13:37

Rusiyanın Stavropol vilayətində içərisində azərbaycanlılar olan avtobus qəzaya uğrayıb.

Axar.az xəbər verir ki, bu barədə Rusiya Fövqəladə Hallar Nazirliyinin Stavropol vilayəti üzrə nümayəndəliyi məlumat yayıb.

“Levokum kəndi yaxınlığında içərisində Azərbaycan vətəndaşları olan “Mersedes” markalı mikroavtobus qəzaya uğrayıb”, - məlumatda bildirilib.

Qeyd olunub ki, mikroavtobusda 13 sərnişin olub. Onlardan 6-sı yaralanıb. Yaralılar yaxınlıqdakı xəstəxanaya yerləşdirilib.

***

Stavropol vilayətində mikroavtobusun qəzaya düşməsi nəticəsində yaralanan azərbaycanlıları sayı 10-a çatıb.

Bu barədə Stavropol vilayətinin rəhbərliyindən məlumat verilib.

“Mikroavtobusun sürücüsü naməlum səbəbə görə idarəetməni itirərək yolun kənarına çıxıb və maşını ağaca çırpıb. Nəticədə 10 nəfər xəstəxanaya çatdırılıb. Yaralıların hamısı Azərbaycan vətəndaşlarıdır”, - məlumatda bildirilib.

Qeyd olunub ki, xəsarət alanlar arasında yaş yarımlıq körpə də var. Yaralıların 3-ü Budyonnovsk, qalanları isə Levokum rayon xəstəxanasına yerləşdirilib.

Twitter