Standartın tətbiqində əsas məqsəd “Azərbaycan Dəmir Yolları” QSC-nin əməkdaşları üçün daha sağlam və təhlükəsiz əmək şəraitinin yaradılmasıdır

“Azərbaycan Dəmir Yolları” QSC-nin Yanacaq və enerji resurslarının idarə edilməsi departamenti beynəlxalq İSO 45001:2018 “Peşə sağlamlığı və təhlükəsizliyinin idarəedilməsi sistemi” standartı üzrə uyğunluq sertifikatını alıb.

Cəmiyyət peşə sağlamlığı və təhlükəsizliyi sahəsində ən yüksək beynəlxalq standartın tətbiqi məqsədilə 2020-ci ildə dünyaca məşhur “Societe Generale De Surveillance” (SGS) şirkəti ilə əməkdaşlığa başlayıb. 2020-ci ilin iyun ayında “Azərbaycan Dəmir Yolları” QSC-nin 25 əməkdaşı SGS-nin təlimlərinə qatılaraq müstəqil audit sertifikatlarını alıb. Cəmiyyətin Yanacaq və enerji resurslarının idarə edilməsi departamenti və digər struktur bölmələrində çalışan bu mütəxəssislər İSO 45001:2018 standartının tətbiqinə nəzarət edəcəklər.

SGS tərəfindən 12 fevral 2021-ci il tarixində keçirilmiş son auditin nəticəsi olaraq Yanacaq və enerji resurslarının idarə edilməsi departamentinin İSO 45001:2018 standartının tələblərinə uyğun fəaliyyət göstərmək üçün hazır olduğu və standart üzrə sertifikatın verilməsi təsdiq edilib.

Sağlam iş şəraitinin təmin edilməsi ilə yanaşı, İSO 45001:2018 standartı əməyin mühafizəsi və təhlükəsizliyi ilə bağlı qanunlara riayət olunması, peşə xəstəlikləri və iş qəzalarının azaldılması, səmərəliliyin yüksəldilməsi, risklərin qiymətləndirilməsi və idarəedilməsi tələblərini də əhatə edir.

Twitter

İlkin qiymətləndirməyə (prekvalifikasiyaya) dəvət

(İlkin seçim mərhələsi (prekvalifikasiya) üçün müraciətlərin son təqdimat tarixinin uzadılması)

Ölkə-                   Azərbaycan Respublikası

Layihənin adı-             Regional Yollar və İnkişaf Layihəsi (hazırlıq mərhələsi)

Müqavilənin adı- M3 Ələt-Astara-İran sərhədi magistral avtomobil yolunun Yenikənd-Biləsuvar (32-ci kilometrdən 103-cü kilometrədək) hissəsinin (mövcud yol oxu) yenidən qurulması

Sektor-                Nəqliyyat

Layihə №:          P174379

İlkin qiymətləndirmənin istinad №: AZ-SRA-CW-RFB-01

1.    Azərbaycan Hökuməti Regional Yollar və İnkişaf Layihəsinin maliyyələşdirilməsi üçün Beynəlxalq Yenidənqurma və İnkişaf Bankına (BYİB) (Dünya Bankı) müraciət etmiş  və vəsaitin bir hissəsini Yenikənd və Biləsuvar arasındakı mövcud yolun bərpası üçün müqavilə üzrə ödənişlərə istifadə etmək niyyətindədir.

2.    Azərbaycan Avtomobil Yolları Dövlət Agentliyi (AAYDA) M3 Ələt-Astara-İran sərhədi magistral avtomobil yolunun Yenikənd-Biləsuvar (32-ci kilometrdən 103-cü kilometrədək) hissəsinin (mövcud yol oxu) yenidən qurulması üçün podratçıları      ilkin qiymətləndirmək (prekvalifikasiya) niyyətindədir. Yol hissəsi M3 magistral avtomobil yolunun 32+140 kilometrindəki qovşaqdan başlayaraq Salyan şəhərinin kənarında Kür çayına çatmamış cənub-qərbə doğru gedir və yolun 103+320 kilometrində başa çatır. Salyandan başlayaraq yol qərbdən Biləsuvar şəhərinə getməzdən əvvəl Sarvan və Şorsulu kəndlərindən keçir. Yenidən qurulacaq yol hissəsinin ümumi uzunluğu 70.5 kilometrdir. Mövcud yol tamamən olmasa da, əsasən II kateqoriyalı yol ölçülərinin tələblərinə uyğundur. Mövcud  yol örtüyü  çoxsaylı qüsurlar olmaqla ümumilikdə yararsız vəziyyətdədir və beş ədəd çay-kanal keçidinin dəyişdirilməsinə də ehtiyac vardır. Geometrik xüsusiyyətləri yaxşılaşdırmaq və təhlükələri aradan qaldırmaq üçün məhdud düzəlişlər istisna olmaqla, yenidən qurulacaq  yol mövcud üfiqi yol oxu üzrə davam etdiriləcəkdir. Yeni yol geyiminə asfalt- beton səth, asfalt yapışdırıcı-bağlayıcı  lay, asfaltın əsas layı və dənəvər alt layı daxildir. Mövcud beş körpü tamamilə yeniləri ilə əvəz ediləcək və bir yeni körpü tikiləcəkdir.

Yolun bərpası üçün ehtimal edilən tikinti müddəti 24 ay və sonra isə qüsurların aradan qaldırılması müddəti 24 ay olacaqdır.Yol ,tikinti zamanı nəqliyyatın hərəkəti üçün açıq qalacaq və podratçı nəqliyyatın idarə olunmasına cavabdeh olacaqdır. Təxmini iş həcmləri aşağıdakılardır:

Torpaq işləri (dolğu)                                  1,270,000 m3

Torpaq işləri (qazma)                                 500,000 m3

Dənəvər tərkibli yol geyimi layları             920,000 m3

Bitum tərkibli yol geyimi layları                          180,000 m3

Körpünün hərəkət hissəsinin (tava) sahəsi 4,000 m2

Yığma dəmir-beton körpü tirləri                          2,800 m              

Qazma monolit svaylar                              2,300 m

Tenderə dəvətin 2021-ci ilin iyul ayında olacağı gözlənilir.

3.    İlkin qiymətləndirmə (prekvalifikasiya) Dünya Bankının "İLM Borcalanları üçün Satınalma Qaydaları”nda (2020-ci ilin noyabr ayında nəşr olunan) ("Satınalma Qaydaları”) müəyyən edilən  prosedurlara  müvafiq olaraq həyata keçiriləcək və Satınalma Qaydalarına əsasən iştirak hüququ olan bütün iddiaçılar üçün açıqdır.

4.    Maraqlı olan iddiaçılar əlavə məlumatı aşağıda göstərilən ünvanda Azərbaycan Avtomobil Yolları Dövlət Agentliyindən iş saatlarında, saat 10.00-dan saat 17.00-a kimi (Bakı vaxtı ilə) əldə edə bilərlər. Maraqlı olan iddiaçılar ilkin qiymətləndirmə sənədinin ingilis dilindəki tam toplusunu aşağıda göstərilən ünvana yazılı şəkildə müraciət etməklə və geri qaytarılmayan 300 AZN və ya 170 ABŞ dolları ödəməklə əldə edə bilərlər. Ödəniş aşağıdakı bank hesabına köçürülməlidir:

Təşkilatın  adı-       Azərbaycan Avtomobil Yolları Dövlət Agentliyi

VÖEN-                           9900013141

Bank-                     “Kapital Bank” ASC-nin Nəsimi filialı

SWIFT-                 AIIBAZ2X

M\h-    AZ37NABZ01350100000000001944

H\h-     AZ69AIIB38050019441801833111 AZN

                 AZ59AIIB38150018401801833111 ABŞ dolları

Bankın VÖENi- 9900003611

Geri qaytarılmayan məbləğin ödənişini sübut edən müvafiq sənəd təqdim olunduqda sənədlər aşağıdakı ünvandan əldə edilə  və ya iddiaçı tərəfindən təşkil olunan və xərci ödənilən kuryer vasitəsilə çatdırıla bilər. Sənədlərin itirilməsi və gecikməsinə görə AAYDA heç bir məsuliyyət daşımayacaqdır. İlkin qiymətləndirmə sənədinin elektron satışı həyata keçirilmir.   

5.    Tenderin ilkin seçim mərhələsi üçün müraciətlər 21 may 2021-ci il  yerli vaxtla saat 17.00-a kimi üzərində aydın qeydlər olunmaqla bağlı zərflərdə aşağıdakı ünvana təqdim edilməlidir. Gecikən müraciətlər açılmadan iddiaçılara geri qaytarılacaqdır.

Azərbaycan Avtomobil Yolları Dövlət Agentliyi

Azərbaycan Avtomobil Yolları Dövlət Agentliyi  idarə heyətinin sədri cənab Saleh Məmmədovun diqqətinə

Ünvan-Azərbaycan, Bakı AZ1117, Biləcəri qəsəbəsi  R. İsmayılov küçəsi 2025-ci məhəllə.

Ofis-    2 saylı Layihə İdarəetmə Qrupu, otaq № 224

Telefon-        (+994 12) 499 79 02

Faks-            (+994 12) 499 79 44

Elektron ünvan-   mehman.babaxanov@azeravtoyol.gov.az 

Surəti-                  saadat.aliyeva@azeravtoyol.gov.az

Veb ünvan-           www.aayda.gov.az

Twitter

Müşahidələr göstərir ki, bəzi fiziki və hüquqi şəxslər tərəfindən yük avtomobilləri oxa düşən kütlə parametrlərinə dair tələblər pozulmaqla normadan artıq yüklənir və bu formada ümumi istifadədə olan avtomobil yollarında idarə edilir. Belə hallar inzibati xəta tərkibi yaratmaqla yanaşı nəqliyyat vasitələrinin hərəkəti zamanı avtomobil yoluna və yol qurğularına zərər dəyməsinə, yol örtüyünün və yolun mühəndis konstruksiyasının zədələnməsinə səbəb olur.

Bununla yanaşı, avtomobil yollarında yüklərin daşınmasında texniki cəhətdən  nasaz və istismara yararsız nəqliyyat vasitələrindən də istifadə edilir ki, həmin avtomobillərdə nasazlıq yarandığı zaman yol kənarlarında və ya yolların hərəkət hissəsində saxlanılmaqla hərəkətin intensivliyinə maneçilik yaradır və digər hərəkət iştirakçılarının həyat və sağlamlığına ciddi təhlükə törədir.  

Azərbaycan Avtomobil Yolları Dövlət Agentliyi və Daxili İşlər Nazirliyinin Baş Dövlət Yol Polisi İdarəsi yükdaşıma fəaliyyəti ilə məğul olan fiziki və hüquqi şəxslərdən yüklərin daşınması zamanı yükdaşıma normalarına və təhlükəsizlik tədbirlərinə riayət olunmasını xahiş edir.  

Həmçinin bildiririk ki, bu sahədə inzibati xətalara yol vermiş şəxslərin barəsində ciddi inzibati tənbeh tədbirləri görüləcək.

Twitter

Mayın 10-da Naxçıvan Qarnizonu Mərkəzi Hospitalının açılışı olub.

 Azərbaycan Respublikasının Prezidenti, Müzəffər Ali Baş Komandan İlham Əliyev açılışda iştirak edib.

Əlahiddə Ümumqoşun Ordu komandanı, general-polkovnik Kərəm Mustafayev dövlətimizin başçısına raport verdi.

Naxçıvan Muxtar Respublikası Ali Məclisinin Sədri Vasif Talıbov Prezident İlham Əliyevə hospital barədə məlumat verdi.

Twitter

Bu gündən Azərbaycanda 18 yaşına çatmış bütün vətəndaşlarının vaksinasiya prosesi başlayır.

Azərbaycanda koronavirusla mübarizə məqsədilə peyvəndləməyə yanvarın 18-dən start verilib.

Yanvardan Çin istehsalı olan "Sinovac" vaksinindən istifadə başlayıb. Ötən aydan isə ölkəmizə Sputnik-V vaksini gətirilib və tətbiqinə başlanılıb. Azərbaycana gətirilən vaksinlər tam təhlükəsizdir.

Vaksinasiyanın əhəmiyyəti immuniteti gücləndirmək yolu ilə xəstəlikdən qorunmaq, infeksiyanın ötürülməsini məhdudlaşdırmaq, ölüm halının qarşısını almaq və nəticədə səhiyyə sisteminə düşən yükü azaltmaqdan ibarətdir.

“Azərbaycan Respublikasının COVID-19 əleyhinə 2021-2022-ci illər üçün vaksinasiya strategiyası”nın əsas məqsədi ölkədə geniş yayılmış koronavirus pandemiyasının qarşısının alınmasına, virusa yoluxma və ölüm səviyyəsinin aşağı salınmasına nail olmaqdır.

Azərbaycanda vurulan vaksinlərin ümumi sayı 1 687 397, birinci mərhələ üzrə peyvənd olunanların ümumi sayı 1 005 678, ikinci mərhələ üzrə vaksinasiya edilənlərin sayı 681 719 nəfər təşkil edir.

Twitter

Birinci sinfə şagird qəbulu üzrə elektron portal (www.mektebeqebul.edu.az) bayram günlərində fəaliyyətini müvəqqəti dayandıracaq.

Təhsil Nazirliyindən verilən məlumata görə, portal 8 may 18:00-dan 16 may saat 09:00-dək aktiv olmayacaq.

Qeyd edək ki, aprelin 27-dən 2021-2022-ci tədris ili üzrə ümumi təhsil müəssisələrinin birinci siniflərinə şagird qəbuluna start verilib. Şagirdlərin qəbulu prosesi www.mektebeqebul.edu.az elektron portalı vasitəsilə aparılır.

Twitter

Azərbaycanda əlilliyin təyin edilməsi ilə bağlı vətəndaş-dövlət qurumları münasibətləri daim müzakirələrə səbəb olub. Vətən Müharibəsindən sonra isə bu sahədə işlərin çoxalması nəticəsində narazı qalanlar da az deyil.

Aztv əlillik dərəcəsinin təyin edilməsi üçün təşkil edilən komissiyanın bir günlük iş rejimini müşahidə edib.

Bu zaman əsaslı olaraq müraciət edənlərlə yanaşı, heç bir əsas olmadan əlillik dərəcəsi təyin edilməsini istəyənlər də olub. Təkrar komissiya zamanı bundan əvvəl saxta əlillik dərəcəsi almış şəxslər də müəyyən olunub.

Vətəndaşlardan biri qulağına səs gəldiyini, onu çağırdıqlarını deyərək əlillik dərəcəsi aldığını bildirib. Suallar zamanı o heç yerdə işləmədiyini desə də, “Azsığorta” şirkətində anbardar işlədiyi məlum olub.

Twitter

Müşahidələr göstərir ki, bəzi fiziki və hüquqi şəxslər tərəfindən yük avtomobilləri oxa düşən kütlə parametrlərinə dair tələblər pozulmaqla normadan artıq yüklənir və bu formada ümumi istifadədə olan avtomobil yollarında idarə edilir.

Daxili İşlər Nazirliyinin Baş Dövlət Yol Polisi İdarəsindən verilən məlumata görə, belə hallar inzibati xəta tərkibi yaratmaqla yanaşı nəqliyyat vasitələrinin hərəkəti zamanı avtomobil yoluna və yol qurğularına zərər dəyməsinə, yol örtüyünün və yolun mühəndis konstruksiyasının zədələnməsinə səbəb olur.

Bununla yanaşı, avtomobil yollarında yüklərin daşınmasında texniki cəhətdən nasaz və istismara yararsız nəqliyyat vasitələrindən də istifadə edilir ki, həmin avtomobillərdə nasazlıq yarandığı zaman yol kənarlarında və ya yolların hərəkət hissəsində saxlanılmaqla hərəkətin intensivliyinə maneçilik yaradır və digər hərəkət iştirakçılarının həyat və sağlamlığına ciddi təhlükə törədir.

Azərbaycan Avtomobil Yolları Dövlət Agentliyi və Daxili İşlər Nazirliyinin Baş Dövlət Yol Polisi İdarəsi yükdaşıma fəaliyyəti ilə məğul olan fiziki və hüquqi şəxslərdən yüklərin daşınması zamanı yükdaşıma normalarına və təhlükəsizlik tədbirlərinə riayət olunmasını xahiş edir.

Həmçinin bildiririk ki, bu sahədə inzibati xətalara yol vermiş şəxslərin barəsində ciddi inzibati tənbeh tədbirləri görüləcək.

Twitter