İngiltərə Beynəlxalq Statistika Ofisinin (ONS) yaydığı məlumatlara görə, 6 yanvar tarixində ölüm faizi gündəlik orta ölüm faizindən 25 faiz daha artıqdır.

Soyuq hava və mövsümi stresə görə bu faizin yüksəldiyi təxmin edilir.

Musavat.com xəbər verir ki, mütəxəssislər bu statistikalardan yola çıxaraq 6 yanvar bazar günündə “Evinizdə oturun, riskli işlər görməkdən və bayıra çıxmaqdan çəkinin. Çünki bu bazar günü İngiltərədə ölümlərin ən çox yaşandığı gündür” çağırışını edib.

Bu fikir bir çoxlarına ürküdücü gələ bilər. Ancaq İngiltərə Beynəlxalq Statistika Ofisinin rəqəmləri 2005-ci ildən bu yana 6 yanvarda digər hər hansı bir gündə yaşanandan daha çox ölüm hadisəsi baş verdiyini müəyyənləşdirib. 6 yanvarda orta hesabla ölən insanların sayı 1.732-yə çatdığı halda, bu faiz il boyu 1.387 olaraq hesablanıb. Bundan başqa, 5 və 7 yanvar tarixlərində də bu ortalama ilə müqayisədə daha çox ölümlər yaşanır.

Analitiklər 6 yanvarda artan ölümlərin soyuq havanın insanları infeksiyalara və xəstəliklərə qarşı daha həssas etməsi ilə bağlı olduğunu deyir. Nəticə olaraq bu xəstəliklər xüsusən yaşlılar arasında fiziki zəifliklərə və ölümə yol aça bilir. Bundan başqa, mütəxəssislər yanvar ayında tətil stresinin də xeyli artdığını və işə yenidən başlamanın bədbəxtlik yaratdığını deyir.

“Deyli Teleqraf” qəzetinin xəbərinə görə, Şepel Araşdırma Qrupundan Stiv Kotl "İntihar və intihara cəhdlər yeni il bayramının ardınca və yanvar ayının əvvəllərində yüksəkişdə olur” deyib.

Bundan başqa, cənazə xidmətləri verən Beyond, 30 iyulda orta hesabla 1.208 olan ölüm sayının il boyunca ən aşağı səviyyəyə endiyini ifadə edir. Və bu səviyyə də gündəlik olaraq, illik ortalamadan 13 faiz daha azdır. Beyonun qurucu ortağı olan Ceyms Dun “Yeni il tətilinin dərhal ardınca belə bir həqiqətlə üzləşmək dəhşət vericidir. Amma 6 yanvar bizim “ölüm günümüzdür” deyib.

Twitter