15:54

Məncə, Moskva Ermənistandan narazılığını göstərmək üçün hansısa addımlar atacaq.

Bu tədbirlər məntiqli olacaq. Yəqin ki, Ermənistan KTMT-dəki sədrliyini itirəcək, Moskva Azərbaycana silah tədarükünü artıracaq və hər şey də bununla bitəcək.

Axar.az xəbər verir ki, bunu BBC-yə müsahibəsində rusiyalı politoloq Andrey Yepifantsev deyib.

“Ermənistan rəhbərlərinin Köçəryan və Xaçaturovla bağlı dedikləri onların hadisələrə ənənəvi yanaşma tərzləridir. Onlar hər zaman deyirlər ki, biz nə ediriksə, bunu milli maraqlarımız çərçivəsində edirik. Bu bizim daxili işimizdir və işimizə qarışmayın. Lakin reallıqda Ermənistanın xarici öhdəlikləri var. Bu öhdəliklər xüsusilə KTMT və Moskva ilə münasibətlərlə bağlıdır. Burada onların azadlıqları məhdudlaşır.

Ermənistan hökuməti heç nə olmamış kimi KTMT baş katibini həbs edə bilməz. Ona görə ki, bu, beynəlxalq hüquqa ziddir. Bu, həm KTMT-nin imicinə, həm Moskvaya, həm də Ermənistan-Rusiya münasibətlərinə zərər vurur.

Əlbəttə, Paşinyanı hakimiyyətə gətirən şəxslər ona təzyiq edir və ondan köhnə hakimiyyətin qisasını istəyir. Hazırda o, cəmiyyətin bu hissəsinə özünün loyallığını göstərməlidir. Onun qarşısında seçim var idi: ya elə etməli idi ki, bu insanlar ondan üz çevirməsin, ya da Ermənistanın öhdəliklərini pozmalı idi və Paşinyan birincini seçdi.

Moskva hər zaman İrəvana qarşı “başa düşmək və əfv etmək” siyasəti çərçivəsində hərəkət edib. Məncə, erməni siyasətçilər Kremlin yenə belə siyasət yürüdəcəyini bilirlər” – deyə o bildirib.

Twitter