İlham Əliyev Novruz bayramı münasibətilə Azərbaycan xalqını təbrik edib

Prezident İlham Əliyev Novruz bayramı münasibətilə Azərbaycan xalqını təbrik edib.

Təbrikdə deyilir:

"Hörmətli həmvətənlər!

Sizi Novruz bayramı münasibətilə ürəkdən təbrik edir, hər birinizə bahar əhval‑ruhiyyəsi, cansağlığı və uğurlar arzulayıram.

Ulu əcdadlarımızın müqəddəs yadigarı olan Novruz bayramı müdrik Azərbaycan xalqının zəngin həyat fəlsəfəsini və nikbin dünyagörüşünü günümüzədək yaşadaraq milli-mənəvi varisliyin bariz nümunəsinə çevrilmişdir. Bu böyük el bayramı təbiətə məhəbbətin, ruhi paklıq və gözəlliyin, mərhəmət və xeyirxahlığın yüksək təntənəsidir. Ali ümumbəşəri dəyərlərin daşıyıcısı olduğu üçün o, dünya mədəni irsinin qiymətli nümunələri sırasında layiqli yer tutur.

Novruz bayramı milli təfəkkürümüzün ayrılmaz parçası kimi ənənəvi dəyərlərimizin formalaşmasında müstəsna rol oynamışdır. Ölkəmizi sivilizasiyaların qovuşuğundakı qədim mərkəzlərdən biri olaraq tanıtmış misilsiz mənəviyyat xəzinəmizdə Novruz mərasimləri xüsusi mövqeyə malikdir. Baharın gəlişinin əsrlərin yaddaşında iz qoymuş adətlərə uyğun şəkildə bu gün də rəngarəng el şənlikləri ilə Vətənimizin hər bir guşəsində geniş qeyd edilməsi tarixi-mədəni irsə bağlılığımızın parlaq ifadəsidir.

Cəmiyyətdə ünsiyyəti, qarşılıqlı səmimi münasibətləri dərinləşdirən və bizi azərbaycançılıq məfkurəsi işığında sıx birləşdirən Novruz bayramı milli həmrəyliyimizi getdikcə daha da möhkəmləndirir. Əminəm ki, bu həmrəylik duyğusu yaz fəslinin yeniləşdirici ab-havası və beşinci ildönümünə hazırlaşdığımız şanlı Zəfərin verdiyi mənəvi güclə vəhdətdə ümumxalq əhəmiyyətli bütün işlərimizin lazımi səviyyədə icrasını təmin edəcəkdir. Bayram sevincini işğaldan azad olunmuş əzəli torpaqlarımızda yaşayan soydaşlarımız əbədi qayıtdıqları öz dədə-baba yurdlarında aydın səma altında əmin-amanlıq içində daim şövqlə qurub yaradacaqlar.

Üzümüzə gələn Novruz bayramının hər evə, hər ocağa firavanlıq, səadət və bol ruzi-bərəkət gətirməsini diləyirəm.

Bayramınız mübarək olsun!"

04 Aprel 2025 Azərbaycan və Rusiya XİN rəhbərləri arasında məktub mübadiləsi olub
04 Aprel 2025 Üç qurum ləğv olundu - Sərəncam
04 Aprel 2025 İlham Əliyev qəbul keçirdi - Foto
04 Aprel 2025 Seyid Əzim Şirvaninin 190 illiyi qeyd ediləcək - Sərəncam
04 Aprel 2025 "Şərqi Zəngəzur və Qarabağ bölgələrində öz potensialımızı artırırıq" - Prezident
04 Aprel 2025 “Bu işi işğaldan azad edilmiş ərazilərdə aparırıq”
04 Aprel 2025 “Əlbəttə, bunun üçün bizə maliyyələşmə lazımdır” - Yenilənib
04 Aprel 2025 İlham Əliyevi təbrik etdi
04 Aprel 2025 “Azərbaycan xam neftin istehsalçısı və ixracatçısıdır”
04 Aprel 2025 Prezident “Gülüstan”​ sarayında iclasda iştirak edir
03 Aprel 2025 Prezidentə təbriklər gəlməyə davam edir
03 Aprel 2025 Qonaqpərvərliyə görə təşəkkür etdi - Fotolar
03 Aprel 2025 Biz Türk dünyasına qarşı aparılan hibrid müharibəsi ilə üz-üzəyik - AÇIQLAMA
02 Aprel 2025 Azərbaycan Prezidenti Ermənistan ilə sülh müqaviləsinin imzalanması üçün şərtləri açıqlayıb
02 Aprel 2025 Almaniya prezidenti Bakıdan paylaşım etdi
02 Aprel 2025 İlham Əliyev: Tam əminəm ki, bu səfər Azərbaycan-Almaniya əlaqələrinə yeni müsbət təkan verəcək
02 Aprel 2025 Azərbaycan və Almaniya prezidentləri mətbuata bəyanatlarla çıxış edirlər
02 Aprel 2025 İlham Əliyevin Almaniya Prezidenti ilə geniş tərkibdə görüşü başlayıb
02 Aprel 2025 Mehriban Əliyevanın Almaniyanın birinci xanımı ilə görüşü olub
02 Aprel 2025 Azərbaycan və Almaniya prezidentlərinin təkbətək görüşü başlayıb

Xəbər lenti