Sosial şəbəkələrdə Təbrizin Şah Gölü parkında polis əməkdaşlarının mümkün etiraz aksiyasının qarşısını almaq məqsədi ilə oraya toplaşan insanları ərazidən uzaqlaşdırdığını əks etdirən video paylaşılıb.

Axar.az xəbər verir ki, videoda ETTELAAT və polis əməkdaşlarının etirazların baş qaldıra biləcəyi ərazilərə toplaşdığı görünür.

Azərbaycan şəhərlərində qiyamın baş verməsindən narahat olan rejim Təbrizin əsas meydan və xiyabanlarında təhlükəsizlik tədbirlərini gücləndirib. Əylənmək istəyən gənclərin belə bir araya gəlməsinə icazə verilmir.

Qeyd edək ki, İranın bir neçə böyük şəhərində ölkənin iqtisadi şəraitinin yaxşılaşdırılması tələbi ilə etiraz aksiyaları başlayıb. Aksiyalar təhlükəsizlik qüvvələri tərəfindən dağıdılır, bir neçə şəhərdə etirazçılarla təhlükəsizlik qüvvələri arasında qarşıdurma yaşanıb.

Twitter