Bu barədə Media.Az-a açıqlamasında finlandiyalı ictimai xadimi, ictimai-siyasi elmlər doktoru Yohan Bekman bildirib.

“Finlandiya vətəndaşı, vəziyyəti yaxından izləyən bir politoloq kimi deyə bilərəm ki, cənab Obraynın bu açıqlaması bizdə çaşqınlıq yaratdı. Finlandiyada bu barədə heç nə bilmirlər. Bəli, Qarabağdakı müharibə ilə bağlı çox sayda materiallar var, Rusiya Prezidenti Vladimir Putinin sözləri və tənzimlənmə ilə bağlı təklifləri təhlil olunur. Və birdən amerikalı Finlandiyaya, İsveç, Norveç və Danimarkadan hərbçilərin Qarabağa göndərilməsindən danışır. Bu çox qəribədir, çünki bizdən heç soruşulmayıb”, - Yohan Bekman bildirib.

Məsələn fin ordusu bölmələrinin Qarabağda döyüş əməliyyatları bölgəsinə göndərilməsinin əvəzinə, danışıqların Finlandiyada, misal üçün əhalisinin böyük hissəsini isveçlilərin təşkil etməsinə baxmayaraq Finlandiyanın tərkibində muxtariyyət olan tamamilə silahsızlaşdırılmış Aland adalarında keçirilməsi təklifini etmək daha yaxşı olardı.

“Bu muxtariyyətin paytaxtı Mariehamn (İsveç dilində) və ya Maarianhaminadır (fin dilində). Mənə elə gəlir ki, belə bir sammit hərbçilərin göndərilməsindən daha faydalı olardı. Finlandiya danışıqlar platforması kimi geniş təcrübəyə sahib olan bitərəf ölkədir”.