Rusiya bütün resurslarından istifadə edəcək ki, Ukraynadakı seçki ərəfəsində ölkəyə siyasi və iqtisadi nəzarəti ələ keçirə bilsin.

Axar.az xəbər verir ki, bunu “Fakty.ua” saytına açıqlamasında ukraynalı hərbi ekspert Aleksey Arestoviç deyib. Onun sözlərinə görə, Moskva xüsusilə Xerson, Berdyansk və Mariupol istiqamətində qaynar nöqtələr yarada bilər:

“Vəziyyət çox qorxuludur. Kreml xüsusilə cənubda aktiv şəkildə situasiyanı qızışdırmağa çalışacaq. Əgər bu seçkidə rusiyayönlü namizəd qalib gəlsə, o zaman Ukrayna müstəqilliyini itirəcək. Ümumiyyətlə, Poroşenkodan başqa kimsə qalib gəlsə, o zaman Donbasdakı müharibənin Poroşenko rejimi ilə bağlılığı haqqında tezislər ortaya çıxacaq, Ukrayna ilə Rusiyanı barışdırmağa çalışacaq. Nəticədə Putin Ukraynanı bir-iki il ərzində əldə edəcək. Moskva indiyə qədər istifadə etdiyi hərbi metodları siyasilərlə əvəz edəcək. Kreml öz məqsədləri üçün hətta ukraynalı boksçu Aleksandr Usikin də yardımlarından yararlanacaq”.

Qeyd edək ki, Ukraynadakı prezident seçkisi 2019-cu ilin martında baş tutacaq.

Twitter