Meksikada iki metro qatarının toqquşması nəticəsində azı 1 nəfər ölüb, daha 41-i xəsarət alıb. Yol-xeber.az xəbər verir ki, hadisə martın 10-da yerli vaxtla 23:30-da Mexiko şəhərində yerləşən Takubaya stansiyasında qeydə alınıb. Bu barədə “Universal” nəşri məlumat yayıb.

Nəşrin məlumatına görə, yaralılar xəstəxanalara çatdırılıblar. Onlar arasında qatarların 2 maşinisti də var.

Paytaxt prokurorluğu hadisə ilə bağlı təhqiqatlara başlayıb.

Digər təfərrüatlar barədə məlumat verilmir.

Twitter