Ekspert: "Piyada keçidlərində işıqlandırmanın təmin edilməsi təhlükəsizliyi artıracaq"

2019-cu ildə Bakı şəhərində piyadaların vurulması ilə bağlı 334 fakt qeydə alınıb.

Yol-xeber.az "MediaPost"-a istinadən xəbər verir ki, bunu Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Vaqif Əsədov açıqlamalarının birində deyib. Onun sözlərinə görə, hadisələrin 58,7%-i piyada vurulmaları ilə bağlıdır ki, bu da çox ciddi narahatlıq doğurur: "Piyada vurulması ümumi hadisələr arasında 334 fakt təşkil edir ki, nəticədə 122 nəfər həlak olub, 229 nəfər isə xəsarət alıb".

Həmçinin V. Əsədov piyadaların vurulması ilə baş verən qəzaların daha çox piyada keçidlərinin ətrafında və işıqlandırılmayan yerlərdə baş verdiyinə diqqət çəkib.

 

Bakı Nəqliyyat Agentliyi (BNA) isə Bakının Üzeyir Hacıbəyov və Puşkin küçələrindəki piyada keçidlərinin əlavə işıq effektlərindən istifadə olunmaqla işıqlandırılmasına başlayıb. Həmçinin qurum qeyd edib ki, bu yenilik gələcəkdə digər yollarda xüsusən, ətraf kənd və qəsəbələrdəki yollarda da tətbiq ediləcək.

Bəs piyada keçidlərinin işıqlandırılmasının qəzaların və piyada ölümlərinin sayına təsiri necə olacaq?

Məsələ ilə bağlı açıqlama verən nəqliyyat üzrə ekspert Hüseyn Abdullayev bildirib ki, piyada keçidlərində ümumi şəhər işıqlandırmasından əlavə işıqlandırma olmalıdır:

Ekspert: Piyada keçidlərində işıqlandırmanın təmin edilməsi təhlükəsizliyi artıracaq

"Piyada keçidlərində ilk növbədə piyadanın yaxşı görüntüsünü təmin etmək vacibdir. Bir çox hallarda piyada keçidinin nişanını, zolağı daha görünən etmək istəyirlər. Lakin daha vacib məsələ keçidlə hərəhət edən piyadanı sürücünün daha yaxşı görməsi üçün müvafiq şəraitin yaradılmasıdır. Buna görə də, piyada keçidlərində ümumi şəhər işıqlandırmasından əlavə işıqlandırma olmalıdır".

"Piyada keçidlərində işıqlandırmanın təmin edilməsi təhlükəsizliyi artıracaq".

"Ən çox problemlər məhz işıqforla nizamlanmayan keçidlərdə yaşanır və burada əlavə işıqlandırmaya ehtiyac olur. Bu, Bakı şəhəri, xüsusilə də şəhərətrafı yerlər üçün çox aktual məsələdir. Çünki bəzi yerlərdə heç ümumi işıqlandırma da yoxdur. Buna görə də piyada keçidlərinin işıqlandırılması vacib məsələdir və bu addım təhlükəsizliyi artıracaq. Təbii ki, təhlükəsizlik yalnız bu amillə ölçülmür. Bu, bir çox kompleks tədbirlərdir ki, piyada keçidlərinin işıqlandırılması bu tədbirlərin bir hissəsidir", - deyə, ekspert bildirib.




25 Aprel 2025 Prezidentin Fərmanı: ADY təhlükəli yüklərin daşınmasında artıq lisenziya və icazə almadan fəaliyyət göstərə biləcək
25 Aprel 2025 Aprelin 26-da 32 dərəcə isti olacaq
25 Aprel 2025 Azərbaycanda bu gündən hava pisləşir
24 Aprel 2025 Leyla Əliyeva Çin Milli İnsan Genomu Mərkəzində olub
24 Aprel 2025 Səhiyyə Nazirliyi MƏLUMAT YAYDI - Aprelin 27-dən mayın 3-dək...
24 Aprel 2025 Tələbələrimiz qondarma “erməni soyqırımı” ilə bağlı tədbiri ləğv etdirdilər
23 Aprel 2025 Nəzarətsiz heyvanların qatarların qarşısına çıxması təhlükəsizliyi riskə atır, həmçinin qrafikdə gecikmələrə səbəb olur
23 Aprel 2025 AQTA-da ŞOK istefa - Zaur Kərimov vəzifəsindən getdi
23 Aprel 2025 Kamaləddin Qafarov: “Azərbaycan-Çin əməkdaşlığı Avrasiya üçün mühüm əhəmiyyətə malikdir”
22 Aprel 2025 Sabah 29° isti olacaq
22 Aprel 2025 Ölkə üzrə aprel ayının pensiya ödənişi yekunlaşıb
22 Aprel 2025 Həsənrizə daha 20 ailə köçürülür - Fotolar
22 Aprel 2025 Leyla Əliyeva Vyetnamda muzeydə - Fotolar
21 Aprel 2025 Xarici banklar Bakı metrosu üçün kredit ayıra bilər
21 Aprel 2025 Sabah 27 dərəcə isti oIacaq
21 Aprel 2025 Leyla Əliyeva görmə qabiliyyəti məhdud şəxslər üçün məktəbdə - Fotolar
21 Aprel 2025 Leysanda o yolları bağlayın - Merdən çıxış yolu təklifi
21 Aprel 2025 Bu ödənişləri gecikdirsəniz də, adınız - “Qara siyahı”ya düşməyəcək
21 Aprel 2025 Sarıcalı və Ballıca kəndlərinə növbəti köç karvanı yola salındı
19 Aprel 2025 Daha bir qanunsuz tikili söküldü - Video

Xəbər lenti