 |
|
Xalq artisti Arif Quliyev bu gün dəfn edilir.
Qeyd edək ki, Xalq artisti koronavirusa yoluxmuşdu. Onun ağ ciyərinin 90 faizi zədələndiyi üçün bir neçə gün idi süni tənəffüs aparatına qoşulmuşdu.
Baku TV-nin videosunu təqdim edirik:
Xalq artisti Arif Quliyev vəfat edib.
Bu barədə onun yaxınları məlumat yayıb.
Qeyd edək ki, bir müddət əvvəl koronavirusa yoluxan Xalq artisti "Yeni Klinika"da müalicə olunurdu.
Mərhum aktyor süni tənəffüs aparatına qoşulmuşdu.
Onun ağ ciyərlərinin doxsan faizi buzlaşmışdı. Sosial mediada xəstəxanadan onun ağır vəziyyətdə olduğunun görüntüləri yayılmışdı.
Allah rəhmət eləsin!
Ötən gecə əməkdar artist Ağadadaş Ağayevin ölüm xəbəri yayılıb.
Hacı Nuran bu xəbərlərdən sonra Türkiyədə müalicə alan sənətçini ziyarətə gedib. O, sosial media hesabında Ağadadaş Ağayevlə fotolarını paylaşaraq vəziyyətinin yaxşı olduğunu yazıb:
"İnsanın hissləri ilə oynamaq olmaz! Reytinq naminə kiminsə milyonlarla pərəstişkarını, ailəsini üzmək olmaz! Bir çox saytlar Ağadadaş Ağayevin ölüm xəbərini tirajlayır. Hazırda onun yanındayam. O bu xəbərlərə baxıb gülür. Amma gözlərinin dərinliyində təəssüf hissi olduğunu görürəm. Ürək-dirək verir, fikir verməməyi xahiş edirəm. Bəzi sayt rəhbərlərinə bildirim ki, Ağadadaş Ağayev sağ-salamatdır və hazırda müalicəsi də davam edir. Həyat yoldaşı da, mən də yanındayıq. Narahatlığa heç bir əsas yoxdur".
Müğənni Aslan Hüseynovun qəzaya düşdüyü avtomobilin görüntüləri yayılıb.
Videoda ilk diqqəti çəkən A.Hüseynovun idarə etdiyi BMV markalı avtomobilin sürücü hissəsindən alın şüşəsinin çatlamasıdır. Bu isə onu ehtimal etməyə əsas verir ki, toqquşmanın sürətindən sürücünün başı ön şüşəyə dəyib və bu da müğənninin dünyasını dəyişməsinə səbəb olub.
Mümkündür ki, müğənni təhlükəsizlik kəmərindən istifadə etməyib. Buna baxmayaraq, bu görüntülərdə ən çox diqqəti çəkən təhlükəsizlik yastıqlarının açılmamasıdır.
Belə ki, BMV ən təhlükəsiz maşınlardan biri hesab olunur. Bu qədər böyük zərbə zamanı mütləq təhlükəsizlik yastıqları açılmalı idi. Avtomobilin sükanın üstündə olan təhlükəsizlik yastığı hətta yerini də dəyişib, ancaq qəribədir ki, açılmayıb. Böyük ehtimalla təhlükəsizlik yastıqları açılsaydı, müğənninin həyatını xilas edəcəkdi.
Qeyd edək ki, Aslan Hüseynov ötən gün Gəncədən, anasının 7 mərasimindən qayıdarkən Qaradağ rayonu ərazisində, Bakı-Qazax yolunun 60-cı kilometrliyində qəzaya düşüb və dünyasını dəyişib.
Azərbaycan Yazıçılar Birliyinin birinci katibi, xalq şairi Fikrət Qoca vəfat edib.
Fikrət Qoca 85 yaşında dünyasını dəyişib.
Azərbaycan Yazıçılar Birliyinin Mətbuat Xidmətinin rəhbəri Xəyal Rza "Report"a faktı təsdiq edib.
Qeyd edək ki, Fikrət Qoca 1935-ci il avqustun 25-də Ağdaş rayonunun Kotanarx kəndində anadan olub. 1964-cü ildə Moskvada Maksim Qorki adına Ədəbiyyat İnstitutunu bitirib.
Əsərləri 1956-cı ildən mətbuatda çap edilir. Azərbaycan Radio və Televiziya Verilişləri Komitəsində, "Azərbaycan gəncləri" qəzetində, "Azərbaycan" jurnalında fəaliyyət göstərmiş, Azərbaycan Yazıçılar Birliyinin beynəlxalq əlaqələr üzrə məsul katibi olub. 1987-ci ildən "Qobustan" incəsənət toplusunun baş redaktoru idi. 1998-ci ildən Azərbaycan Yazıçılar Birliyinin birinci katibi idi.
1990-cı illərdə yazdığı "Oddan keçənlər", "İnsan səviyyəsi", "Adi həqiqətlər" və s. poemalarında Azərbaycanda gedən azadlıq mübarizəsindən bəhs olunur. Onun bir sıra nəsr əsərləri də var. "Ölüm ayrılıq deyil" (1990), "Hələlik, - qiyamətədək" (2000) povestlərində 1990-cı ilin 20 Yanvar hadisələri əksini tapıb.
Mixail Lermontov, Taras Şevçenko, Eduard Mejelaytis, İ.Volker, X.Risal, İ.Taufer və başqalarından tərcümələri var. Əsərləri bir sıra xarici dillərə tərcümə olunub.
Gənclərin qəhrəmanlıq və fədakarlığından bəhs edən "Təkərlər geri fırlanır", "Yaralı çiçəklər" və "Rəssam düşünür" poemalarına görə 1968-cı ildə Azərbaycan komsomolu mükafatına, 1990-cı illər yaradıcılığına görə "Humay" mükafatına (1998) layiq görülüb. Azərbaycan Respublikasının "Şöhrət" ordeni ilə təltif olunub.
ARB TV-nin “Onun Sirri” verilişinin növbəti qonağı aparıcı Zaur Kamal olub.
İllər öncə ona hədiyyələr alan xanımdan danışan məşhur aparıcı qadınlara pul xərcləmədiyini deyib:
“Gürcüstanlı bir ailənin qızı vardı. Dinləyicim idi, hər gün efirə zəng edirdi. Bir gün məni evlərinə qonaq çağırdı. Qardaşımla getdim. Gördüm ki, qızın mənə sevgisi var. Mənə ayaqqabı, telefon, nömrə aldı. Boşanmış xanım idi. Məndən gizlətmişdi. Yalanın üstü açılanda ondan soyudum. Aldığı telefon nazik “Nokia” markası idi. Bir gün nömrəmdə problem oldu. Mobil operatora zəng vurub aydınlaşdırmaq istədim. Məlum oldu ki, nömrəni başqası götürüb. Telefonu, ayaqqabını əlimdən ala bilmədi. Ona görə nömrəni aldı. Ondan sonra kiminsə mənə hədiyyə almağını sevmədim. İndiyədək nə etmişəmsə, özüm etmişəm. Qadınlara pul xərcləməmişəm. Elə adamın da yanında olmamışam ki, məndən istifadə etsin”.
Əməkdar artist Mətanət İsgəndərli və oğlu Kərim COVİD-19 virusuna yoluxub.
"Bakupost.az xəbər verir ki, o, hazırda Moskvada xəstəxanaların birində müalicə olunur.
Məlumata görə, müğənninin vəziyyəti ağırdır.
Müğənninin keçmiş gəlini Canana qafqazinfo-ya bildirib ki, beş gün əvvəl qayınanası və eks-ərində “COVID-19” aşkarlanıb:
“Beş gün əvvəl yoluxublar. Əvvəl evdə müalicə alırdılar. Dünən Mətanət xanımın halı pisləşdi. Bronxlarında problem var, boğulmalar baş verir. Kərimlə əlaqə saxladım, mənə dedi ki, təcili tibbi yardım çağıraraq xəstəxanaya aparıblar. Dodaqları göyərib, vəziyyəti ağırdır, reanimasiyaya yerləşdirilib. Kərimin isə hərarəti 39-a çatır, o da xəstəxanadadır”.
Xəbər verdiyimiz kimi, sosial şəbəkələrdə şəhid Xudayar Yusifzadə haqqında status paylaşan Fuad Rəsulzadə adlı şəxs ötən gün küçədə döyülüb.
"Ölkə.Az" xəbər veirr ki, məsələ ilə bağlı azxeber.com-a açıqlama verən şəhid Xudayarın qardaşı Məhəmməd Yusifzadə deyib ki, o adamı haqlı olaraq döyüblər:
"Şəhid haqqında bu cür status yazanda bilmirdi ki, onu nələr gözləyir? Döyüblər, yaxşı ediblər, əlləri dərd görməsin. Onu döyənlər də elə Xudayarı sevənlər, Xudayarın qardaşları olub. Onun haqqı idi bu cür vəziyyətə düşmək. Şəhidlərimiz haqqında bu cür fikirlər bildirmək olmaz. Onlar vətən uğrunda canlarından keçiblər”.
Məhəmməd Yusifzadə qeyd edib ki, cəzalandırılması lazım olan şəxs elə Xudayar haqqında bu cür sözlər yazan adamdır:
"Onu döyənləri cəzalandırmaq lazım deyil. Hər gün küçələrdə mənasız davalar olur, bəs onlar niyə cəzalandırılmır?
Cəzalandırılması lazım olan adam elə o statusu yazandır. Həmin statusu yazdığı vaxt o, qanunla cəzalandırılmalı idi. Bütün şəhidlər bizim qardaşlarımızdır. Onlara qarşı belə hərəkətlər etmək olmaz”.
Məhəmməd Peyğəmbər (s.ə.s) buyurmuşdur ki, “Vətəni sevmək imandandır”..
Bu mənada bir Azərbaycanlı kimi qürur duyuram ki, bizim gənclərdə bu sevgi bütövdür, tamdır.
Xüsusən yaşından asılı olmayaraq insanlarımızın istər sosial mediadan, istər məqalələrindən, istər kitablarından şəhidlərimiz haqqında yazdıqları fərəhləndirici sözlər indiki gəncliyə qibtə etməmizə əsas verir. Qibtə edirəm ona görə ki, mərd oğullarımız gənc yaşlarından vətənə, torpağa, millətə olan dərin sevgisini azad, sərbəst şəkildə ifadə etmək imkanına malikdirlər. Qürur duyuram ki, gənclərimiz onlara əminamanlıq bəxş etmiş, vətən yolunda şəhid olmuş oğul və qızlarımızın xatirəsini əbədiləşdirmək yolunda imkanları müqabilində cəhd göstərir və buna nail də olurlar. Elə bu yaxınlarda, bu ali sevginin 44 günlük Şərəfli Qarabağ Zəfər tariximizi yazan mərd, şücaətli Azərbaycan oğullarının, Ali Baş Komandanımızın rəhbərliyində müzəffər Azərbaycan Ordumuzun timsalında da qürurla şahidi olduq.
Keçirdiyimiz hər gün tarixə dönür. Tarixə yazılan günlərin hamısı yaddaqalan olmur. Elə günlər var onlar unudulub gedir, elələri də var ki, onlar heç vaxt unudulmur, yaddan çıxmır. Belə günləri unudulmaz edən qəhramanlardandır şəhidlər. Çünki, bu dünyada hamımıza bəxş olunan bir ömür payı var. Ömür yolunu müəyyən müddət sonra başa vuracağıq. Bu mənada insanın bu dünyaya, bu həyata ən gözəl şəkildə əlvida deməyinin adıdır şəhid olmaq.
Bu gün cənnətdə ilk doğum günü olan elə Ağdamlı Şəhid Leytenant Fərid Məmmədov kimi..
Məhz Allah, vətən və millət yolunda öz istəyi ilə canından keçməyə razı olan insanların fəth elədiyi ən yüksək, şərəfli zirvədir şəhid olmaq, Şəhid Leytenant Fərid Məmmədov fəth etdiyi ali zirvə ...
Sentyabrın 27-dən noyabrın 9-dək davam edən Vətən müharibəsi tariximizin şanlı səhifəsidir. Müzəffər Ali Baş Komandan İlham Əliyevin rəhbərliyi altında rəşadətli Azərbaycan Ordusunun qazandığı Qələbə xalqımızın yenilməzliyini bütün dünyaya nümayiş etdirdi. Torpaqlarımızın yağı düşməndən azad edilməsi, ölkəmizin ərazi bütövlüyünün bərpa olunması uğrunda şəhid olmuş Leytenant Fərid Məmmədov kimi Vətən övladları bu müqəddəs savaşın əbədiyyətədək yaşayacaq qəhrəmanlarıdır.
Bu savaşın ilk günündən yüzlərlə vətənpərvər Azərbaycan gənci könüllü olaraq cəbhəyə getmək üçün müraciət etdi. Belə gənclərdən biri də canı, qanı ilə yaşadığı torpağa, Vətənə bağlı olan Fərid Məmmədov idi.
Tarix boyu inanan millətləri zəfərdən zəfərə aparan səbəb də vətənə xidmət etmək və şəhid olmaq arzusu olmuşdur. Canlarından keçməklə xalqın qəhrəmanlıq dastanını, azadlığını canı ilə qazanıb qanı ilə yazanlardır şəhidlər. Məhz onların canı və qanı hesabına azad edilən Qarabağımızdaki o şücaət heç vaxt unudulmur və unudulmayacaq. Ona görə ki, şəhidlər xalqın kimliyini, mənliyini qoruyan insanlardır. Onlar bir xalq qəhrəmanı olaraq zəncirləri qıraraq, zülmətləri yararaq, xalqı işıqlı sabaha aparan, ölümləri ilə ölməzlik qazanan əbədiyyətə qovuşmuş bəxtiyar insanlardır. Ölüm əslində yoxluq və heçlik deyil. Əbədi diyara səfərdir.
Bəli, bu gün ölkəmiz müstəqildir, azaddır və firavandır. Əlbəttə ki, bu azadlıq və firavanlıq onların qəhrəmanlığı bahasına başa gəlib. Bu gün Azərbaycan dünyanın inkişaf edən ölkəsidirsə və bu inkişaf göstəriciləri ilə dünyanın diqqətini cəlb edə bilirsə, təbii ki, bütün bunlar qəhrəman oğul və qızlarımızın canlarını fəda edərək qazandığımız müstəqilliyimizin və bu gün ölkəmizdə Ulu Öndər Heydər Əliyev Siyasi kursunun davamçısı möhtərəm liderimiz, cənab prezident İlham Əliyev tərəfindən həyata keçirilən düzgün, məqsədyönlü siyasətin nəticəsidir.
Şəhid Leytenant Məmmədov Fərid Vəlhəd oğlu bu gün onun mqəddəs doğum günüdür... Cənnətdəki ilk və dəyişilməyəş yaşın mübarək Cənab Leytenant!
Şəhid Leytenant Məmmədov Fərid Vəlhəd oğlu 29.04.1990-cı il Bakı şəhərində anadan olmuşdur. 1997-2008-ci illərdə Abşeron rayonu Xırdalan şəhər 2 nömrəli tam orta məktəbdə rus bölməsində təhsil almışdır. 2008-2010-cu illərdə Müdafiə Nazirliyinin Hərbi hava və hava hücumundan müdafiə qoşunlarında əsgərlikdə olmuşdur. 2010-2016-cı illərdə DİN - Daxili Qoşunlarında müddətdən artıq hərbi xidmət qulluqçusu kimi işləmişdir. 2013-cu ildə paradda iştirak etmişdir. "Silahlı Qüvvələrin yaranmasının 100 illiyi" yubiley medalı, "Qüsursuz xidmətlərə görə 3-cü dərəcəli" medalı (10il) və "Daxili Qoşunların Yaranmasının 20 illiyi" yubiley döş nişanı ilə təltif olunmuşdur. Əslən Qarabağ bölgəsindəndir (Ağdam rayonu Xıdırlı kəndi)2017-ci ilin yanvar ayından Müdafiə Nazirliyində gizir hərbi rütbəsi ilə hərbi xidmətini davam etdirmişdir. 2014-2019-cu illərdə Bədən tərbiyə və idman Akademiyasında ali təhsil almışdır (qiyabi). 2019-cu ilin dekabr ayında leytenant ilk zabit hərbi rütbəsini almışdır. 2020-ci ilin oktyabr ayının 6-da cəbhənin Füzuli-Cəbrayıl istiqamətlərinə ezam olunmuşdur.
Əslən Ağdamın Xıdırlı kəndindən olan Şəhid Leytenant Fərid Məmmədov, oktyabr ayının 25-də cəbhədə Füzuli-Xocavənd istiqamətlərində Qarabağ uğrunda gedən döyüşlərdə, döyüş tapşırıqlarını həyata keçirərkən şəhid olmuşdur.
Başın Sağ Olsun, VƏTƏN!
Onun yoxluğunu qəbul etmək və bu fikrə alışmaq valideynləri qədər əzizləri, yaxınları və dostu Cavidan başda olmaqla hər kəs üçün ağır oldu.
Fəridin ən yaxın dostlarının fikrincə, şəhid olmağı Fərid özü arzuladı, bu onun seçimi idi!
Yaxın dostunun sözlərilə, “Fərid ona verilmiş ömür payını bizim dinc yaşamağımız üçün bağışlayaraq vətənə xidmət yolunda şəhidlik zirvəsinə ucaldı. Sübut etdi ki, vətən və torpaq sevgisi hər şeyin fövqündə dayanır. Bu isə hər kəsə qismət olmur. Çünki şəhidlik adi ölüm deyil. O, özünün müqəddəs statusu ilə gələcək nəsillərə dayaq və nümunə olacaq. Fərid hər kəsə nəsib olmayan zirvəyə, vətən sevgisinin ən uca zirvəsinə - ŞƏHİDLİK ZİRVƏSİNƏ yüksəldi.
Yerin behişt, qəbrin nurlu olsun, əziz dostum, cənab Leytenant Fərid Məmmədov!”
Azərbaycan Respublikasının Prezidenti Ali Baş Komandanımız Cənab İlham Əliyevin çıxışında bildirdiyi kimi: “Bizim ordumuzda minlərlə, on minlərlə Mübariz kimi, Fərid kimi qəhrəmanlar vardır. Onlar Ali Baş Komandanın əmrini gözləyirlər. Onlar öz doğma torpaqlarını azad etmək üçün hər an hazırdırlar. Bizdə nəinki böyük sayda silah-sursat, hərbi-texnika, döyüş imkanları vardır, eyni zamanda, ordumuzda böyük ruh yüksəkliyi vardır. Çünki bizim işimiz haqq işidir. Biz heç bir ölkənin torpağını zəbt etməmişik. Bizim torpaqlarımız uzun illərdir ki, işğal altındaydı. Bizim heç bir başqa dövlətin torpağına iddiamız yoxdur. Amma öz torpağımızdan heç kimə bir qarış verməyəcəyik. Biz öz ərazi bütövlüyümüzü bərpa edirik. Mübarizlə, Fərid başqa ölkənin ərazisində həlak olmamışlar, öz doğma torpağında şəhid olmuşlar”.
“Qüdrətli Azərbaycan tarixi qələbə qazandı”
Bəli, Leytenant Fərid Məmmədov başda olmaqla, Azərbaycanımızın igid oğulları Azərbaycan Ordusunun Ali Baş Komandanının əmri ilə, Azərbaycanın 30 ildir işğal altında olan torpaqlarını azad elədi.. Mərdliklə, cəsarətlə, şücaətlə...
10 noyabr tarixi Azərbaycan tarixinə qələbə günü kimi daxil oldu..
Həm hərb meydanında, həm də siyasət masasında, Azərbaycan bütün dünyaya özünün hərbi və siyasi gücünü sübut edərək tarixi ZƏFƏR qazandı.
Tarixin hər hansı bir zaman kəsiyində müəyyən bir millətin başını göylərə ucaldan və ya onun şərəfini qoruyan insanlar - həmin millətin tarixini yaradanlardır, elə Cənab Leytenant Fərid Məmmədov kimi. İnsan Tanrının ən böyük yaranmışıdır. İnsan öz ömrünü adi bir həyat tərzi kimi də yaşaya bilər, heç bir iz qoymadan dünyadan gedər. Amma, elə insanlar da var ki, qısa bir ömür yaşayır, lakin unudulmaz əməlləri ilə əbədiyyətə qovuşur. Özündən sonrakı nəsillərə örnək olur, vətəni, torpağı, milləti bütün insanlara sevdirməyi öyrədir.
Bir anın içərisində ən böyük qəhrəmana çevrilir, bugünün, dünənin və sabahın qəhrəmanı – Leytenant Fərid Məmmədov kimi insanlığa örnək olur.
Yaşadığı torpağa, ailəyə, el-obaya şərəf gətirir, adı gələndə hamı baş əyir.
Mübariz İbrahimov, Polad Həşimov, Fərid Məmmədov, İlqar Mirzəyev, Anar Novruzov, Namiq Əhmədov, Rəşad Mahmudov, Yaşar Babayev, İlqar Zeynalllı, Vüqar Sadıqov, Elşad Məmmədov, Elçin Mustafazadə, Xəyyam Daşdəmirov və Nazim İsmayılov.. Onlar və onların qismində minlərlə şəhidlərimiz məhz bir anda vətənin – Qarabağ torpaqlarımızın azadlığı uğrunda mübarizədə xalqının, millətinin dilləri əzbəri oldular. Bir anda millətinin Qəhrəmanına çevrildilər. Şəhidlik zirvəsinə ucalmaqla ölümsüzləşdilər. Vətən uğrunda mübarizə aparmış belə qürurduyulası, fəxr ediləsi qəhrəmanlarımız minlərlədir. Hər birinin döyüş yolu bir əfsanə, bir dastan, bir tarix...
Leytenant Fərid Məmmədov və onun timsalındakı oğullarımız - bu igidlər qısa bir ömür yaşadılar, əsl vətən oğlunun çətin məqamlarda edə biləcəyi son borcu şərəflə yerinə yetirdilər. Onlar şəhid oldular - gözlərini qırpmadan, dizləri titrəmədən, əlləri əsmədən, ürəyində qorxu xofu yaranmadan. Onlar bilirdilər ki, arxada Vətən - Azərbaycan yaşayır. Şəhid qanları ilə suvarılan vətənin hər qarışı müqəddəsdir.
Azərbaycan gəncinin millətinə, dövlətinə və torpağına bağlılığının bariz nümunəsi, vətənpərvərliyi ilə gələcək nəsillərə örnək olan əslən Ağdamın Xıdırlı kəndindən olan Şəhid Leytenant Fərid Məmmədov da 44 günlük Qarabağ Zəfər Tariximizi yazaraq digər qəhrəmanlarımız kimi onlar tərəfindən azad olunmuş torpağına Ağdama şəhid kimi qayıtdı.
Şəhidlik əbədiyyət zirvəsidir. Ağdamın Xıdırlı kəndindən olan Şəhid Leytenant Fərid Məmmədov artıq doğma kəndinin, rayonunun deyil, bütün Azərbaycanın qəhrəman oğludur. Onun əziz xatirəsi çalışdığı kollektivdə də daim ehtiramla yad ediləcək. İş yoldaşlarının şəhid olması xəbərini üzüntü ilə qarşılayan kollektivin hər bir üzvü eyni zamanda, Fəridin dostları belə cəsur, vətənsevər bir gənclə qısa müddət də olsa bir yerdə çalışdıqları və onun dostları olduqları üçün qürur hissi keçirirlər.
Ağdamlı Şəhid Leytenant Fərid Məmmədov yağı düşmən üzərində Qələbəni görə bilməsə də, bu gün ruhu şaddır. Çünki uğrunda canını verdiyi yurd yerlərimiz artıq tamamilə azaddır.
Bəli, Vətən torpağı şəhidləri ilə ucalır. Qəbrin nurla dolsun, əziz şəhidim Cənab Leytenant Fərid Məmmədov!
“Arif Quliyev süni tənəffüs aparatındadır, intensiv müalicəsi davam edir”.
Bunu APA-ya açıqlamasında “Yeni Klinika”nın reanimasiya şöbəsinin müdiri Emil Qasımov deyib.
O, aktyorun vəziyyətinin ağır stabil olduğunu bildirib.
Qeyd edək ki, koronavirus infeksiyasına (COVID-19) yoluxan Xalq artisti bir neçə gün əvvəl "Yeni Klinika"ya yerləşdirilib.