Qərbi Balkan dövlətləri təhlükəsizliyin təmini məsələsində Avropa Birliyinin tərəfdaşları olurlar.

Axar.az xəbər verir ki, bunu AB ölkələrinin müdafiə nazirlərinin Vyanadakı ikigünlük qeyri-rəsmi görüşündə çıxışı zamanı AB-nin Xarici işlər və təhlükəsizlik siyasəti üzrə ali nümayəndəsi Federika Moqerini deyib. Onun sözlərinə görə, AB əvvəllər Qərbi Balkan dövlətlərinə qeyri-stabillik ocağı kimi baxsa da, indi bu ölkələrlə təhlükəsizlik məsələlərini müzakirə edir.

Qeyd edək ki, son illər Qərbi Balkan bölgəsi uğrunda Qərblə Rusiya arasında münasibətlər kəskinləşib. Moskva Qərbi Balkan ölkələrinin AB və NATO-ya üzv edilməsi uğrunda Brüsselin cəhdlərini qətiyyətlə pisləyərək, buna imkan verməyəcəyini bəyan edib. Moskvanın Brüssellə maraqları xüsusilə Monteneqro, Kosova, Makedoniya və Bosniya-Hersoqovinada toqquşur.

Twitter