Paşinyan hər vəchlə Konstitusiyaya parlamentin özünü buraxmaq hüququ barədə müddəanı daxil etmək istəyir.

Bu sözləri Axar.az-a Ermənistan parlamentinin spikeri Ara Babloyanla Ermənistan Baş naziri Nikol Paşinyan arasında baş tutan görüş haqda danışan millət vəkili Rasim Musabəyov deyib.

“Paşinyan Konstitusiyanı dəyişməklə özünə əlverişli şərait təmin etməyə çalışır ki, parlamenti baş nazir postunu saxlamaq şərtilə buraxmaq mümkün olsun. Onun ikinci əsas məqsədi isə məhkəmələrə müdaxilə etməkdir. Təbii ki, parlamentin sədri və prezident onun bu istəklərini hüquqdan kənar addım kimi dəyərləndirirlər. Babloyan-Paşinyan görüşündə məhz bu məsələlərlə bağlı danışıqlar aparılsa da, bunun baş tutub-tutmayacağı sual altındadır”, - deputat bildirib.

Qeyd edək ki, Ermənistan parlamentinin spikeri Ara Babloyan Paşinyanla görüş keçirib.

Twitter