Türkiyənin Kocaeli vilayətində minik avtomobili yanaraq istifadə olunmaz vəziyyətə düşüb. Yol-xeber.az yerli KİV-ə istinadən xəbər verir ki, insident bu gün səhər saatlarında Çayırova rayonu ərazisindən keçən avtomagistralda qeydə alınıb.

Məlumata görə, sürücüsünün şəxsiyyəti müəyyənləşdirilməyən 34 FA 6002 qeydiyyat nömrə nişanlı minik avtomobili, hərəkətdə olarkən mühərrik hissəsindən tüstüləməyə başlayıb.

Tüstüləməni fərq edən sürücü avtomobili dərhal təhlükəsizlik zolağında saxlayıb və yanğınsöndürmə balonu ilə yanğına müdaxilə etməyə çalışıb. Hadisəni görən digər sürücülər də onun köməyinə gəliblər. Lakin, bu da alovları ram etməyə yetərli olmayıb. Vətəndaşlar yanğınsöndürmə bölmələrinə xəbər veriblər.

Bundan sonra avtomobildə kiçik partlayışlar olub və alovlar daha da böyüyüb. Yanğınsöndürmə bölmələri hadisə yerinə gələrək yanğını söndürüblər. Ancaq buna baxmayaraq maşın yararsız hala düşüb. Avtomobildən geriyə qalan dəmir konstruksiya, evakuatorun köməkliyi ilə ərazidən uzaqlaşdırılıb.

Polis faktla bağlı araşdırmalara başlayıb.

Twitter