Putinə qucaq, Kanada və Avropaya CƏBHƏ açır  - Trampdan yeni və çox sərt TƏHDİD

Avropa İttifaqı və Kanadaya qorxunc xəbərdarlıq: “ABŞ-a qarşı birləşsələr, ağır tariflər tətbiq olunacaq”
ABŞ Prezidenti Donald Tramp gecə saatlarında sosial şəbəkədə yaydığı bəyanatla Avropa İttifaqı və Kanadaya qarşı açıq təhdid səsləndirib. O, bu iki tərəf ABŞ-a iqtisadi zərər vermək üçün birləşərsə, “çox böyük miqyaslı tariflər” tətbiq ediləcəyini bəyan edib.

New York Times bu sitatı diqqətə çıxardır: “Əgər Avropa İttifaqı Kanada ilə birlikdə ABŞ-a iqtisadi zərər vurmaq üçün əməkdaşlıq edərsə, hər iki tərəfə qarşı hazırda planlaşdırılandan qat-qat böyük tariflər tətbiq olunacaq. Mən yalnız bu iki ölkənin tarix boyu sahib olduqları ən yaxşı dostu qorumaq istəyirəm – ABŞ-ı!”

Bu sərt açıqlama, artıq mövcud olan ticarət müharibəsinin yeni cəbhə qazanması deməkdir. Xatırladaq ki, Tramp administrasiyası son aylarda Avropa istehsalı olan polad, alüminium, avtomobil və bir sıra digər məhsullara tariflər tətbiq edib. Bu, Avropa İttifaqını çıxılmaz vəziyyətə salıb və İttifaq hazırda ABŞ-la ticarət gərginliyini danışıqlar yolu ilə aradan qaldırmağa çalışır.

Avropa Komissiyasının Ticarət üzrə nümayəndəsi Maroş Şefçoviç məsələ ilə bağlı bildirib: “Sonda necə deyərlər, bir əl ilə alqış tutmaq olmaz.” Bu isə Avropa tərəfinin ABŞ-ın birtərəfli mövqeyindən narazı olduğunu göstərir.

Digər tərəfdən, Trampın NATO və təhlükəsizlik məsələlərində verdiyi ziddiyyətli mesajlar Avropa İttifaqı ilə Kanadanı hərbi və iqtisadi baxımdan bir-birinə daha da yaxınlaşdırıb. Kanada artıq Avropanın silahlanma təşəbbüslərinə sənaye dəstəyi vermək üçün addımlar atır.

Hələlik Avropa Komissiyası Trampın təhdidlərinə rəsmi reaksiya verməyib. Lakin ABŞ-ın əsas ticarət tərəfdaşı olan Avropa İttifaqı üçün bu xəbərdarlıq ABŞ ilə əlaqələrin daha da gərginləşə biləcəyinə dair açıq siqnaldır.

Musavat.com-un topladığı məlumatlar göstərir ki, ABŞ-Avropa münasibətlərində gərginlik daha da artacaq.

04 Aprel 2025 10-dan çox ölkə Rusiyaya qarşı hərbi qüvvə hazırlayır
04 Aprel 2025 Rusiya uzunmüddətli qarşıdurmaya hazırlaşır - Kavoli
04 Aprel 2025 Türkiyədə çökmə nəticəsində ölənlər var
03 Aprel 2025 Azərbaycanın Trampın siyahısına düşməyi ölkəmiz üçün - Nəyi dəyişəcək?
03 Aprel 2025 Çin etiraz etdi, Argentina xoş qarşıladı - Trampın qərarına reaksiyalar
03 Aprel 2025 İran döyüş hazırlığına BAŞLADI - hava məkanı bağlanır, ordu HAZIR - Trampın İranı VURACAĞI TARİX budur
03 Aprel 2025 Netanyahu məhkəmə orderinə baxmayaraq Macarıstana GETDİ
03 Aprel 2025 Tramp dediyini etdi: Qlobal ticarət müharibəsi başladı - DÜNYA ŞOKDA
03 Aprel 2025 Türkiyə İsraillə bağlı beynəlxalq ictimaiyyətə çağırış edib
02 Aprel 2025 Putin Trampı xəyal qırıqlığına uğratdı
02 Aprel 2025 ABŞ İrana yeni sanksiyalar tətbiq etdi
01 Aprel 2025 İsrail Beyrutun ətraf ərazilərinə zərbə endirdi
01 Aprel 2025 Ərdoğanla Makron telefonla danışdı
01 Aprel 2025 İran Prezidentinin müşaviri Azərbaycanda səfərdədir
01 Aprel 2025 ABŞ İrana qarşı hərbi əməliyyat üçün son hazırlıqlara başladı
31 Mart 2025 Türkiyə MMN 31 Mart – Azərbaycanlıların Soyqırımı Günü ilə bağlı paylaşım edib
31 Mart 2025 Pendir formasında papaq taxdı
31 Mart 2025 Rusiya ilə yeni toqquşmaya hazırlıq: nüvə də nəzərə alınıb
31 Mart 2025 İmamoğlunun telefonu araşdırıldı - Digər şübhəlilərlə əlaqəsi olub
31 Mart 2025 Qrenlandiyadan Trampa cavab: Qorxmuruq!

Xəbər lenti