Rusiyanın çağırışlarından sonra Ermənistan Baş naziri Nikol Paşinyan baş müşaviri Arsen Xaratyanı vəzifəsindən azad edib.

Axar.az xəbər verir ki, bu barədə məlumatı “Qraparak” qəzeti yayıb.

“Bu vaxta qədər mətbuatda Xaratyanın Yuri Xaçaturov işində əsas şəxslərdən biri olmasıyla bağlı informasiyalar yayılırdı. Belə ki, məhz Xaratyan KTMT rəhbərinin həbsini KTMT-nin digər üzvlərinə xəbər vermədən məsləhət bilmişdi. Xaratyan Paşinyanı Xaçaturovun həbsi zamanı heç bir problemlə qarşılaşmayacağına əmin etmişdi.

Bundan başqa, Moskvada Xaratyanı həm də ABŞ casusu sayırlar və istəmirlər ki, Ermənistan baş nazirinin baş müşaviri postunda belə bir şəxs otursun. Xaratyanın vəzifəsindən azad edilməsi üçün digər səbəblər də olub, amma faktiki olaraq 27 il ərzində Moskvadan kimsə Ermənistanda kiminsə vəzifəsindən çıxarılmasıyla bağlı İrəvana zəng etməyib”, – deyə qəzet bildirib.

Twitter