 |
|
Bakı şəhəri Təcili və Təxirəsalınmaz Tibbi yardım Stansiyasından COVİD-19-dan əziyyət çəkən 1945-ci il təvəllüdlü Şıxəliyeva Nuriyyə Əlisəttar qızının nəvəsi Nurlan Əhmədlinin şikayəti ilə bağlı məsələyə açıqlama verilib.
Stansiyanın baş həkimi Rauf Nağıyev “Qafqazinfo”ya açıqlamasında bildirib ki, sözügedən məsələdə problem təcili yardıma yox, xəstəxanaya aiddir. Belə ki, təcili yardım briqadası boş çarpayıların sayı haqda siyahı əsasında pasiyenti xəstəxanaya çatdırıb:
“Bizim briqada xəstəni aparır qəbul etmirlər. Əziyyət çəkən təcili yardım olur. Məsələ ondadır ki, həmin gün məndə əlimdə cədvəl var. Ayın 18-i saat 20:00-da apardığımız M.Ə.Əfəndiyev adına 2 saylı Şəhər Kliniki Xəstəxanasında mövcud 100 çarpayıdan 21-i sərbəst olub. Reanimasiya çarpayılarından 20-dən biri sərbəst olub. Həmin gün 20:47-də briqada xəstəxanaya çatıb, xəstəni qəbul etmək istəməyiblər. Orada da vətəndaş narazı qalıb ki, xəstə niyə qəbul olunmayıb.
Məsələ ondadır ki, hər 3 saatdan bir TƏBİB tərəfindən bizə Covid-lə məşğul olan müəssisələrin çarpayıları haqda məlumat göndərilir. Biz də o məlumata istinad edərək xəstələri böyük çətinliklə xəstəxanalara yerləşdiririk. Baxmayaraq ki, sərbəst yerlər verirlər və hər dəfə biz xəstəni aparanda orada böyük problemlərlə rastlaşırıq. Gah deyirlər siyahıda adı gəlməyib, gah deyirlər TƏBİB yer vermədi. Belə məsələlərlə üzləşirik, briqadalarımız saatlarla qapılarda qalır.
Məndə kifayət qədər o barədə görüntülər də var. Həkimlər özlərini sübut eləmək, haqlı olduqlarını təsdiq etmək üçün o görüntüləri çəkiblər. Biz hər birimiz xəstə naminə çalışırıq. Hər bir xəstə də kənarda qaldıqca kifayət qədər insanları yoluxdura bilər. Ona görə də yaranan problemlər bilavasitə təcili yardımın yox, ümumxalq əleyhinə işə çevrilir. Mən bilmirəm yalandan kim hansı mövqedən bu işləri edir. Ancaq biz çalışırq ki, vəzifə borcumuzu kifayət qədər problemsiz yerinə yetirək. Təəssüflər olsun ki, bəzən ona imkan vermirlər.
Əlimdə sənəd-cədvəl var və o sənəd təcili yardım xidmətinin haqlı olmağını bir daha sübut edir.
Mənim borcum xəstəni xəstəxanaya yerləşdirməkdir. İşi kimsə düzgün təşkil etmirsə, bu mənim problemim deyil. Mən vəzifə borcumu yerinə yetirirəm”.
R.Nağıyev xəstələrin saatlarla xəstəxanalara qəbul edilmədiyini deyib:
“Xəstənin təkcə 40 dəqiqə yox, saatlarla da gözlədiyi olub. Biz elə olub ki, 6 saat xəstəni yerləşdirə bilməmişik. Maşına oksigen balonları daşımışıq ki, xəstə boğulur, biz hələ onu yerləşdirə bilməmişik. Bu problem bugünkü problem deyil. Çarpayının qoyulması düzgün idarə olunmayanda, hesabat düzgün verilməyəndə, hər hansı səbəbdən maneə yaradılırsa, tədbir görülmürsə, bu təcili yardımın yox, xəstəxananın günahıdır”.
Xatırladaq ki, COVİD-19-dan əziyyət çəkən 1945-ci il təvəllüdlü Şıxəliyeva Nuriyyə Əlisəttar qızının nəvəsi Nurlan Əhmədli bildirib ki, 3 gündür evdə ambulator müalicə alan nənəsinin vəziyyəti ağırlaşdığı üçün Təcili Tibbi Yardıma müraciət ediblər. M.Ə.Əfəndiyev adına 2 saylı Şəhər Kliniki Xəstəxanasından əvvəlcə boş yerin olduğu bildirilsə də, 40 dəqiqə gözlədikdən sonra əksini deyiblər. Bu səbəbdən N.Şıxəliyevanın vəziyyəti daha da ağırlaşıb.
Uzun müddət yüksək vəzifələrdə çalışmış tanınmış iqtisadçı Nailə Bağırova vəfat edib.
1989-1996-cı illərdə Azərbaycan Respublikası Məişət Xidməti naziri vəzifəsini tutmuş, Azərbaycan SSR əməkdar iqtisadçısı, “Şərəf nişanı” ordeni laureatı Nailə Bağırova 81 yaşında xəstəlik səbəbindən dünyasını dəyişib.
Qeyd edək ki, Bağırova Nailə Ağadadaş qızı 1939-cu ildə Bakı şəhərində anadan olub. Ali təhsilini Azərbaycan Dövlət Universitetində alıb. O, əmək fəaliyyətinə 1957-ci ildən başlayıb. 1982-1984 illərdə Maliyyə nazirinin müavini,1984-1989 illərdə Azərbaycan Dövlət Qiymət Komitəsinin sədri, 1989-1996 illərdə Azərbaycan Respublikası Məişət Xidməti naziri olub.
Nailə Bağırova “Şərəf nişanı” ordeni ilə təltif edilib. Onun adı İngiltərədə çıxan “Dünyanın işgüzar qadınları” kitabına salınıb.
Allah rəhmət eləsin.(parla.az)
Xocalı Rayon Polis Şöbəsinin əməkdaşları keçirilən əməliyyat tədbirləri ilə karantin rejimi qaydalarını pozaraq, rayonun Buzluq kəndinə istirahət üçün gələn şəxsləri saxlayıb.
Araşdırmalarla məlum olub ki, Goranboy rayonu Qızılhacılı kənd sakinləri Səlimli Səlim Daşqın oğlu, Paşayev Arzu İlqar oğlu, Verdiyev Əfqan Mübariz oğlu və Cəfərov Fərid İlqar oğlu karantin rejimi qaydalarını kobud şəkildə pozaraq, yaşayış yerlərini tərk ediblər. Onlar bununla yanaşı, yeyib-içmək məclisi də təşkil ediblər.
Həmin şəxslər saxlanılaraq, Xocalı Rayon Polis Şöbəsinə gətirilib.
Aparılan reyd göstərib ki, hələ də bütün maarifləndirici tədbirlərə baxmayaraq, karantin rejimi qaydalarını pozan, qoyulan tələblərə əməl etməyən, koronavirus pandemiyasının yayılmasına şərait yarada biləcək hallar qeydə alınır.
Virusla mübarizə istiqamətində hüquq-mühafizə orqanları əməkdaşları həmin şəxslərlə profilaktiki söhbətlər aparıb, barələrində müvafiq qaydada protokollar tərtib edilib.
Nazirlər Kabineti Yanında operativ qərargahın tətbiq etdiyi sərt karantin rejiminə əməl etməyən şəxslər məsuliyyətə cəlb olunub.
Daha ətraflı Baku TV-nin videosüjetində:
Xocalı Rayon Polis Şöbəsinin əməkdaşları keçirilən əməliyyat tədbirləri ilə karantin rejimi qaydalarını pozaraq, rayonun Buzluq kəndinə istirahət üçün gələn şəxsləri saxlayıb.
Araşdırmalarla məlum olub ki, Goranboy rayonu Qızılhacılı kənd sakinləri Səlimli Səlim Daşqın oğlu, Paşayev Arzu İlqar oğlu, Verdiyev Əfqan Mübariz oğlu və Cəfərov Fərid İlqar oğlu karantin rejimi qaydalarını kobud şəkildə pozaraq, yaşayış yerlərini tərk ediblər. Onlar bununla yanaşı, yeyib-içmək məclisi də təşkil ediblər.
Həmin şəxslər saxlanılaraq, Xocalı Rayon Polis Şöbəsinə gətirilib.
Aparılan reyd göstərib ki, hələ də bütün maarifləndirici tədbirlərə baxmayaraq, karantin rejimi qaydalarını pozan, qoyulan tələblərə əməl etməyən, koronavirus pandemiyasının yayılmasına şərait yarada biləcək hallar qeydə alınır.
Virusla mübarizə istiqamətində hüquq-mühafizə orqanları əməkdaşları həmin şəxslərlə profilaktiki söhbətlər aparıb, barələrində müvafiq qaydada protokollar tərtib edilib.
Nazirlər Kabineti Yanında operativ qərargahın tətbiq etdiyi sərt karantin rejiminə əməl etməyən şəxslər məsuliyyətə cəlb olunub.
Daha ətraflı Baku TV-nin videosüjetində:
Bəli, biz xalq olaraq şərəfli ölümlə hər zaman fəxr etmişik. Ölümün gözünə dik baxa bildiyimiz üçün bu vətən, bu xalq, bu millət nə qədər faciələrlə üzləşsə də yaşamaq əzmini itirməyib. Qəhrəmanlıq an məsələsi deyil. O elə bir keyfiyyətdir ki, onun mahiyyətində təsadüf deyilən heç nə yoxdur. O da təsadüfən seçməmişdi bu peşəni. Çətinliklərindən də, sonundan da xəbərdar idi əslində 44 yaşlı Anar Novruzov..
Baku TV şəhidin ailəsini ziyarət edib, onların xatirələri ilə tanış olub.
Ömür gün yoldaşını itirmək Nailə Novruzova üçün nə qədər çətin olsa da, torpaq, vətən uğrunda qazandığı şəhidlik məqamı ona təsəlli, güc-qüvvət verir. Anar Novruzovun toyunda vağzalı əvəzinə “Əsgər marşı”nın sədaları ilə mağara daxil olması da vətən, torpaq sevgisindən doğurdu.
Anar evə-eşiyə sığmazdı. O, cəbhənin ən qaynar nöqtələrində kəşfiyyatçı kimi xidmət edirdi. Söhbət vətəninin, torpağının bir zərrəsindən gedən zaman gözünə nə ona möhtac iki övladı göründü, nə 20 ildən çoxdur ona həsrət qalmış doğmaları.
İndi artıq övladlarının yanına birdəfəlik dönüb mayor Novruzov.
Aprel qəhrəmanları, İyul qəhrəmanları, Yanvar qəhrəmanları.... Aylar, illər dəyişir, ancaq nə qəhrəman xalq, nə də namərd millət dəyişmir.
Ana övladını, oğul atasını, qadın həyat yoldaşını, ata dayağını itirən zaman insanın qəlbinə çökən ağrını, iztirabı göz yaşı ovundurur. Ancaq qürurla, fəxrlə şəhid olan övlad üçün axır bu göz yaşları. İgidimizin özündən sonra qəhrəmanlığı, şərəfli döyüş yolu və iki övladı yadigar qaldı bizə.
Azərbaycanda gündəlik koronavirusa yoluxanların və ölənlərin sayında günbəgün azalma müşahidə olunur. Hətta iyulun 19-da sağalma yoluxanlardan təxmini iki dəfə çox olub. Belə ki, 388 nəfər koronavirusa yoluxub, 517-si isə sağalaraq evə buraxılıb. 5 nəfər isə dünyasını dəyişib. Son günlərdəki kimi yoluxanların sayı sürətlə azalmağa davam edərsə sentyabrın sonuna kimi Azərbaycanda koronavirus pandemiyası bitə bilərmi?
Professor Adil Qeybulla bildirib ki, rəsmi rəqəmlər o qədər də diqqət etməyin:
"Çünki rəsmi rəqəmlər koronavirus testindən keçən və müayinə olunan xəstələrə aiddir. Xeyli xəstələr var ki, onlar evdə müalicə olunur. Onlar heç bir yerə də qeydiyyata düşməyib. Bunların sayı nəzərə alınsa yoluxmaların sayı rəsmi rəqəmlərdən çox olar. Son Qrabağla bağlı yürüşlərdə insanların kütləvi şəkildə toplaşması və bir-biri ilə yaxın ünsiyyətdə olması yeni yoluxmaya rəvac verəcək. Yəqin onun nəticəsini yaxın günlərdə hiss edəcəyik. Ona görə də mən nikbin əhval ruhiyyədə deyiləm. Ona görə də Azərbaycanda koronavirus pandemiyasının sentyabrda və yaxın aylarda bitəcəyini düşünmürəm".(sonxəbər.az)
“Azərbaycan Televiziya və Radio Verilişləri” QSC-nin operatoru 74 yaşlı Abasağa İmanov koronavirusdan dünyasını dəyişib.
Televiziyadan verilən məlumata görə, veteran operator 60 yaşı ötmüş bütün digər əməkdaşlar kimi artıq 1 aya yaxındır TV-yə gəlməsə də, qəflətən evdə özünü pis hiss edib. 6 gün idi ki, xəstəxanada müalicə alan A.İmanov bu gün dünyasını dəyişib.
AzTV kollektivi Abasağa İmanova Allahdan rəhmət diləyir, yaxınlarına başsağlığı verir!
"Karantin rejimi çox ciddi əhəmiyyət kəsb edir, çünki bu tədbirlər insanlar arasında yoluxma sayının artmasına imkan vermir".
Bu sözləri baku.ws-ə Səhiyyə Nazirliyinin İctimai Səhiyyə və İslahatlar Mərkəzinin şöbə müdiri Nabil Seyidov bildirib.
O əlavə edib ki, yumşaldılma tədbirlərinə gediləcək və bu tədbirlərə hamı hazır olmalıdır:
"Kafelər, restoranlar, digər ictimai iaşə obyektləri, "mall"lar, çimərliklər - hamısı hazır olmalıdır ki, təlimatlar və sanitar gigiyenik normalara mütləq şəkildə riayət edilsin. Əks təqdirdə yenə yoluxma sayında artım müşahidə olunacaq. Dövlət yenə məcbur olacaq ki, yenidən karantin tədbirlərinin sərtləşdirilməsinə getsin. Çünki burada insan sağlamlığından söhbət gedir.
Eyni zamanda biznes sahibləri bütün hazırlıq işlərini görməli və vətəndaşlardan istər nəqliyyat, istər metro, istərsə də supermarketlərdə tələb etməlidir ki, sanitar gigiyenik normalara riayət etsinlər. Supermarket bunu etmədikdə, alış-verişə gedən insanlar yoluxacaq və ailə üzvlərini də yoluxduracaq".
"Hazırda sağalma nisbəti yoluxmadan daha çoxdu. Əgər karantini tamamilə dayandırsaq, ciddi problemlər yarana bilər. Müalicələrin effektivliyinin artdığı, tendensiya sağalmağa doğru getdiyi bir vaxtda karantini tamamilə dayandırmaq bizi geri aparar. Amma təbii ki, bunun həlli yolu var. Türkiyənin təcrübəsindən istifadə edə bilərik. Türkiyədə hər bir yer açıldı, amma bir şərtlə ki, ciddi nəzarət tətbiq olunsun. Hamı maskadan, əlcəkdən və dezinfeksiya vasitələrdən istifadə etsin. Bu şərtləri yerinə yetirməklə Azərbaycanda da karantini ləğv etmək olar".
Bu sözləri redaktor.az-a millət vəkili Jalə Əhmədova deyib. O bildirib ki, karantin uzandıqca günəmuzd işləyən insanların ciddi problemləri yaranır:
"Artıq neçə aydır iş yerləri bağlı olduğu üçün günəmuzd işləyən insanların çox böyük problemləri yaranıb. Hətta 190 manatı ala bilməyən insanlar da var. Çünki adlarında torpaq sahəsi və s var. Bəlkə də həmin vətəndaş heç o ərazidən istifadə etmir, amma buna görə yardım ala bilmir. Bu isə insanlarda böyük aqressiya yaradır. Düşünürəm ki, karantini müəyyən şərtlər daxilində dayandırmaq olar. Sadəcə Post Patrul Xidməti, polislər, Daxili Qoşunlar və s. vəziyyətə ciddi nəzarət edə, şəhərdə reydlər təşkil edə bilərlər ki, hamı maskadan stifadə etsin. Belə olsa, çox yaxşı olar. Vətəndaşların da özlərində məsuliyyət güclü olmalıdır".
“Gördüyünüz kimi son günlər virusa yoluxmada müsbət dinamika müşahidə olunur. Əgər dinamika bu cür davamlı olsa və Azərbaycanın digər bölgələrində də bu müşahidə olunarsa , yəqin ki, müəyyən yumşalmalar nəzərdə tutulacaq”.
Bunu “Ölkə.Az”a açıqlamasında Azərbaycanın baş infeksionisti Cəlal İsayev sərt karantin rejimində nəzərdə tutulan yumşalmalar haqqında danışarkən bildirib.
“Əgər müsbət vəziyyət davam etsə, insanlar karantin rejiminə tam əməl etsələr, yumşalmalar avqustun 5-dən də tez bir zamanda, ilk həftədən sonra da ola bilər. Bizə bir az şübhəli qalan vəziyyət keçən həftə orduya, Prezidentə dəstək zamanı keçirilən aksiyadır. Çünki bu xəstəliyin inkubasiya dövrü 3-4 gündən -14 günə qədərdir. Orada ən azından infeksiyanı yüngül formada keçirən 10 % insan var idisə, bu artıq böyük fəsadlara səbəb ola bilər. Bu barədə inkubasiya dövrünü keçdikdən sonra yaranan vəziyyəti nəzərdən keçirib, müəyyən qərarlar veriləcək. Mən karantin rejiminin avqustun 5-nə qədər uzadılmasını dəstəkləyirəm və bildirirəm ki, bu düşünülmüş bir addımdır”,- deyə o, qeyd edib.
Baş infeksionist yaxın zamanlarda çimərliklərə veriləcək icazələrdən də danışıb. O, bildirib ki, hazırda hökümət bu məsələni müzakirə edir və yaxın zamanlarda ictimaiyyətə bu barədə açıqlama veriləcək:
“Bu barədə hazırlıqlar görülür. Artiq 6-7 ictimai çimərlik insanların ixtiyarına buraxılacaq. Bu Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilir. Artıq fövqaladə hallar naziri və Bakı şəhəri İcra hakimiyyətinin başçısı dəniz kənarında olublar və xüsusi plan hazırlanır. Orada da insanlar xüsusi karantin rejiminə riayət edərək rahat şəkildə istirahət edə biləcəklər. Sahildə xüsusi qaydalara əməl edilsə və bu dənizin içində də davam etdirilsə, insanların virusa yoluxma ehtimalları sıfıra bərabər olar. Ona görə mən bu vəziyyətdə əhalini tam diqqətli olmağa çağırıram”.
Bakıda və Abşeron yarımadasında iyulun 21-də havanın dəyişkən buludlu, yağmursuz keçəcəyi gözlənilir.
Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, cənub küləyi axşam arabir güclənən şimal-qərb küləyi ilə əvəz olunacaq.
Havanın temperaturu Abşeron yarımadasında gecə 23-27, gündüz 34-39, Bakıda gecə 25-27, gündüz 36-38 dərəcə isti olacaq.
Atmosfer təzyiqi normadan aşağı - 752 mm civə sütunu, nisbi rütubət gecə 60-70, gündüz 35-40 faiz təşkil edəcək.
Abşeron çimərliklərində cənub küləyi əsəcək, axşam arabir güclənən şimal-qərb küləyi ilə əvəz olunacaq. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zuğulbada 26-27, Türkan, Hövsan, Sahil, Şıxda isə 27-28 dərəcə isti olacaq.
Azərbaycanın rayonlarında havanın əsasən yağmursuz keçəcəyi, lakin axşama doğru bəzi şimal və qərb rayonlarında şimşək çaxacağı, yağış yağacağı, ayrı-ayrı yerlərdə leysan xarakterli intensiv olacağı, dolu düşəcəyi gözlənilir. Qərb küləyi gündüz ayrı-ayrı yerlərdə arabir güclənəcək.
Havanın temperaturu gecə 22-27, gündüz 36-41, dağlarda gecə 16-21, gündüz 23-28 dərəcə isti olacaq.
Tibbi-meteoroloji proqnoza gəlincə, iyulun 21-də Abşeron yarımadasında isti temperatur diskomfortu və günün bəzi saatlarında durğun hava şəraiti gözlənilir ki, bu da meteohəssas insanlar üçün əlverişsizdir.