Donald Tramp ABŞ ordusunun bir hissəsinin Əfqanıstandan çıxarılmasına dair tapşırıq verib.

Axar.az xəbər verir ki, bu məlumatı “Vol Strit Jurnal” qəzeti yayıb. Məlumata görə, Əfqanıstandakı ABŞ ordusunun sayının yaxın zamanlarda 7 min nəfərə qədər azaldılması nəzərdə tutulub.

Qəzetin mənbəsi Trampın bu addımının uzun zaman davam edən konfliktlərdən uzaq durmaq istəməsi və Amerikanı yeni konfliktlərə cəlb etməmək istəyi ilə bağlı olduğunu bildirib.

Maraqlı məqam odur ki, Tramp bu qərarı xarici siyasətdə atdığı digər addımlar kimi prezident komandasının üzvləri ilə məsləhətləşmədən qəbul edib.

Qeyd edək ki, hazırda Əfqanıstanda ABŞ-ın 14 min nəfərlik kontingenti var.

Bundan öncə ABŞ Prezidenti Donald Tramp ABŞ-ın hərbçilərinin Suriyadan çıxarılması haqqında qərar qəbul etmişdi.

Twitter