Tramp administrasiyası ABŞ-a gömrük vergisi vermədən daxil olan Türkiyə məhsullarına qarşı rüsumların tətbiqi məsələsini gündəmə gətirib.

Axar.az xəbər verir ki, “Röyter” agentliyi ABŞ Ticarət Nazirliyinin incələyəcəyi məhsulların dəyərinin 1,66 milyard dollar olduğunu bildirib. Bu məhsullar sırasında avtomobil ehtiyat hissələri, zinət əşyaları və təbii daşlar yer alıb.

ABŞ Ticarət Nazirliyi artıq bu qərarın keşiş Branson böhranıyla əlaqədar olmadığını bəyan edib. Vaşinqton bu addımı Türkiyənin ABŞ məhsullarına qarşı tətbiq etdiyi gömrük rüsumlarına cavab olaraq atdığını bildirib.

Qeyd edək ki, Türkiyədən ABŞ-a bəzi məhsullar GSP proqramı (Rüsumsuz Vergi Bazası) əsasında daxil olur. GSP proqramı xüsusilə avtomobil ehtiyat hissələri, zinət əşyaları və təbii daşlara tətbiq edilir.

Türkiyə bundan öncə ABŞ-ın polad idxalına 25%, alüminiuma isə 10% gömrük rüsumu tətbiq etməsinə cavab olaraq, ABŞ-dan idxal edilən kömür, kağız, badam, tütün, çəltik, viski, avtomobil, kosmetika, neft-kimya məhsullarına əlavə gömrük rüsumu tətbiq etmişdi.

Twitter