İlahiyyatçı Hacı Şahin Həsənlinin vida mərasiminə xeyli sayda insan toplaşıb.

Ölkə.Az hadisə yerindən xəbər verir ki, hazırda mərhum ilahiyyatçı ilə vidalaşmaq istəyənlər Məşədi Dadaş məscidinin qarşısında izdiham yaradıb.

İnsanlar növbə ilə məscidə daxil olur.

***

Din xadimi Hacı Şahin Həsənlinin dəfn mərasimi 16:00-da Yasamal qəbiristanlığında (“Qurd qapısı”) keçiriləcək.

Bu barədə Məşədi Dadaş məscidindən bildirilib.

***

10:11

Qafqaz Müsəlmanları İdarəsi (QMİ) sədrinin səlahiyyətli nümayəndəsi, din xadimi Hacı Şahin Həsənlinin dəfn yeri açıqlanıb.

“Əjdərbəy” məscidinin icma sədri Hacı Həmdüllah Babayev “Report”a açıqlamasında bildirib ki, o, “Qurd qapısı” qəbiristanlığında torpağa tapşırılacaq.

Qeyd edək ki, din xadimi səhər saatlarında 48 yaşında ürəktutmasından vəfat edib.

***

Xəbər verdiyimiz kimi, Qafqaz Müsəlmanları İdarəsinin (QMİ) səlahiyyətli nümayəndəsi, ilahiyyatçı Hacı Şahin Həsənli dünyasını dəyişib.

Mərhum ilahiyyatçının nəşi hazırda Məşədi Dadaş məscidinə gətirilib.

***

Qafqaz Müsəlmanları İdarəsinin (QMİ) səlahiyyətli nümayəndəsi Hacı Şahinin Həsənlinin ölümünü təsdiqləyirik.

Bu sözləri Ölkə.Az-a açıqlamasında Qafqaz Müsəlmanları İdarəsinin (QMİ) mətbuat xidmətinin rəhbəri Rəhimə Dadaşova deyib.

Həmçinin oxu: Hacı Şahin vəfat etdi 

"Səhər saatlarında dünyasını dəyişib. Artıq yuyulub və özünün fəaliyyət göstərdiyi Məşədi Dadaş məscidinə aparılıb. Ölüm səbəbi barədə məndə məlumat yoxdur. Bəlkə də dəfn yeri barədə ailəsinə vəsiyyət edib. Ona görə də dəqiq bilmirik. Dəfni ilə bağlı ətraflı məlumat veriləcək. Bizim bildiyimiz qədərilə uzun sürən bir xəstəliyi yox idi",- deyə o söyləyib.

Qeyd edək ki, bir sıra kütləvi informasiya vasitələri onun ölüm səbəbinin ürəktutması olduğunu yazıb.

Twitter