Rusiyanın Türkiydəki səfiri Andrey Karlovun qətlinin TRT-də yayımlanması ilə bağlı aparılan araşdırma çərçivəsində bir qrup media təmsilçisi saxlanılıb.

Musavat.com xəbər verir ki, prokurorluğun keçirdiyi əməliyyat nəticsində FETÖ terror təşkilatının üzvü olan 6 nəfər saxlanılıb. Onlardan 5-i TRT-nin əməkdaşıdır.

Qeyd edək ki, buna bənzər hadisə bir neçə dəfə də yaşanıb.

TRT-də yayımlanan "Sevda quşun qanadında" serialının 15-ci bölümündə səfir Karlova təşkil olunan sui-qəsdə bənzəyən səhnələr yer alıb. Serilanın bu bölümü isə izləyicilər tərəfindən birmənalı qarşılanmamışdı.

Xatırladaq ki, səfir Andrey Karlov 2016-cı il Türkiyədə təşkil oluna "Rusiya türklərin gözü ilə" sərgisində iştirakı zamanı qətlə yetirilib. Hadisəni törədən Mövlüd Mərd Altındaş təhlükəsizlik əməkdaşları tərəfindən öldürülüb.

Yaşanan hadisəni provokasiya adlandıran Putinin qənaəti ilə həmfikir olan Prezident Rəcəb Tayyib Ərdoğan səfirin qatilinin Mərd Altındaş adlı polis əməkdaşı olduğunu təsdiqləyib və bu qətldə FETÖ-nun məqsədinin Rusiya və Türkiyə arasına nifaq salmaq olduğunu bildirib.

Twitter