Dünya miqyasında 40 milyon 300 min müasir kölə var və bunlardan 400 mindən çoxu ABŞ-da yaşayır.

Axar.az xəbər verir ki, bu barədə Azad Yürüş Fondunun (Walk Free Foundation) hesabatında deyilib.

Fondun beynəlxalq köləlik indeksinin təyin edildiyi hesabatında müasir qulların inkişaf etmiş dövlətlərdə daha çox yaşadığı qeyd olunub. Hesabatda “müasir köləlik” anlayışı insan alveri, məcburi əmək, borc əsarəti, zorla evləndirmə, cinsi istismar, uşaqların satılması və istismarı kimi təyin edilib.

Fondun məlumatına görə, ABŞ-da təxminən hər 800 nəfərdən biri müasir kölə olaraq yaşayır. 136 min kölənin yaşadığı Böyük Britaniyadan tutmuş, Avstraliya, Fransa və digər Avropa ölkələrində göstərici proqnozlaşdırılandan yüksək olub.

Hesabatda hər 10 nəfərdən birinin zorla çalışdırıldığı Şimali Koreyada 2 milyon 600 min müasir kölə yaşayır. Bu ölkəni nəticələrinə görə, Eritreya, Burundi, Mərkəzi Afrika Respublikası və Əfqanıstan izləyir. Hindistanda 2016-cı ildə 18 milyon 400 min olan bu rəqəmin 8 milyona qədər azaldığı qeyd olunur.

Twitter