Qeyri-qanuni fəaliyyət göstərən beynəlxalq koalisiya hava hücumlarını İŞİD-lə mübarizə məqsədi ilə təşkil etmir. Onlar əksinə olaraq, terror təşkilatının güclənərək yayılmasına kömək edirlər.

Axar.az xəbər verir ki, bu barədə məlumat Suriya Xarici İşlər Nazirliyinin BMT-nin baş katibinə və Təhlükəsizlik Şurasına göndərdiyi məktubda qeyd edilib. Nazirliyin məktubunda koalisiyanın Suriyadakı hədəfinin İŞİD deyil, Deyr ər-Zorda yaşayan mülki vətəndaşlar olduğu qeyd edilib:

“Koalisiya yaradıldığı gündən bəri terror təşkilatının Suriyada qalmasına və yenidən güclənərək yayılması üçün əlverişli şəraitin qurulmasına kömək edib”.

Nazirlik koalisiyanın Suriyadakı bütün qoşunlarını geri çəkməsini və BMT-nin mülki vətəndaşlara görə ədalətli araşdırma başlatmasını tələb edib.

Twitter