Paşinyan administrasiyası antierməni mövqeyinə görə belaruslardan intiqam almaq yolları axtarır.

Bu sözləri Axar.az-a Ermənistan-Belarus münasibətlərini şərh edən tanınmış ekspert Fuad Abbasov deyib.

Abbasovun sözlərinə görə, Azərbaycanla Belarus arasında yalnız hərbi-sənaye sahəsində deyil, həmçinin iqtisadi və mədəni sahələrdə müttəfiqlik münasibətlərinin olması heç kimə sirr deyil. Bu isə Paşinyana heç cür rahatlıq vermir:

“Ermənistan KTMT və MDB-də, həmçinin İrəvan və Minskin birlikdə təmsil olunduğu digər təşkilatlarda Azərbaycanın Belarus kimi müttəfiqinin olmasını qəbul edə bilmir”, - ekspert bildirib.

Ermənistan rəhbərliyi və onların maliyyələşdirdiyi Lapşin kimi xarici təxribatçılar Lukaşenkoya kin bəsləyir və Belarusu məhkəməyə vermək istəyir. Politoloq nümunə olaraq Azərbaycanın Lapşini beynəlxalq axtarışa verməsini və Belarusun bu məsələdə ölkəmizə hərtərəfli dəstəyini xatırladıb:

“Məhz Paşinyanın Belarusun ünvanına səsləndirdiyi fikirlər və Belarus XİN-in Ermənistana verdiyi cavabla bağlı son hadisələr hazırkı vəziyyətdə yekun rol oynayıb”, - analitik bildirib.

Qeyd edək ki, Belarus XİN Paşinyanın səsləndirdiyi fikirləri küçə demokratiyası ilə müqayisə edərək etik qaydaların gözlənməsi barədə xəbərdarlıq etmişdi.

Twitter