlərdə duman. Mülayim şimal küləyi əsəcək. Havanın temperaturu gecə 10-14° isti, gündüz 15-18° isti, dağlarda gecə 0-4° isti, gündüz 4-7° isti, yüksək dağlıq ərazilərdə gecə 2-5° şaxta, gündüz 0-2° şaxta olacaq.
Prezident İlham Əliyev Azərbaycan Respublikasının təhsil işçilərinin təltif edilməsi haqqında sərəncam imzalayıb.
Yol-xeber.az xəbər verir ki, sərəncama əsasən, Azərbaycan təhsilinin inkişafında xidmətlərinə görə aşağıdakı təhsil işçiləri təltif edilirlər:
3-cü dərəcəli “Əmək” ordeni ilə
Abbasov Ənvər Məhəmməd oğlu
Ələkbərova Faina Emmanuilovna
Xanlarova Sara Cəbrayıl qızı
Xəlilov Vidadi Cəmil oğlu
“Tərəqqi” medalı ilə
Abduləzimova İradə Baxış qızı
Abdullayeva Yeganə Akif qızı
Ağakişiyev Aslan Gənci oğlu
Ağamalıyeva Sədiqə Qəfər qızı
Ağayeva Əminə Bəxtiyar qızı
Allahverdiyev Yaşar İsmayıl oğlu
Apayeva Hüsnəxanım Şixəmməd qızı
Babayev Habil Heydər oğlu
Babayev Həbibulla Canisab oğlu
Babayev Şöyüb Əkbər oğlu
Bağırlı Nigar Əhməd Soltan qızı
Bağırov Fərhad Qurban oğlu
Balakişiyev Şahbaz Şəmməd oğlu
Bayramova Gülbəniz Məhərrəm qızı
Cavadov İlham Ağaqardaş oğlu
Cəbrayılov Samir Adil oğlu
Dadaşova Mənzər Ramiz qızı
Dəmirova Fərqanə Vahid qızı
Əhmədov Hümeyir Hüseyn oğlu
Əhmədov Vidadi İsgəndər oğlu
Əhmədova Təranə Sarxan qızı
Əhmədova Tutu Rza qızı
Əkbərova Mehriban Telman qızı
Ələkbərova Mənzər Nadir qızı
Əliyev Famil Abbas oğlu
Əliyeva Təranə Qaraş qızı
Əlizadə Xavər Şükür qızı
Əsədova Lalə Hacıbala qızı
Hacınskaya Reyhan Əkbər qızı
Hacıyev Asif Xatabala oğlu
Heydərova İlahə Xanəsən qızı
Həsənova Afət Musa qızı
Hüseynova Aidə Əli qızı
Hüseynova Laləzar Amil qızı
Hüseynova Südabə İsa qızı
İbrahimova Təranə Qəzənfər qızı
İsakov Mübariz Məmməd oğlu
İsmayılov Bünyad Fikrət oğlu
İsmayılova Sücayət Yaqub qızı
İsmayılova Sveta İldırım qızı
Kazımov Yaşar Nurəddin oğlu
Kərimova Mətanət Elçin qızı
Qasımova Nuriyyə Aslan qızı
Qulamov Elmar Rəfail oğlu
Quliyeva Simuzər Valeh qızı
Quliyeva Ulduz İsmixan qızı
Quluyeva Sədaqət Tofiq qızı
Qurbanova Gülbəniz Cəfərqulu qızı
Mahmudova Pərvanə Seyidağa qızı
Mehdiyeva Elmira Xasay qızı
Məmmədov Zəfər Həsən oğlu
Məmmədova Arzu Ramiz qızı
Məmmədova Elnarə Bahadir qızı
Məmmədova İradə Maşallah qızı
Məmmədova Kübra İbrahim qızı
Məsimova Samirə Nəriman qızı
Məstəliyev Elnur Mətləb oğlu
Mirzəyeva Gülnar Əlhəm qızı
Mirzəyeva Mehparə Ramazan qızı
Mirzəyeva Təranə Mirzə qızı
Muradova Şükufə Müslüm qızı
Musayeva Rəna Qiyas qızı
Mustafayeva Şəhla Gürşad qızı
Osmanova Nailə Paşa qızı
Rəhimova Afaq Vüqar qızı
Rəhi̇mova Nuranə Elman qızı
Rəsulova İlahə Zahid qızı
Rufullayev İlham Hacıvəli oğlu
Rufullayev Qədir Məzahim oğlu
Rüstəmova Qəmər Xalıq qızı
Rzayeva Səbinə Rahil qızı
Sadıqov Fərman Əlövsət oğlu
Sadıqov Şəmil Kamil oğlu
Soltanova Əsli Məhəmməd qızı
Süleymanov Sahib Qədir oğlu
Şirinova Nəzakət Firidun qızı
Şükürova Sənubər Fəqani qızı
Talıblı İradə İbadulla qızı
Yusifova Cəmilə Rüstəm qızı
Zülfiyeva Sevil Vəli qızı.
Oktyabrın 4-də Cəbrayıl rayonunda 110/35/10 kilovoltluq “Cəbrayıl” yarımstansiyasının açılışı olub.
Yol-xeber.az xəbər verir ki, Azərbaycan Respublikasının Prezidenti İlham Əliyev yarımstansiyanın açılışında iştirak edib.
Dövlətimizin başçısına yarımstansiyada yaradılan şərait barədə məlumat verilib. Bildirilib ki, 44 günlük Vətən müharibəsində işğaldan azad edilən Cəbrayıl rayonuna Füzulidəki “Şükürbəyli” yarımstansiyasından uzunluğu 31 kilometr olan 110 kilovoltluq ikidövrəli 1-ci və 2-ci “Cəbrayıl” hava xətləri çəkilib. Bir vaxtlar qoşunların təmas xətti olduğundan tamamilə minalanmış yerlərdən keçən xəttin uzandığı ərazi partlamamış sursatlardan təmizlənib. Hava xəttinin ildırımdan mühafizəsi və yarımstansiyalararası siqnalların ötürülməsi üçün zəruri işlər görülüb. Yeni yarımstansiyada 110 kilovoltluq Açıq Paylayıcı Qurğu tikilib. O cümlədən 110/35/10 kilovoltluq “Qubadlı” və “Zəngilan” yarımstansiyalarının qidalandırılması məqsədilə Cəbrayıldan çəkilən ikidövrəli ötürmə xətlərinin qoşulması üçün texniki cəhətdən yarımstansiyada lazımi şərait yaradılıb. “Cəbrayıl” yarımstansiyası yeni avadanlıqlarla komplektləşdirilib, burada müasir rəqəmsal idarəetmə, mühafizə və avtomatika sistemləri quraşdırılıb. Yarımstansiyanın iş rejiminə real zamanda nəzarət olunması və göstəricilərin “Azərenerji” ASC-nin SCADA sisteminə ötürülməsi məqsədilə yerli mikro-Scada dispetçer idarəetmə sistemi qurulub və enerjisistemin mərkəzi SCADA sisteminə inteqrasiya olunaraq rəqəmsallaşdırılıb.
“Cəbrayıl” yarımstansiyası, ilk növbədə, bu rayonda yerləşən hərbi obyektləri, yeni yaradılan sosial-iqtisadi infrastruktur layihələrini, eləcə də rayonun ümumi şəhərsalma konsepsiyasına əsasən, Cəbrayıl şəhərini və bütövlükdə rayonun bütün kənd-qəsəbələrini elektrik enerjisi ilə təmin edəcək.
***
110/35/10 kV-luq “Cəbrayıl” yarımstansiyasının açılışı olub.
Açılış mərasimində Prezident İlham Əliyev iştirak edib.
Təhsil naziri Emin Əmrullayev 5 oktyabr - Beynəlxalq Müəllimlər Günü münasibəti ilə təhsilverənləri təbrik edib.
"Yol-xeber.az" xəbər verir ki, nazirin təbrikində deyilir:
"Əziz müəllimimiz,
Övladlarımızın təlim-tərbiyəsini etibar etdiyimiz Sizə təşəkkür edir, şərəfli peşənizdə uğurlar arzulayıram!
Beynəlxalq Müəllimlər Gününüz mübarək!".
Oktyabrın 5-i Beynəlxalq Müəllimlər Günüdür. Bu əlamətdar gün UNESCO-nun qərarı ilə 1966-cı ildən qeyd edilir. Həmin il təşkilat tərəfindən müəllimlərin statusunun artırılması ilə bağlı tövsiyə xarakterli sənəd də qəbul olunub. Beynəlxalq Müəllimlər Günü həyatını xalqın işıqlı gələcəyinə həsr edən müqəddəs peşə sahiblərinin bayramıdır. Bu əlamətdar günün qeyd edilməsində məqsəd cəmiyyətin inkişafında müəllimin rolunu vurğulamaq, dünyanın hər yerində təhsil sahəsində heç kimin unudulmaması, geri qalmaması üçün səy göstərən müəllimlərin əməyinə diqqət çəkməkdir.
Birləşmiş Millətlər Təşkilatının saytına istinadla xəbər verir ki, bu il Beynəlxalq Müəllimlər Günü “Müəllimlər təhsilin bərpasının mərkəzində” mövzusuna həsr olunub. Məqsəd COVID-19 böhranının başlamasından bir il yarım sonra bərpa prosesinə tam töhfə verə bilmək üçün müəllimləri dəstəkləməkdir.
Beynəlxalq Müəllimlər Günü çərçivəsində beşgünlük qlobal və regional tədbirlər silsiləsi pandemiyanın müəllim peşəsinə təsirini nümayiş etdirəcək, təsirli və perspektivli siyasi tədbirləri vurğulyacaq və müəllim heyətinin öz potensialını tam inkişaf etdirməsi üçün lazım olan addımları müəyyənləşdirməyə çalışacaq.
UNESCO-nun Baş direktoru Odre Azule, Beynəlxalq Əmək Təşkilatının Baş direktoru Qay Rayder, UNICEF-in icraçı direktoru Henrietta For və Beynəlxalq Təhsilin Baş katibi David Edvards Beynəlxalq Müəllimlər Günü münasibətilə ictimaiyyətə birgə müraciət ünvanlayıblar. Müraciətdə qeyd olunur ki, COVID-19 pandemiyası səbəbindən bu gün də ölkələrin bir çoxunun təhsil sistemində böyük problemlər yaşanır. Təxminən 60 ölkədə şagird və müəllimlər məktəblərin tamamilə və ya qismən bağlanması vəziyyətində yaşamağa davam edirlər. Eyni zamanda, şagirdlərin əyani və ya distant təhsil almalarından asılı olmayaraq, tədris prosesində müəllimlər əsas rol oynayır. Pandemiya cəmiyyətə müəllim peşəsinin əvəzolunmaz olduğunu daha aydın dərk etməyə, eləcə də bir çox müəllimin işləməli olduğu çətin şərtləri görməyə imkan verdi. Məktəblərin bağlanması zamanı müəllimlər öyrənmə prosesinin davamlılığını təmin etmək və xüsusilə əhalinin ən həssas qruplarından olan şagirdlərə sosial və emosional dəstək vermək üçün böyük səy göstərdilər. Bu gün onlar şagirdlərin əldə etmədikləri bilik və bacarıqların miqyasını qiymətləndirməli, müxtəlif metodlardan istifadə etməklə tədris prosesindəki pozuntuları minimuma endirməlidirlər.
Müəllimlərin müstəsna rolunu tanımaq və istedadlarını ortaya çıxarmaq üçün lazımi kömək göstərmək və iş şəraiti yaratmaqla onlara təlim və peşəkar inkişaf imkanları verməyin vaxtıdır.
Müstəqil Azərbaycan Respublikasında Beynəlxalq Müəllimlər Günü 1993-cü ildən qeyd edilir. Ölkəmizdə bu günə dövlət səviyyəsində diqqət ayrılır. “Bizim hər birimiz elmi dərəcəmizdən, biliyimizdən, təhsil səviyyəmizdən asılı olmayaraq, bütün nailiyyətlərimizə görə məktəbə, müəllimə borcluyuq. Müəllimlik sənəti şərəfli bir sənətdir” deyən ümummilli lider Heydər Əliyev Azərbaycana rəhbərlik etdiyi bütün illərdə müəllim əməyini yüksək qiymətləndirib, onlara böyük hörmətlə yanaşıb, təhsil işçilərinin maddi vəziyyətinin, rifahının yaxşılaşdırılması qayğısına qalıb.
Azərbaycanda son illərdə elmin və təhsilin inkişafı ilə bağlı həyata keçirilən kompleks tədbirlər, Prezident İlham Əliyevin bu sahəni dövlət siyasətinin mühüm prinsipləri sırasına daxil etməsi, təhsil işçilərinə hərtərəfli qayğı dövlətin gələcəyini daha etibarlı və inamlı görmək əzmindən xəbər verir. Təhsil işçilərinin əməkhaqqının artırılması, onların mükafatlandırılması, fəxri adlarla təltif edilməsi, müəllimlərin sosial müdafiəsinin gücləndirilməsi istiqamətində atılan addımlar müəllim nüfuzunu daha da yüksəldib.
Son dövrdə ölkəmizdə heç bir dövrdə olmadığı qədər yeni məktəblər tikilib. İndi Azərbaycanda elə təhsil ocaqları var ki, dünyanın ən inkişaf etmiş ölkələrindəki məktəblərdən nəinki fərqlənmir, hətta onları üstələyir. Sevindirici hal odur ki, bu proses paytaxtla yanaşı, bütün bölgələri əhatə edir. Yeni, müasir məktəblər, təhsil kompleksləri şagird kontingentinin təhsil şəraitini tamamilə dəyişir, tədrisin səviyyəsini yüksəldir. Bütün bu tədbirlər Prezident İlham Əliyevin “Uşaqlar yaxşı məktəblərdə oxumalı, müəllimlər də yaxşı məktəblərdə işləməlidirlər” fikrini reallığa çevirir.
Qeyd edək ki, bu il Azərbaycan müəllimi Beynəlxalq Müəllimlər Gününü qalib xalqın qalib övladı olaraq bayram edir. Zəfərlə başa çatan 44 günlük Vətən müharibəsində 20 məktəb direktoru, 32 direktor müavini, 671 müəllim düşmənə qarşı vuruşaraq qəhrəmanlıqlar göstərib. Bu müharibədə 20 təhsil işçisi döyüşlərdə şəhidlik zirvəsinə ucalıb. Prezident İlham Əliyevin müvafiq sərəncamları ilə onların hər biri müxtəlif dərəcəli medallarla təltif edilib. Şəhid təhsil işçilərindən 19 nəfəri “Vətən uğrunda”, 7-si “Şuşanın azad olunmasına görə”, 3-ü “Füzulinin azad olunmasına görə”, 2-si “Xocavəndin azad olunmasına görə”, 4-ü “Cəsur döyüşçü”, 4-ü “Döyüşdə fərqlənməyə görə”, 5-i “Qubadlının azad olunmasına görə”, 5-i “Cəbrayılın azad olunmasına görə”, 2-si “Laçının azad olunmasına görə”, 1 nəfəri “İgidliyə görə”, 1 nəfəri “Hərbi xidmətlərə görə” medalları ilə təltif edilib.