 |
|
Azərbaycan Respublikasının Fövqəladə Hallar Nazirliyi işğaldan azad edilmiş ərazilərimizdə yerli strukturların təşkilini davam etdirir.
Fövqəladə Hallar Nazirliyindən verilən məlumata görə, FHN-in Dövlət Yanğından Mühafizə Xidmətinin Şuşa şəhər, Cəbrayıl, Zəngilan və Qubadlı rayon Dövlət Yanğından Mühafizə hissələri müvafiq olaraq Şuşa, Cəbrayıl, Zəngilan və Qubadlı şəhərlərində fəaliyyətə başlayıb.
Bütün hissələr xidmətin yüksək səviyyədə həyata keçirilməsi üçün müvafiq texnika və avadanlıqlarla təchiz edilib.
Xatırladaq ki, bundan əvvəl Dövlət Yanğından Mühafizə Xidmətinin Füzuli şəhəri və Xocavənd rayonunun Hadrut qəsəbəsində yerli strukturları fəaliyyətə başlamışdı.
Azərbaycanın Respublikasının Dağlıq Qarabağ bölgəsində dislokasiya olunan Rusiya sülhməramlı qüvvələrinin vasitəçiliyi və iştirakı ilə Şuşa şəhəri ətrafındakı döyüş meydanında həlak olan hərbi qulluqçuların bir neçəsinin cəsədlərinin toplanılması həyata keçirilib.
Bu barədə Azərbaycan Müdafiə Nazirliyindən məlumat verilib.
Bu humanitar aksiya çərçivəsində Ermənistan silahlı qüvvələrinin hərbi qulluqçularının cəsədləri toplanaraq Ermənistan tərəfinə təhvil verilib.
Həmçinin, aksiya çərçivəsində Şuşa şəhəri ətrafında gedən döyüşlərdə şəhid olan Azərbaycan Ordusunun altı hərbi qulluqçusunun cəsədi təhvil alınıb.
Humanitar aksiya Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin 10 noyabr 2020-ci il tarixli Bəyanatının səkkizinci bəndinə uyğun olaraq həyata keçirilib.
Bu humanitar aksiyanın təşkilinə görə Rusiya Federasiyasının Müdafiə Nazirliyinə və şəxsən Müdafiə naziri ordu generalı Sergey Şoyquya minnətdarlığımızı bildiririk.
Bu gündən noyabrın 16-dək Bakıda və daha bir neçə şəhər-rayonda ictimai nəqliyyat işləməyəcək. Sərtləşdirilmiş xüsusi karantin rejiminin tətbiq olunduğu Bakı, Sumqayıt şəhərləri və Abşeron rayonunda həftəsonu ictimai nəqliyyat işləməyəcək.
Bu barədə Nazirlər Kabineti yanında Operativ Qərargah qərar qəbul edib.
Qərara əsasən, 14 noyabr saat 00:00-dan 16 noyabr saat 06:00-dək Bakı, Sumqayıt şəhərləri və Abşeron rayonunda ictimai nəqliyyatın hərəkəti dayandırılır.
Bundan başqa, "Xüsusi karantin rejimi ilə bağlı əlavə tədbirlər barədə" qərara edilmiş dəyişikliyə əsasən, Gəncə, Yevlax, Mingəçevir, Şirvan şəhərlərində və Göygöl, Samux, Sabirabad, Ağstafa rayonlarında da 14 noyabr saat 00:00-dan 16 noyabr saat 06:00-dək ictimai nəqliyyat işləməyəcək.
Qeyd edək ki, Bakı Metropolitenində sərnişindaşıma fəaliyyəti də dekabrın 1-dək dayandırılıb.
Koronavirusu burun-boğaz yollarında cəmi 5-10 dəqiqəyə 90% məhv edən bitki vasitəsi təyin olunub.
Almaniyanın Virusologiya Mərkəzi bunu elmi tədqiqatlarının nəticəsində elan ediblər. Alimlər sübut edib ki, nar şirəsi, yaşıl çay və böyürtkən suyu ilə boğazı qarqara etmək və içmək selikli qişalarda olan virusu yerindəcə öldürür.
Elmi tədqiqatda virus zərrəciklərini bu təbii vasitələrlə qarışdırıb, otaq havasında saxlayıblar. 10 dəqiqədən sonra şirələrdə virusun nə qədər qalması ölçülüb.
Bu şirə və yaşıl çayın içində virusların 80-90 faiz məhv olduğu aşkarlanıb. Ona görə də bu vasitələri hər gün istifadə edin. Xüsusən nar Azərbaycanda yetişir və boldur. /medicina.az
"Şuşanın erməni işğalından azad olunması xəbərini ilk mənə deyən şəxsə muştuluq olaraq yüksək məbləğdə pul mükafatı verdim."
Bunu Unikal.org-a açıqlamasında Şuşa Şəhər İcra Hakimiyyətinin başçısı Bayram Səfərov bildirib.
"Bu xəbərə çox sevindim. Ən böyük arzum Şuşa şəhərini gedib görməkdir. Hələ o torpaqlara gedə bilməmişəm. İnşaallah yaxın zamanlarda gedərəm. Bu xəbəri eşidəndə sevincimin həddi-hüdudu yox idi. Söz verdiyim kimi bu xəbəri mənə ilk deyən şəxsə pul mükafatı verdim".
Noyabrın 13-də Milli Məclisin intizam komissiyasının iclası keçirilib.
Milli Məclisin mətbuat və ictimaiyyətlə əlaqələr şöbəsindən bildiriblər ki, iclasda deputat Könül Nurullayeva barəsində intizam tədbirinin tətbiqi məsələsinə baxılıb. Qeyd olunub ki, noyabrın 12-də Türkiyənin TV Net telekanalına müsahibə verən K.Nurullayevanın canlı yayımda səsləndirdiyi fikirlər Azərbaycanın dövlət siyasətinə ziddir, Azərbaycan cəmiyyətinin və Milli Məclisin mövqeyini əks etdirmir.
Ermənilərin Qarabağa vurduğu ziyanla bağlı dəyərləndirmə aparılaraq Ermənistandan təzminat istənilməsi barədə suala cavab verən Könül Nurullayeva deyib ki, bu gün Ermənistanın iqtisadiyyatı tam çöküb, xarici borcları artıb, sosial təminat sahəsində fəlakətli durum yaranıb və bu durumda Azərbaycana təzminat verilməsi önəmli deyil.
Komissiyanın üzvləri qeyd ediblər ki, son 200 ildə müntəzəm olaraq Azərbaycan xalqına qarşı təcavüz aktları həyata keçirən, torpaqlarımıza göz dikən, 30 il Dağlıq Qarabağ bölgəsini və ətraf rayonları işğalda saxlayan, həmin ərazilərdə dəhşətli dağıntılar törədərək Azərbaycan insanlarına və ölkənin iqtisadiyyatına, tarixi, mədəni, dini obyektlərimizə milyardlarla manatlıq ziyan vuran, Xocalı soyqırımını törətmiş olan Ermənistandan təzminat tələb etmək bizim haqqımızdır və belə bir prosedur beynəlxalq hüquqda təsbit olunub.
Bildirilib ki, Vətən müharibəsi ilə, xalqımızın ümdə hüquqları ilə bağlı çıxışlarında hər bir deputat məsuliyyət hissini rəhbər tutmalı, Azərbaycanın milli maraqlarını mütləq nəzərə almalıdır.
Müzakirələrin yekununda intizam komissiyası deputat Könül Nurullayeva barəsində töhmət intizam tədbirinin tətbiq edilməsi haqqında qərar qəbul edib.
Akademik Milli Dram Teatrının aparıcı səhnə ustası, Xalq artisti Əli Nurun oğlu İkinci Fəxri Xiyabanda dəfn ediləcək.
Bu barədə "Ölkə.Az"-a teatrın truppa müdiri Elnur Məmmədov məlumat verib:
"Dəfn mərasimi yaxın saatlarda başlamalıdır. Ancaq dəqiq vaxtı biz də bilmirik. Çünki cənazə hələ yoldadır".
Qeyd edək ki, Xalq artisti Əli Nurun oğlu, baş leytenant Rövşən Nurzadə noyabrdın 6-da Şuşa uğrunda gedən döyüşlərdə şəhid olub.
Bakı şəhər İcra Hakimiyyətinin keçmiş başçısı, baş nazirin sabiq müavini Hacıbala Abutalıbovun qardaşının ölüm səbəbi məlum olub.
"Ölkə.Az"ın əldə etdiyi məlumata görə, keçmiş məmurun qardaşı Osman Abutalıbov kornavirusdan vəfat edib.
Qeyd edək ki, Osman Abutalıbov uzun illər tikinti biznesiylə məşğul olub.
Akademik Milli Dram teatrının aktyoru, Xalq artisti Əli Nurun oğlu, baş leytenant Rövşən Nurzadə Şuşa uğrunda gedən doyüşlərdə şəhid olub.
Bu barədə sözügedən teatrın aktrisası, əməkdar artist Sənubər İsgəndərli məlumat verib.
Allah rəhmət eləsin!
.jpg)
Azərbaycan Dövlət Neft Şirkəti (SOCAR) İkinci Qarabağ müharibəsində şəhid olmuş əməkdaşlarının ailələrinə minimum əmək haqqının 40 misli həcmində yardımlar veriləcək.
Bu barədə SOCAR-dan məlumat verilib.
Bildirilib ki, müharibədə əlil olmuş işçilərə isə SOCAR üzrə minimum əmək haqqının 20 misli həcmində birdəfəlik yardımlar ediləcək.
“Böyük Qələbənin əldə olunması üçün bir çox həmkarımız qəhrəmancasına şəhid olub. Allahdan onlara rəhmət diləyir, onlarla fəxr edirik”, - deyə məlumatda bildirilir.