Almaniya kansleri Angela Merkelin liderlik etdiyi fraksiyanın Avropa Parlamentindəki sədri Manfred Veber Avropa Xalq Partiyasından Avropa Komissiyasının başçısı vəzifəsinə namizəd olacaq.

"Report" "Deutsche Welle"yə istinadən xəbər verir ki, onun namizədliyini kanslerin özü irəli sürüb.

M.Veber Almaniya kanslerinin rəhbərlik etdiyi Xristian Demokratik İttifaqın tərəfdaşı olan regional partiyanın - Bavariya Xristian Sosial İttifaqının sədrinin müavinidir.

Məlumata görə, A.Merkel Avropa Komissiyasının sədri postunda alman əsilli siyasətçi görmək istəyir. Buna görə hətta Almaniya Federal Bankının sədri Yens Vaydmanın Avropa Mərkəzi Bankının rəhbəri vəzifəsinə namizəd kimi irəli sürülməsindən imtina edə bilər.

Twitter