"Baksell" şirkəti 31 Dekabr-Həmrəylik günü və Yeni İllə əlaqədar olaraq insanların kütləvi toplaşacağı məkanlarda əlavə avadanlıqlar quraşdırır.

Axar.az xəbər verir ki, bu sözləri jurnalistlər üçün keçirilən "Mobil telekomunikasiyaya giriş" adlı təlimdə şirkətin Texniki şöbəsinin əməkdaşı Oruc Sadıqov deyib. O bildirib ki, Yeni il axşamı qoşulmalarda problem yarana bilər:

"Həmin gün mobil şəbəkələrdən istifadə çoxalır deyə, qoşulmalarda problem yarana bilər. Abonentlərimizin məmnuniyyətini təmin etmək məqsədi ilə biz çalışırıq ki, mobil şəbəkənin sürətini və tutumunu artıraq. Yarana biləcək problemləri aradan qaldırmaq məqsədi ilə tam qüvvəmizlə çalışacağıq".

Şirkət nümayəndəsi onu da qeyd edib ki, Baksell LTE şəbəkəsi 45 region mərkəzində əhalinin istifadəsinə verilib:

"Bakı-Abşeron yarımadası ilə yanaşı regionlarda yaşayan abunəçilərimiz də yüksək sürətli internet xidmətindən istifadə edə biləcəklər. Xidmətdən yararlanmaq üçün abunəçilərin sim kartlari ve mobil cihazları 4G texnologiyasını funksional olaraq dəstəkləməlidir".

Twitter