Azərbaycanda yeni Missiya TV adlı internet televiziyası açıqlacaq.

Bu barədə Kult.az-a açıqlamasında jurnalist Nicat Dağlar deyib. O bildirib ki, kanalın martın sonlarında yayıma başlaması nəzərdə tutulur:

“Missiya TV layihəsi üzərində xeyli müddətdir düşünürdük. Nəhayət, bu işi reallaşdırmaq qərarına gəldik. Əsasən internet televiziyası kimi nəzərdə tutulan bu layihənin ilkin mərhələsində canlı yayımlar təşkil olunacaq. Həm Feysbukdakı səhifəmiz, həm də Yutubdakı kanalımız vasitəsilə yayımlanacağıq. Paralel olaraq internet TV saytının ərsəyə gətirilməsi üzərində iş aparılır. Bütün materiallar məhz saytda cəmləşdiriləcək. Bir müddət idi ki, Missiya TV-nin studiyası qurulurdu. Əsas işlər artıq yekunlaşıb. Hazırda müəyyən dizayn işləri aparılır. Mütəxəssislər texniki məsələlər üzərində də çalışırlar. Hesablamalarımıza görə, mart ayının ikinci yarısından etibarən, daha dəqiq, Novruz bayramından sonra yayıma başlaya biləcəyik. Əvvəlcə həftədə iki dəfə mənim aparıcılığımla canlı yayıma çıxacağıq. Studiyaya dəvət edəcəyimiz ekspertlərlə günün aktual mövzuları müzakirə olunacaq. Tədricən isə müzakirələri hər gün təşkil etməyi planlaşdırımışıq. Canlı müzakirələrlə yanaşı, video sorğuların aparılması da nəzərdə tutulur”.

Twitter