Tanınmış azərbaycanlı milli-mədəni fəal Abbas Lisaninin 10 aylıq həbs cəzasının icrası dayandırılıb.

Axar.az xəbər verir ki, fəal məhkəmə prosesi, hökmün məzmunu və onun elan olunması tərzinə etiraz edib. Həbsxana məmurları bundan sonra onu yanvarın 6-da Təbriz zindanının karantin bölümündən Təbriz İnqilab Məhkəməsinin 2-ci Şöbəsinə aparıblar. Hakim fəalın yazılı etirazına baxdıqdan sonra həbs hökmünün icrasını dayandırıb.

Hakim Ehrabi fəalın müvəqqəti azadlığa buraxılması üçün 1 milyard riallıq girov qarşılığında qərar çıxarıb və yanvarın 15-ni qiyabi olaraq verilən həbs cəzasına etiraz günü kimi təyin edib.

Qeyd edək ki, Abbas Lisani yanvarın 5-də Ərdəbildə evindən iş yerinə gedərkən saxlanılıb.

Twitter